آیات محبوب کتاب مقدس از John 1

به اشتراک گذاشتن

Nem gwara ngoy toon engawat et ematid si-katho, et si-kariy inni-kanan to na karebengan chen manbalin na anak Afo Chiyos.

Nonta kapkapoanan a aneng pay meparsowiy dobong, sigod a gwares Esel. Ekisa-kis Esel cha Afo Chiyos, tan man-inges i ogadin Esel tan Afo Chiyos.

Nasimilow iwa silow cha kawad-an na enbolinget, et sema enbolinget ket, nat mahaagwak to ma silow.

Si Esel, iyanbalin na too, et ekiiya-iyan cha si-kathayo. Gwared si-kathoy emiin a kaasi tan podno. Sini-neng miy kinakayang ton sema kinakayang na sa-sa-kin Anak Afo Chiyos a Aweto.

Si Esel, si-kathoy kagol na eparsowaan na emiin a gwared dobong tan dangit. Nagwaren polos i eparsowa, malaksid babaen cha si-katho. Si Esel i naedafoan na biyag, tan sema biyag, si-kathoy silow a naenilow na nemnem na too.

Idi gwa-gwa tho, miten John a Naemonjag si Jesus a man-eesop ali, et kigwan to i “Si-neng jo, aman aliy Ngalobon Kalniron Afo Chiyos a mengkal na basol na tothoo!

Sema iyanngaran na Esel a podnon silow, ekiiyan cha tood ja dobong, nem angken si-kathoy kagol na eparsowaan na emiin a gwared ja dobong, nat igwat pay laeng na too. Kimowan alis Esel cha ili thon mismo, nem nat igwat iren ma kaidian to.

Sema podnon silow, mimothok med ja dobong, et nasinilowan toy nemnem na emiin a too.

Tep inpaamten Afo Chiyos i dinteg to babaen Moses, nem inpaamta thoy kaasi tan kinapodno tho babaen Jesu Cristo.