آیات محبوب کتاب مقدس از Juan 1

به اشتراک گذاشتن

Qaláxasa taqadíta 'uo na' ỹaconguet qataxa ỹ'amaqten jeso'me, qana'chi na'chína ỹanem da' ỹátaqchiiñi lec'oqtepi ñi' Dios.

Joca'li ỹímta qoỹí'et ỹima jen' chaqáina, chi'ena da' 'uo so' lenaxat l'aqtac ñi' Dios. Qana'chi jeso'me lenaxat l'aqtac ñi' Dios, jeso'me huet'aguet ñi' Dios, qataxa jeso'me naqaiso so' qan'étoqo't.

Jeda'me ỹ'oqóchiiñi, naqaida 'me ỹicoỹadóoue na' n'álaxa, qataxa na' n'álaxa sa ỹañoxot da' ỹalamat.

Jeso'me lenaxat l'aqtac ñi' Dios, jeso'me taỹá'a da' lasoxoc na' ỹ'oqóchiỹi siỹaxaua, qana'chi jeso'me qo'mi huetaavlo, qaláxasa ỹátaqta saqáchiỹi da' lauo'chi qataxa jeda'me 'eesa lasoxoc. Qo'mi sauanáqchiỹi da' li'ỹoxodic, jeda'me ni'ỹoxodic 'me mai'chi lalémaxaset li'ỹoxodic jeso'me 'oonolec lec'óxot ñi' qadet'a Dios.

Joca'li ñi' qan'étoqo't ỹímta ỹ'étetaquéna, qana'chi ỹachiỹoxochíchiỹi jeso'me ỹima jen'me l'onatacpi; ỹima jen'me 'uo qaỹa ga' sa chiỹaqaỹi jeso'me. Na'chiso jeso'me 'me chiỹaqaỹi da' nec'alaxa, qana'chi naqaida nec'alaxa na'chida da' ỹ'oqotelégue qa'en na' siỹaxadipi.

So' nolo' laqáỹa, qana'chi so' Juan ỹila'aguet so' Jesús da' taỹaxaso'ma jeso'me, qana'chi jeso'me 'enaaco': —Ỹa 'auloi'ỹaguet, jena' cha'aguet na' sega'me n'aanaxate lec'óxot 'me chiỹoqo'ot ñi' Dios, jena'me deuootáxanec qomle ỹima jen' jaloicpi na' siỹaxadipi huetalégue jen' 'aléua.

Jeso'me lenaxat l'aqtac ñi' Dios, jeso'me huetalégue jen' 'aléua. Qana'chi, temaqaidi ñi' Dios ỹachiỹoxotaỹi jeso'me joca'li ỹí'et jen' 'aléua, qaláxasa jen'me huetalégue jen' 'aléua sa ỹaateton. Jeso'me naỹa jen' mai'chi lalémaxaset l'acháqa', qaláxasa na' mai'chi lalémaxasetpi laỹi sa ỹaconguet.

Jeso'me ỹátaqta 'eesa da' ỹ'oqóchiiñi 'me ỹicoỹadelégue ỹima na' siỹaxadipi, jeso'me ma'le nadíit'a da' nivíta jen' 'aléua.

Na' naqátaxacpi joca'li qoỹan, qaláxasa chiỹoqóchiỹi qoỹin so' Moisés; qaamaxa da' nauotaxadic qataxa da'me 'eesa lasoxoc, jedaa'me chiỹoqóchidiỹi so' Jesucristo.