آیات محبوب کتاب مقدس از Juan 6

به اشتراک گذاشتن

Qana'chi so' Jesús 'enaaco': —Na'chaỹim 'me jaỹim pan 'me chiỹaqaỹi da' nec'alaxa. Ga' jaỹim nauó'o, qana'chi sa nauá'ne' qomle da' loqouáxa; qataxa ga' jaỹim ỹ'amaqten, qana'chi sa nauá'ne' qomle da' ỹiliinquip.

Jeso'me lepaqal ñi' Dios, naqaiso so' chiỹoqo'ot da' nec'alaxa; jeda'me di'ỹoqóchiỹi napáchiỹaxac, jeda'me qaỹa 'te chiỹaqaỹi. Qaláxasa jeda'me senaac, 'me ỹátaqta 'eesa qataxa chiỹoqo'ot so' lepaqal ñi' Dios, qataxa jeda'me chiỹaqaỹi da'me nec'alaxa.

'Ena't qomle da' 'au'onataxañiitapeelégue ga' nalic 'me taỹá'a da' ỹiméta, na'chigáta jega'me nalic 'me sa ỹiméta, qataxa chiỹaqaỹi ga' nec'alaxa 'me qaỹa 'te loiquiaqa'. Jega'me nalic 'me 'ami ỹanema qomle jen' siỹaxaua lec'óxot. Qá'a ñi' ỹit'a Dios na'chína na' ỹiquíchiỹi da' ỹiỹamaxadéeta.

Da' 'éetapeec jiñi'me jaỹim namaq, sétaaque da' ỹima jen'me ỹilot'ot jen' lec'óxot ñi' Dios qataxa ỹ'amaqten jen'me, qana'chi 'uo da' lec'alaxa qaỹa 'te loiquiaqa', qataxa ñic'alaxadiséguem qomle ỹivíta ga' p'áteegue nolo'.

Qana'chi so' Jesús 'enaaco': —Da' 'éetapeec ñi' Dios sétaaque da' 'ami 'au'amaqchíñii jen'me namaq jiñi'me.

Ỹima jen'me jaỹim ỹanem ñi' ỹit'a, jen'me jaỹim nauó'o; qataxa jen'me jaỹim nauó'o, qaláxasa sa se'uoỹápeeguet.

Qaláxasa jeso'me Simón Pedro 'enaaco': —'Am ỹisaliaxanec, ¿jái'chogamaxa qolaxague laqáỹa? Qá'a na'chi'améta 'me naua' 'ad'aqtaqa jenaa'me chiỹaqaỹilo da' n'óiỹaxac 'me qaỹa 'te loiquiaqa'.

Jaỹim 'me na'chaỹim pan 'me ñic'alétaiỹi, qataxa sachiỹoxogue di' piỹem. Ga' ỹalic jan'me jánjo' pan, qana'chi 'uo da' lec'alaxa qaỹa 'te loiquiaqa'. Jánjo' pan 'me sanéegue, na'chida da' mai'chi ỹó'oquiaxac. Jeda'me sanéegue, qaidi nec'aléegue na' siỹaxadipi.

Qaỹa ga' ỹañoxot da' 'chi jaỹim nauó'o da' 'uootaxa sa nauéeuo ñi' ỹit'a 'me jaỹim namaq; qana'chi jega'me ñic'alaxadiséguem ga' p'áteegue nolo'.

Qá'a jaga' pan 'me ỹan ñi' Dios, na'chaga jaga'me chiỹoqot'ot di' piỹem 'me janac da' ỹanem da' lec'alaxa jen' siỹaxadipi.

Jaỹim na'chaỹim pan 'me chiỹaqaỹi da' nec'alaxa.

Qana'chi so' Jesús ỹaconalo saua' paa'ñi. Qaláxasa joca'li ỹimat da' ỹanem da' netónaxac ñi' Dios, qana'chi ỹanoovlo saua' lapaxaguenataqa. Jesaa'me na'chi ỹaadóoue ỹima so'me ñíchiiñi. Qana'chi ỹadénaxachichiilo nataq'en saua' níỹaxadi da' ỹaadóoue ỹima jeso'me siỹaxadipi, cha ỹivíd'a da' nodáxaicpi. Joca'li ma'le ỹóno' so' siỹaxadipi, qana'chi so' Jesús 'enapegalo' saua' lapaxaguenataqa, 'enaaco': —'Alapoñiỹa't qomle ỹima na' n'iỹoxotpi, qaidi qaỹa ga' ne'ueela't.

Qana'chi joca'li ma'le qaỹat'ai'ilo jesaa'me, qana'chi qoỹila'aguet so' Jesús da' naỹá'a jaso' nilicota, petalégue na' noxop, qana'chi jesaa'me ỹátaqta 'uo da' loqolánaqa'. Qaláxasa jeso'me 'enapegalo jesaa'me, 'enaaco': —¡Naqaỹim, sa 'au'óiỹi qomle!