آیات محبوب کتاب مقدس از Los Hechos 3

به اشتراک گذاشتن

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

Ta saa ndi̱kaꞌan ra Pedro xiꞌin ra, káchi ra saa: ―Köo xuꞌun ndíso nde taxi nde ndaꞌa un, sundi ya kúu mií nde ta taxi nde ya ndaꞌa un. Kuandikoo kundichi kaka un tixin kivi Jesucristo, ra ñuu Nazaret, káꞌan i xiꞌin un ―káchi ra Pedro xiꞌin ra.

Ñaa tá ndi̱kaꞌan soꞌva ra Pedro xiꞌin ra, ta saa ti̱in ra ndaꞌa kuaꞌa ra ndi̱kundichi ra. Tá ndi̱kundichi soꞌva ra ta ndikun ndu̱ndee xaꞌa ra xiꞌin sukun xaꞌa ra. Saa ndi̱kundichi ra xa̱á ra xíka ra. Ta saa ndi̱kiꞌvi ra xiꞌin nda veꞌe ñuꞌu, xíka mií ra ndi̱kiꞌvi ra xiꞌin nda. Kúsini ka vi ra ndakua kándeta ra, káꞌan ra ya vaꞌa xaꞌa Ndioxi.

Xaꞌa ya kándixa nde Jesús ya ndee ni ndee kúu mií kivi ra, yakan vaꞌa ndu̱vaꞌa ra yóꞌó. Xiꞌin ndee Jesús ndu̱vaꞌa ra ta xíto xiꞌin nuu ndo ra ndíchi ra nuu ndo vitin ―káchi ra Pedro xiꞌin na.