آیات محبوب کتاب مقدس از 1CO 6

به اشتراک گذاشتن

Sǝramasǝrǝg taakiya vǝgharu Vǝgya Shiɗǝkwa Daadamazhigǝl kwa ndzǝga ma kurama, dlaɓa iin wa dlǝghama nǝ uuram vak Daadamazhigǝla. Kuram bi wa kwara ghǝraru biya, sǝgwakura dǝ sǝgw nǝ uuda. Mbakyarvad kwah famaarafǝg kǝ Daadamazhigǝl dǝ vǝgharuwa.

Mbats, am sǝrga bi taakiya lii ɓa dǝgiti ghwaɗ ar da dǝgaa bi damma tlǝkǝsǝra Daadamazhigǝl biya? Aa valkurda bi nǝ uud biya, aɗaba maay lii shalavashalava, kwatǝnahǝr kǝ ghǝlaha, lii ɓa gwaragwara, aanji ghwalvahi hǝnna dǝ vǝgaatǝr ghwalvaha, Bi gǝllaha, bi lii dlǝrmǝga, bi lii hǝɓa kya ɗyakɗyaka, bi lii ghudazha uuda, bi lii pǝrɗa dǝga uuda, maay aanji pallatǝr wa da dǝgaadǝg damma tlǝkǝsǝra Daadamazhigǝla biya.

Kuvamkuvǝg kǝ shalavashalava! Baɗǝm haipi ɓag nǝ uud tlǝkǝna bi kǝ vǝghaan biya, amma dadda gwaragwar ɓagar haip kǝ ghǝvaana.

“Haighwanthaig nǝ uud kǝ ɓa dǝgitah baɗǝmma,” amma ɗǝm bi dǝgitahi mǝlgaru kǝ uud biya, “Haighwanthaig nǝ uud kǝ ɓa dǝgitah baɗǝmma,” ǝn nǝgal bi kǝ ɛɛvya aanji kwar kǝ dǝgit biya.

Cighantciig Daadamazhigǝl kǝ Yaazhigǝl dǝ shiifǝga, da cikiyam bandkwah dlaɓ kǝskǝmiyam tǝdvad ndzǝɗaana.