آیات محبوب کتاب مقدس از Juan 12

به اشتراک گذاشتن

Da' 'uo ga' sétaaque jaỹim d'onataxanot, n'óota da' jaỹim 'equegue, qana'chi jega'me sona'ague, qana'chi jega'me nataq'en néta'ña. Da' 'uo ga' jaỹim d'onataxanot, qana'chi jiñi'me ỹit'a ỹi'ỹoxoden jega'me.

Ga' ỹauotec da' mai'chi l'óiỹaxac, qana'chi daqat, qaláxasa jega'me sa ỹauotec da' l'óiỹaxac naỹi da' maliaxa huetalégue jen' 'aléua, qana'chi naqaiga 'me qoỹiỹamaxat qomle da' l'óiỹaxac, da' qaidi qaỹa 'te loiquiaqa'.

Ỹátaqta 'eesa dójo' 'ami s'axatema, jaga' jala na' trigo, da' 'uootaxa sa táaue jen' 'aléua qaidi ỹilhuáaue, qana'chi jaga'me na'chi 'eeta't da' 'oonole. Qaláxasa jaga'me da' 'uootaxa ỹileu, qana'chi ỹátaqta jalcote jan' jala da' qonaqat.

Jaỹim 'me jaỹim lecoỹadáxat jen' 'aléua. Ñanaỹa jen'me, da' qaidi ga' jaỹim ỹ'amaqten, qana'chi jega'me sa huétaaue na' n'álaxa.

Qaláxasa da' 'uo ga' 'chi naquiáxatapegalo naua' ỹ'aqtaqa, qaláxasa sa ỹ'e't, qana'chi sa na'chaỹim qomle da' sé'et ga' ne'uaxánaguec jega'me; qá'a jaỹim sa ñanaỹa jen' 'aléua da' sa'uo ga' ne'uaxánaguec na' siỹaxadipi; na'chidáta da' jaỹim ñanac, da' qaidi ñic'alaxatéegue jen'me.

Qana'chi jaso' María nedóuo jaso' medio litro na' codáxaqui 'me lenaxat nardo. Jeso'me ỹátaqta qaỹá'uo jan' laso'vi. Qana'chi ỹicodelóo'te saua' lapia'te so' Jesús. Ỹimat, qana'chi diỹóxona na' laỹoxot da' ỹaqaxaỹaxa't. Ỹima jeso'me 'emec ỹátaqta colnapíỹi so' laita so' codáxaqui.

Qana'chi qoỹiquesoxóiỹi jan' chaic laua, qana'chi qouaqatet'aguet so' Jesús. Qana'chi qoỹ'alqatalégue, qoỹinaaco': —¡Si'ỹoxodénaq ñi' qan'étoqo't! ¡Ỹátaqta 'ónaxaic da' ladíquiaxac jen'me naquétaaue da' lenaxat jiñi'me 'me qadesaliaxanec! ¡'Ónaxaic da' ladíquiaxac na'me let'a na' Israel lec'oqtepi!

Qana'chi so' Jesús 'enapegalo jesaa'me, 'enaaco': —Naỹi ma'le ỹivíta di' lalóqo' jen' siỹaxaua lec'óxot da' qoỹa'uo da' li'ỹoxodic.