آیات محبوب کتاب مقدس از San Juan 19

به اشتراک گذاشتن

Tá ndiꞌi xi̱ꞌi Jesús nduta vinu iyá ikán saa ndi̱kaꞌan ra: ―Vitin ku nuu ndi̱xinu ndiꞌi ya ―káchi ra. Saa ndi̱kuita ndee xiní ra ta ndi̱taxi ra ya vaꞌa ra ndaꞌa Ndioxi, ñaa ndi̱xiꞌi ra.

Jesús ta xa kúndaa ini ra, ya xa xa̱a súvi ndiꞌi ra chiñu ya ta̱xi Ndioxi ndaꞌa ra, saa ndi̱kaꞌan ra inka tuꞌun, ya xa̱a súvi ra tuꞌun Ndioxi, ya ta̱a na xinaꞌa, káchi ra saa: ―Íchi ni i tikuii ―káchi ra.

Tá xi̱ni Jesús siꞌí ra ndíchi yá xiꞌin inka ra xi̱taꞌan xiꞌin ra, ra ku̱ꞌvi ni ini ra xi̱ni ñaꞌa ra, saa ndi̱kaꞌan ra xiꞌin siꞌí ra, káchi ra saa: ―Nana, ra yóꞌó nduu seꞌe un vitin ―káchi ra xiꞌin yá. Sindiꞌi saa ndi̱kaꞌan ra xiꞌin ra xi̱taꞌan xiꞌin ra, káchi ra saa: ―Yá ñaa nduu siꞌí un vitin ―káchi ra xiꞌin ra. Nda kivi ikán ndi̱kiꞌin ra yá íyo yá veꞌe ra.

Ñaa ku̱yati nda nuu ínuu Jesús, ta saa xi̱ni nda ra ya xa ndi̱xiꞌi ra, xaꞌa ya ikán kua köo ndi̱xaꞌnu nda siꞌin ra. Sundi iin ra lapa ikán tu̱vi ra itun íyo kàà nuu ñaꞌñu xiín Jesús, tá tu̱vi soꞌva ra ya ta ndikun ke̱e nií xiꞌin tikuii.

Köo ndi̱xaꞌnu na siꞌin Jesús, ta xaꞌa ya yóꞌó kua xa̱a súvi na ya ta̱a na xaꞌa ra xinaꞌa, chi ya ta̱a na xaꞌa ra káchi ya saa: “Nda iin leke ra täꞌnu”, káchi ya. Ta inka tuku ñaꞌñu nuu tuꞌun Ndioxi káchi ya saa: “Koto na nuu taa, ra ka̱an na kandika xiꞌin itun íyo kàà nuu”, káchi ya.

Ta saa ke̱ta Jesús ndíso ra cruzin kuaꞌan ra xiꞌin na. Ta ndi̱xaa ra xiꞌin na ñaꞌñu nuu náni Leke Xiní Ndìì, ta tuꞌun hebreo náni ya Gólgota.

Ñaa si̱kuaꞌa nda lapa iin corona xiꞌin iñu, ta ki̱ꞌin nda ya chi̱nuu nda xiní Jesús. Saa si̱kundixi nda iin toto ndiꞌi tuun ra, ya kúsiki ndaa nda ra.