آیات محبوب کتاب مقدس از San Lucas 15

به اشتراک گذاشتن

’Ñaa ke̱e ra ndi̱kiꞌin ra ichí ta ndi̱kiꞌin ra kuanuꞌu ra veꞌe ra. Xíka ka va kuaꞌan ra saa xi̱ni ñaꞌa iva ra. Ñaa ku̱ndaꞌvi ini ra xi̱ni ñaꞌa ra. Saa ke̱e ra xínu ra ndi̱xaꞌan ra nu̱mi ñaꞌa ra.

Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

Ya ndaa kua kúsini ni ndo tá nde̱ta iin kiti sana ndo ti nda̱ñuꞌu. Tá kuꞌva kúsini ndo xiꞌin sana ndo, saa kúsini Ndioxi xiꞌin iin naꞌa na i̱kan ya väꞌa kivi ndíko koo na nuu ra. Kúsini ni ka va ra xiꞌin na yóꞌó nuu na vaꞌa, na xa íyo xiꞌin Ndioxi, na köo xíniñuꞌu ndiko koo ini ―káchi Jesús xiꞌin na.

Vaꞌa ka ná ndiko koo i nuꞌu i veꞌe tata i, ta kaꞌan i xiꞌin ra: Tata, xaa kaꞌnu ini un xaꞌa i. Ndi̱yaꞌa i nuu Ndioxi tin nuu yóꞌo̱.

Ta ndi̱kaꞌan ra xiꞌin iva ra, káchi ra saa: “Tata, xaa kaꞌnu ni ini un xaꞌa i. Ndi̱yaꞌa i nuu Ndioxi tin nuu yóꞌo̱, ni köo xíniñuꞌu ka i kunani i seꞌe un”, káchi ra xiꞌin iva ra.

―Tá kúu ndóꞌo̱ tá íyo iin ciento levo sana ndo ná kachi yo. Tá ná ndañuꞌu iin ri iku ta, ¿án sïndoo ndo ti kumi xiko uxi kumi ikán iku ta saa kaka ndo ndinuni loꞌo nduku ndo taꞌan ri?