آیات محبوب کتاب مقدس از San Juan 15

به اشتراک گذاشتن

’Yeꞌe ku itun uva chee, ta ndóꞌo̱ ku teꞌe ndaꞌa nu. Na ítaꞌan tuun xiꞌin i ta koo tuun tu yeꞌe xiꞌin na, ta kuaꞌa ni ya vaꞌa ikan na xáa saa. Chi tá tu köo ítaꞌan tuun na xiꞌin i, ta nda iin ñaꞌa küchiñu na ikan na.

Ta xíniñuꞌu ndo kutaꞌan tuun ndo xiꞌin i, ta saa tu yeꞌe va kutaꞌan tuun i xiꞌin ndo. Tá kúu yoꞌó teꞌe itun uva küvi kana kuiꞌi nuu ya tá tu köo ítaꞌan yoꞌo teꞌe xiꞌin nu, ta saa kundoꞌo tu ndóꞌo̱ va, tá tu köo ítaꞌan tuun ndo xiꞌin i.

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

Iin ra xíꞌi xaꞌa ra ítaꞌan xiꞌin ra ra ikán ku ra yáꞌa ni kúꞌvi ini xíni ra ta köo ka ya ikan ra ya sinaꞌa ra mií ra ya kúꞌvi ni ini ra xíni ñaꞌa ra.

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

Ta ya yóꞌó kua xáꞌnda chiñu i nuu ndo: Kuꞌvi ni ini ndo kuni taꞌan ndo tá kuꞌva kúꞌvi ini yeꞌe xíni i ndóꞌo̱.

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

Saa ndi̱kaꞌan Jesús káchi ra saa: ―Yeꞌe ku itun yoꞌó uva ya vaꞌa ni. Ta Iva i ku ra ndáa nu ikán.

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

’Ya yóꞌó kua káꞌan i xiꞌin ndo ya ná koo ya sií ni íyo nuu i xiꞌin ndo, ta saa kua ná kusini ni ka ndo.

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

Ta ya yóꞌó kua xáꞌnda chiñu i nuu ndo: Kuꞌvi ni ini ndo kuni taꞌan ndo.

Tá tu taꞌan na ñuu ivi yóꞌó ku ndo, ta kuꞌvi ini na kuni na ndóꞌo̱, ndikuu. Sundi ndóꞌo̱ ta süvi taꞌan na ku ndo. Chi yeꞌe ta ndi̱kaxin i ndóꞌo̱ ya ndu̱u ndo kuenta mií i. Ta xaꞌa ya ñaa kua kúndasi nuu na xíni na ndóꞌo̱.