آیات محبوب کتاب مقدس از ᒨᓯᓯ ᓯᕗᓪᓖᑦ 32

به اشتراک گذاشتن

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐊᖑᓪᓗ ᐅᖃᕐᐳᖅ, “ᓴᒃᑯᓕᓐᖓ, ᖃᐅᒻᒪᓕᕐᒪᑦ.” ᔧᑰᓪᓗ ᑭᐅᕚ, “ᓴᒃᑯᓐᓂᐊᓐᖏᓚᒋᑦ, ᓮᒻᒪᕐᑎᓐᖏᑐᐊᕈᕕᖓ.”

ᔧᑯᓕ ᕿᒪᒃᑕᐅᓪᓗᓂ, ᐃᓄᑑᓕᓚᐅᕐᐳᖅ. ᑕᕝᕙ ᐊᖑᒻᒥᒃ ᐅᓇᑕᖃᑎᖃᓕᕐᐳᖅ, ᖃᐅᓕᕐᓂᖓᓄᑦ ᑎᑭᓪᓗᒍ.

ᔧᑰᓪᓗ ᓄᓇ ᑖᓐᓇ ᐊᑦᓯᕐᐹ ᐱᓂᐅᓪᒥᒃ ᐅᖃᕋᒥ, “ᒎᑎ ᑕᑯᓯᒪᕙᕋ ᑮᓇᕐᒥᑦ ᑮᓇᕐᒧᑦ, ᓱᓕᓕ ᐃᓅᓪᓗᖓ.”

ᑖᓐᓇᓗ ᐊᖑᑦ ᖃᐅᔨᓕᕋᒥ ᓵᓚᖃᕈᓐᓇᖏᓐᓂᕐᒥᓂᒃ, ᔧᑯ ᓯᕝᕕᐊᖓᒍᑦ ᑎᒡᓗᒃᐹ; ᔧᑰᓪᓗ ᓯᕝᕕᐊᖓ ᐱᒡᓗᐃᕗᖅ ᐅᓇᑕᕐᓗᑎᒃ.

ᐊᖑᑎᐅᓪᓗ ᐊᐱᕆᕚ, “ᑭᓇᐅᕕᑦ?” ᑖᑦᓱᒪ ᑭᐅᕚ, “ᔧᑰᕗᖓ.”

ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.” ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.

ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ.

ᑍᒤᒻᒪᑦ ᐅᓪᓗᒥᒧᑦ ᑎᑭᓪᓗᒍ ᐃᓴᕆᐊᓕᐅᑉ ᑭᖑᕚᖏᑦ ᓯᕝᕕᐊᑉ ᓴᐅᓂᖓᑕ ᐃᓗᐊᓃᑦᑐᒥᒃ ᓄᑭᖕᒥᒃ ᓂᕆᔪᓐᓇᓐᖏᓚᑦ, ᔧᑯ ᓯᕝᕕᐊᖓᑕ ᐃᑎᕐᓴᖓᑕ ᓄᑭᖓ ᑎᒡᓗᓚᐅᕐᒪᒍ.

ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᐃᓕᖕᓄᑦ ᑐᒃᓯᐊᕐᐳᖓ, ᓴᐳᑎᔭᐅᔪᒪᓪᓗᖓ, ᐊᖓᔪᓐᓂᑦ ᐄᓴᒥᑦ, ᑲᑉᐱᐊᒋᒐᒃᑯ, ᑲᑉᐱᐊᓱᒃᑲᒪ ᑎᑭᑉᐸᑦ ᐅᕙᓐᓂᒃ ᑐᖁᑦᓯᓂᐊᕋᓱᒋᓪᓗᒍ ᐊᓈᓇᐅᔪᓂᒃ ᕿᑐᕐᖓᖏᓐᓂᒡᓗ.