آیات محبوب کتاب مقدس از Ibru 11

به اشتراک گذاشتن

Nono pre medunga i, mabuno yegl paugwa, God taragl tau noragle dugwa i, nono gumuglno mina ta kankrumga ba ye kaima dumedi prisre, norabukra we di prumga. Te, kowano awano okna ibo meglkwa i, ye God kamo yegl mere pre mediglkwa pre God ye wakai kanugwa.

Ana yoba ta God pre mediglkran, God ye wakai ta kankrabuka. I siragl pre yoba ta God moglmara mogl magigl edenagledi prabuka i, ye taragl suo erabuka. Ye God moglmedi pre mediglsre, te, ka kaima God dokumun, God topo wakai norabukra we di, ama pre medrabuka paugwa.

Nono pre medunga pre nono pre kan erumga i, God ye ka dumara i mina taragl kane kane ere yomedi prumga. Taragl kane kane makandigle paigo, nono gumuglno mina kamga i, ta idre, taragl kane kane i ta beke yeikrukwa ba ye ka dumara mina ye plau digo, erme kamga.

Abraham ye God pre meduglkwa pre God Ene ede dumo bage ta po! dugwa igne, ye God kamo duglo boglsre, ede ogwa. Ye dumo kor i ta kankrukwa ba God dumo i ene makanen yenabe dugo, ye prisre, ede ogwa. Ana Abraham pi God dumo makan ta ye tenagle dumara i mina plau dugwa igne, ye God kamo pre medigl moglsre, ye yoba pere makano mina moglsre, sel yugu ere kipai moglkwa. Te, Aisak ya Jekop God dumo makan i tenagle dugwa ba ye ama sel yugu mina ere kipai miurka.

Noa ye God pre meduglkwa pre God taragl tau plau dinabe dugwa igne, Noa God kuduglmo goglsre, ye ebie gagiglma gogl dinaiglmedi sip bekugwa. Ye nigl ta sugo, kankrukwa ba ye God pre meduglkwa pre bekugwa. Te, Noa pre meduglmara i mina ye makandigle yoba mudu meglkwa i, kide erimedi i nogugl edugo, God ye pre meduglmara i, yagl du moglmedi kanugwa.

Ana Enok ye God pre meduglkwa pre ye kor moglko, God ye gagie kia bogl i ede heven ogo, yoba okuo ye ta kankrikwa. Te, God kamo dugwa i, Enok ye makandigle moglkwa igne, God ye Enok wakai kanume dugwa.

Ana Abel okna moglkwa i, ye God pre meduglkwa pre ye tawa kuno ere yu togwa. Ye tawa togwa i, wakai yogo, agigle Kein tawa togwa i, wakai yeikrukwa. Ana ye pre meduglmara i pre God ye yagl du moglmiwe didre, ye tawa togwa i kuno erume dugwa. Te, Abel okna ibo goglkwa ba ye pre meduglkwa mabuno i mina ka di noro moglkwa mere yegl paugwa.

Ana Sara ama God pre meduglkwa. Ye kidagl yei kodugwa pre gak ta kuglkrabuka mere yegl paugwa ba God, ye gak ta kuratniwe di, promis erukwa i, ye kamo mina adigl morabukra we di prukwa pre God ye ake ple di togo, ye gak ta kuglkwa.

Ana Abraham sel yugu ere kipai moglkwa i, ye siti ta gigledi kaima yenabuka i mina okuo moragledi pre moglkwa. Siti i siragl mere yenabuka i, God yene pre epigl ersre, ere kei moglkwa.

Moses ye God pre meduglkwa pre ye kade moglkwa igne, yoba ye Isip king abuglo wam moglmiwe dinaiglkwa i, ye mane dugwa. Ye Isip yoba bogl tadaglme eribi, ege sugunagle ta gun yenabuka i, mane didre, God yobama bogl yubun akie inamnedi prukwa. I siragl pre ye prukwa i, Isip yoba mige moni ya bonagana mere kan neigwa i, taragl kebra yomedi prukwa ba ye Krais pre yubun inabuka i, wakai panabedi prukwa. I siragl pre ye topo okuo inabuka i, poglo di prukwa. Ana Moses ye God pre meduglkwa pre ye ama Israel yoba auro i ede enan, Isip king dem kubrabuka i ye kudugl ta goglkre, auro i ede ogwa. Nono gumuglno mina God moglkwa i ta kankrumga ba Moses ye God siragl mere moglkwa i, kaima pre kan ersre, adigl gigledi mogl, kogon erukwa.

Ana Abraham ye God pre meduglkwa pre God ye ta eran kanagledi ka di togwa igne, ye wam swara Aisak i, si gogl, God tawa tenagledi erukwa. God ye okna Aisak pre dugwa i, yegl dugwa, Ene gawanma mere kide moraiglme diga ikra we, Aisak swara wama ya gawama pre die dugwa. Yegl dugwa ba Abraham God di tomere mere ye si goragledi erukwa.

Rahap, ye konbauna abu ta moglkwa i, God pre meduglkwa pre Israel yagl suo dumo Jeriko doko daka ere kanabugledi ubrika i, ye i yugugl edidre, ake ple di togo, okuo Jeriko yoba ye God kamo sedigwa i, geglkwa igne, ye ta goglkrukwa.

Israel yoba ye God pre mediglkwa pre ye mudi nigl Retsi moglmara ede koglo eigwa igne, makan kugla dugwa ye egre ede eigwa. Ba Isip yoba ede suna wigwa igne, ye nigl nedre, geglkwa.

Ana Israel yoba God pre mediglkwa pre ye ama dumo Jeriko wigwa igne, ye ege 7-pela de taun i kobuglo togl erimara egre winabo digo, kobuglo togl i, gurdi yage atne sugwa.

Te, ye pre meduglmara i pre God ye Israel yoba oglo sinagle dugwa igne, ye God dumere mere Israel yoba yegl di togwa, Angelo ta wan u ikne ikne pidre, yoba wano komono si gorabuka i, ene wano komono ama si gogl dinabedi sipsip ya meme si gogl, bormaino yugu guglo mina egrio dugwa.

Josep ye God pre meduglkwa pre ye goragledi erukwa igne, ye Israel yoba okuo dumo Isip kide kodinaiglmiwe di tedre, Na yobra dumo Isip i yei dinabiwa. Ene enaiglmara idre, ede pio dugwa.

Jekop ye God pre meduglkwa pre ye goragledi erukwa igne, ye Josep wam suo di wakai yei tedre, bre i pi muglbomo mina tebe yei, magididre, God kagie kade togwa.

Aisak ye God pre meduglkwa pre ye wam suo Jekop ya Iso di wakai yei tedre, siragl taragl ye miurara okuo plau dinabuka i, di pogl togwa.