آیات محبوب کتاب مقدس از Maliko 13

به اشتراک گذاشتن

Vanu veka vakuvavipila kwasawuli munfwata heni. Lechelelo munu yo akikangatsa mbaka ku wudugo uyo yo akukuluka.

Mun'ganika mwiyangalilaje na kuva miho, kwasawuli sinambe mutsele holukutsa luvala ulo.

Iho hovakuva vavabite na kuvasindika ku nyumba tsa wuhigo, mwalahogola kukakama na kuhotsa kuta mukulonga chinu chachi. Kwasawuli Muhe va Mulungu akuvapelani luvala lulo chochin'ganika kulonga.

Kilanga na inyi fikulutila, lechelelo ndongwa tsangu sitsikulutila.

“Kuduhu munu yoyuve yo antsela siku awu sala kuta yikuva hanili, na vave vatantsi va kilanga va Mulungu, na ntsive heni Mwana va Mulungu, tweka sinambe tutsele, yo an'tsela ndongwa itso yo Dada ng'ani.

Nanye mukuhulika ndongwa tsa magalu, na fununu tsa magalu, henye mulekaje kutinuka. Kwasawuli tsin'ganika ndogwa itso tsilongole, lechelelo wula wudugo wung'ali.

Ihyo muvaje miho, kwasawuli sinambe mutsele hanili ho akuwuya munya nyumba, afuluche awuye hamihe, awu chilo na gati, awu ho tsinvika ntsogolo, awu habehi na kucha. Muvaje miho, manyi atse kwa kutinukitsa alekaje kuvafika muvasise. Lulongwa ulu lo ntsinguvalonjelani henye, lolulo lo ntsinguvalonjela vanu veka, muvaje miho!”

Vanu va inyi yimwe vakwitova na vanu va inyi yinji na wuntsajila wukwitova na wuntsajila wunji, na hono hanjihanji kukuva na makakamo ga inyi, na kukuva na ntsala ngomi. Ndongwa itso tsinhwana kota hila wusungu fyo wulongolaga hala mwana ang'acha kuleleka.

Ndongwa Nofu tsinganika tsilongole kuvikulwa kwa inyi tseka ho wukuva wung'acha kufika wudugo.

Vanu wolofu vakutsa, kwa Litawa lyangu na kulonga wudesi kuta, Vene yo Chilisito!” Nawo vakuvadeteletsa vanu wolofu.

“Lechelelo ndongwa itso hotsikuva tsinhumila, henye mwiyangalile! Kwasawuli vanu vakuvasindika mu nyumba tsa wuhigo, na vakuvatova fiboko hono ha kitang'anila Vayawudi. Mukuhigwa kwa vatavala na vantsajila kwasawuli ya heni, ili muvalonjele ndongwa tsa Mulungu.

Vakuhumila valoli va wudesi wo vakichema kuta, Heni yo Chilisito! Nawo vakudita ndajilo na mitinuso, ili manyi vavetse vavayatse vanu vala yo avahagwe Mulungu.

“Chipindi icho cha ng'odeko ngomi ho chikuva chilutye, litsuva likuva na jitsa na mwetsi si gukuvala. Nyenyetsi tsikugwa kuhuma kilanga, na finu fya kilanga kwa Mulungu fikutigasika.