آیات محبوب کتاب مقدس از Juan 11

به اشتراک گذاشتن

Qana'chi so' Jesús 'enapego' jaso'me, 'eet'oi: —Jaỹim 'me na'chaỹim ñic'alaxadiséguem ga' napa'l, qataxa na'chaỹim nec'alaxa. Ga' jaỹim ỹ'amaqten, te'me ỹileu, qaláxasa ỹañoxot da' nec'aléegue. Qataxa ỹima jen'me maliaxa nec'alétaiỹi naỹi 'me jaỹim ỹ'amaqten, qana'chi jen'me sa nauá'ne' qomle da' ỹileu. ¿Séetapega 'au'amaqten dójo'?

Qaláxasa so' Jesús 'enaaco': —¿Sa 'eeso' da' 'am séetapega ca'li da' 'uootaxa 'au'amaqtenataxan, qana'chi 'auañoxot da' 'auauáachiỹi da' li'ỹoxodic ñi' Dios?

Qana'chi so' Jesús noỹíitac.

Qana'chi so' Jesús joca'li demachíỹa dójo', qana'chi 'enaaco': —Dójo' neleuaxa, jeda'me sa taỹá'a ga' neleuaxa. Na'chidáta da' qaidi jeda'me ỹañoxot da' chiỹaqaỹi da' li'ỹoxodic ñi' Dios, qataxa qaidi dójo' neleuaxa chiỹaqaỹi nataq'en da' li'ỹoxodic jen' lec'óxot ñi' Dios.

Joca'li ỹimat da' nasaxáiỹi dójo', qana'chi diỹáxan, 'eet'oi: —¡'Am Lázaro, ỹa 'anp'áiỹi! Qana'chi jidi'me napa'l nep'áiỹi, jeso'me qoỹaxata'aguelo naua' loua' qataxa naua' lichil jeso'me laanaxat, qataxa qoỹaxatelégue na' latáxasoxoc so' 'uáloq. Qana'chi so' Jesús 'enapéga so' siỹaxadipi, 'eet'oi: —Ỹa 'ausoỹíiỹi jeda'me, qana'chi 'amachíi'ỹa da' ỹiuoỹapiỹe't jeda'me.

Qana'chi so' Jesús ỹitaxa nomt'eguet da' 'éeta let'ádaic, qana'chi nichíi'uo jaso' napa'lai't. Jaso'me nai't 'ená'am na' 'chi jauac, qataxa 'uo so' lapadénaxat qa' jeso'me niiuo.

Joca'li ỹim, qana'chi so' Jesús 'enaaco': —Di' qanauotaxaua Lázaro, jidi'me d'ochítac, qaláxasa jaỹim sec'áta qaidi ñoqtoxon.