آیات محبوب کتاب مقدس از Kolosi 3

به اشتراک گذاشتن

Agroma abaroma ta eribi, kide praiglkwa i, ene kanige ersre, tadaglmeno ama kide kodo teo. Yaglno Kade Krais ene tadaglmeno gugl ede tomere kuno yegl mere, ene ye tadaglmeno kide kodo tenaiglkwa pre diga.

Ene heven ibo siragl mere yomere pre i mitna edidre, makandigle taragl pre i atne edio.

Te, ene kogon mudu ta eraiglmara i, no bitno yoba i keme kogono ere tomnedi prikrio. Ene Yaglno Kade ama kogon ere tomnedi prisre, kogon gigledi erio.

God ene kere idre, yoba pere moraiglmedi edidre, ene dem muduo togwa. Yegl erukwa pre ene mabuno tau eraiglkwa paugwa i, yegl mere paugwa, ene kiede mogl, mogl atne edidre, yoba mitno gogl, mabuno wakai ere tenaiglkwa paugwa. Te, ene yoba tabre deno kubro tekrio.

Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio. Te, ene ka siragl mere dinaiglkwa mo kogon siragl mere ta eraiglkwa i, ene Yaglno Kade Jisas yobama munedi prisre, yomere pamere keme mudu erio. Te, Krais kogon erumara i mina ene Neno Kade God di wakai yei te molo.

Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.

Ana God ene Krais bogl ere i kor edugo, ene u kor eigwa pre heven ibo siragl mere yogwa i, inamnedi erio. Krais God ogo wo kra ame di moglmara ikra pre diga.

Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.

Yegl pre ene deno muduno goglo pogglau borabuka i, si golo! Si gogltre, ene yagl abu ta bogl kunogl nekre, mabuno deglbi ama kide kodio. Te, deno muduno pgglau boran, ake atne edidre, yoba mabuno kide ere tenamnedi prikre, makandigle taragl ama bubuno goglkrio! Yoba bona mere sinamnedi bubuno geglkwa i, ye god kibi kagno kade teimere mere kuno yegl erikwa.

I siragl pre ene kwande gogl kodidre, kiano mina Krais bogl akie u kor pidre, God moglmara atne teke mogl kodigwa.

ba erme mabuno kide yegl mere kide kodinaiglkwa. Ene yoba deno kubro tekre, ere kide ere tekre, kenaglno sikre, ka tewe dikre

ama ene meglmara suna ka kibi dikrio. I siragl pre ene okna siragl mere mogl, mabuno siragl mere ta beglkwa i, kide kodigwa. Kide kodigwa pre God ene ere i kor edugo, God moglmere pre pogl sidre, kuno yegl moramnedi yake ede ido pi pai meglkwa.

Te, ene yagl, abu winoma ta meglkwa i, ene ebinoma deno muduno tedre, ye deno muduno ere kide eramnedi erekrio.

Ene gak meglkwa i, ene neno manoma kano mudu prisre, duglo bolo. I siragl pre mabuno i, nono Yaglno Kade wakai kanugwa.

Ene abu, yagl ebinoma ta meglkwa i, ene winoma kano prisre, mogl atne edenaiglkwa paugwa. Yaglno Kade mabuno i du pamedi kanugwa pre ene pre mediglkwa abu ta meglkwa i, yegl erio.