آیات محبوب کتاب مقدس از Los Hechos 4

به اشتراک گذاشتن

Iindaa mituꞌun Jesús ku ra kúu mií ndee ya sikaku ra yoo. Nda iin na ñuu ivi yóꞌó ta köo na kuchiñu sikaku yoo, nda iin ñaꞌñu nïꞌi yo na sikaku mií yo, iindaa Jesús ku ra kúu mií ndee ya ta̱xi Ndioxi ndaꞌa ra sikaku ra yoo ―káchi ra Pedro xiꞌin ndiꞌi na xikuaꞌa ikán tin na chiñu.

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

Ta vitin káꞌan nde xiꞌin un chindee un ndeꞌe, Tata, chi xíto mií un ndá kuꞌva síꞌvi ni na ndeꞌe saa chi ndíkasi na nuu nde ya ná käꞌan ka nde tuꞌun un. Ta taxi un ndee un ndaꞌa nde ya ná ku ïꞌvi nde kaka nde ndikani nde tuꞌun un.

Ta Jesús yóꞌó ku ra káa tá káa yu̱ú ya ku̱ndasi ni na síkuaꞌa veꞌe. Xíniñuꞌu ni na yu̱ú ikán ta ku̱ndasi na ya. Tá i̱kan na ikán, saa i̱kan ndóꞌo̱ xiꞌin Jesús, ra ikán ku ra xíniñuꞌu ni ndiꞌi yo ta ku̱ndasi ndo ra.

Saa tá xi̱ni soꞌo na ikán ya ndi̱kaꞌan ra Pedro tin ra Juan, ñaa ndi̱kanda ni ini na xíni ñaꞌa na, chi ndinuni loꞌo ini nda káꞌan nda, ni köo íꞌvi nda káꞌan nda. Ta ni süvi nda ndi̱sikuaꞌa ku nda. Ta vaꞌa ni káꞌan nda. Xaꞌa ya ikán kua vaꞌa ndi̱kuni ñaꞌa na ya xi̱taꞌan nda xiꞌin Jesús.

Ndiꞌi kúu na kándixa Jesús vaꞌa ni ndi̱xiyo na xiꞌin taꞌan na. Iin yuꞌu ndi̱xiyo ndiꞌi na xiꞌin taꞌan na, nda tá káa ñaꞌa ndiꞌi na saa ndi̱xiyo ya, iin ndi̱xiyo ndikaꞌnu ndiꞌi ñaꞌa na.