آیات محبوب کتاب مقدس از Isip Kide Kodigwa 2

به اشتراک گذاشتن

God prisre, ye okna Abraham ya Aisak ya Jekop ka kaima di te paduglkwa ikra pre moglkwa. Ye ka di paduglkwa i pre moglsre, Israel yoba kandre, ye mitno goglkwa.

Ana bugla yugu tau ede ogo, Isip king ikra goglkwa. Ye goglkwa ba Israel yoba kane pai mogl, gign akin didre, God no ake ple di norabedi agle digwa. Ye kane paigwa pre God no ake ple di norabedi agle digwa i, God prukwa.

Ye ere kuglko, gak kebra yakidre, kade dagl moglkwa. Kade dagl moglko, ye mam ye i pi king abuglo togo, king abuglo yene wam morabedi yugwa. Idre, ye ere mogl, yegl dugwa, Gak kebra i nigle pai moglko, na i meda ediga. Yegl pre ye kagie Moses we dinagle di, yegl dugwa.

Ye agre yugo, king abuglo ere mogl, gak kebra mam yegl di togwa, Ene gak kebra i pi am tedre, ere kugl natn, na ene topo tenaluwe dugwa. Yegl dugo, gak kebra mam i gak kebra i pi, am tedre, ere kuglkwa.

Gak kebra abauglo komono kan moglko, Isip king abuglo nigl panagledi, nigl kogonmo abai tau bogl akie ede u nigl Nail udre, nigle bina wan meglkwa. Wan meglko, king abuglo i degigl gagl egre nigl suna bogl moglmara yogwa ikra kandre, nigl kogonmo abai ta yunabedi dedugo, ye pi yu, king abuglo togwa.

Ana okuo Moses kade moglkwa igne, ye ede pi ye nem agiglema, Hibru yoba i, meglmara pidre, kanugwa i, Isip yoba kogon podo kaima teigo, ye nem agiglema ere meglko, kanugwa. Kan moglko, Isip yagl ta ere mogl, Hibru yagl ta ere sugwa. Ere sugo, Moses ere mogl, Ye na agra ta sumedi prisre, ye si teke edenagledi kan koglo koglo ede, yoba kan dinaiglmedi prukwa. Kan koglo koglo edugo, yoba ta kan moglkriko, ye Isip yagl i si goglsre, makan wesan mere yomara yagl i, i pi atne ede, si bi dugwa.