آیات محبوب کتاب مقدس از Dolabololo 10

به اشتراک گذاشتن

Ma JOU 'ai barakati 'i sidadi ngowa'a rema-enanga, munara ma kangela 'i sidogo harata yoḏu'u.

Kanau repe woḏi, tantu ḏua rema demo palisi'i, mada'a ngowa'a ga'a nga'unu 'a jaga 'ai 'uḏu ma betu'u, unanga gena-ge 'ai 'akala ma la-la.

Ma'u emono 'i sibaolo ma'u tolabe, mada'a dadalara 'i singi-ngiranga sala mo-moini.

Ngowa'a ga'a lese ḏubuso 'i si'a'a unanga ngowa'a ma dinga'unu ua, mada'a ngowa'a ga'a lese kare 'i si'a'a unanga ngowa'a rema-enanga.

Ngowa-ngowa'a ga'a 'aḏi totoho do-doto'o, 'aḏi sigasa toma 'ahu ga'a bara'utungu, mada'a ngowa'a ga'a 'aḏi dawongo ḇangata ua, ananga 'aḏi iranga ngo'omo.

Ngowa'a ga'a manga de'oso re ḏegoro 'i boloto, manga 'ahu ma ḏo-ḏagi 'i salamata, mada'a ngowa'a ga'a manga 'ahu 'i seko-seko, ananga gena-ge ḏuanga i'a 'aḏi sanga waro.

Silamo'o re mojongo Ma JOU, enanga gena-ge 'i sidogo 'umuru kiḏanga, mada'a ngowa'a kajahatana, 'aḏi siḇoko'o manga 'umuru.

Ma JOU 'o sieanga ua ngowa'a loasa re banari 'aḏi sawini; mada'a Unanga 'o dola'aku ngowa'a kajahatana manga mau.

Wakutu rato ri wa'ala, ngowa'a kajahatana 'aḏi iranga; mada'a ngowa'a loasa re banari 'aḏi dadi te'e kasingado-ngadolo i'a.