آیات محبوب کتاب مقدس از Dolabololo 13

به اشتراک گذاشتن

Ananga ga'a 'aḏi maḏagilomu toma ngowa'a 'akala soro'unu, ananga gena-ge 'o dadi 'akala soro'unu, mada'a ananga ga'a 'aḏi maḏagilomu reo ngowa'a ga'a 'aḏi emono wo-waro, ananga 'aḏi sanga bodito.

Ngowa-ngowa'a ga'a 'aḏi jaga manga madanga, ananga gena-ge 'aḏi palihara manga 'ahu, mada'a ngowa'a ga'a 'aḏi nga'unu ua jaga 'ai demo re ganau, ananga gena-ge 'aḏi siwejere manga diri masiretene.

Ngowa-ngowa'a ga'a 'aḏi pake didiki ua, ananga gena-ge 'aḏi dadalara ua manga ngowa 'olo. mada'a ngowa'a ga'a 'aḏi dadalara manga ngowa 'olo, ananga gena-ge 'aḏi pake didiki pasi-pasi enanga ma 'orasa.

Ngo-nganono ga'a 'i sanga nyangu 'i si'a'a 'akala kangela, mada'a nyafusu ga'a ngowa'a ya sanga ma tero sa'olo ate ga'a pula'a 'ahu.

'Ahu loasa re banari 'i saolo ngowa-ngowa'a ga'a de'oso re ḏegoro kamanga rapu ua, mada'a 'ahu kajahatana 'i sibodito ngowa'a baraḏosa.

Harata ga'a 'aḏi sanga caiti, enanga 'i moini caiti ḏi'i, mada'a ngowa-ngowa'a ga'a 'aḏi lomu harata ceka'a ua-ceka'a ua, ḏuanga i'a 'aḏi dadi ngowa'a rema-enanga.

Ngowa'a ga'a momole pa'i sibaolo ma'u go'oro ḇato, mada'a ananga ga'a 'aḏi 'isene duga re domolo, sanga 'akala soro'unu.

Ngowa'a la-la siwarisi 'ori i'a ma la-la toma ngowa'a re danongo. mada'a ngowa'a baraḏosa manga harata 'i sidodahe di'a ngowa'a loasa re banari.

Ngowa'a nau'u ga'a 'akala soro'unu ḏuanga i'a 'aḏi 'isene ma ḇaḇa 'ai do-doto'o, mada'a ngowa'a ga'a 'aḏi situ-tuhu 'akala soro'unu, 'aḏi 'isene ua ngowa'a ya'u ḇangata.

Ngowa'a ga'a 'aḏi 'isene do-doto'o ua, ananga 'aḏi dadi ngowa'a ma dinga'unu ua re 'aḏi sanga je-jengere. mada'a ngowa'a ga'a 'aḏi dawongo ḇangata, ngowa'a ya'u silamo'o.