آیات محبوب کتاب مقدس از Jems 1

به اشتراک گذاشتن

Agrama abarama wagle, yubun kane kane ene meglmara ta plau dinan, ene gun keme yeio. I siragl pre ene pre kan erikwa i, yubun ugwa i, ene pre mediglkwa gigle dumo mo di, ere kanagledi ugwa ba ene ta yage sikribi, ene pre mediglkwa i, si gigle di togwa mere yegl paugwa.

Ana ene meglmara swarano ta nomane wakai paikran, nomane wakai pre God agle di pro! God agle di pitn, ye ene nomane wakai tenabuka. I siragl pre yoba God agle di prikwa i, ye ka tekre, yoba mudu taragl wakai wakai norukwa yagle moglkwa.

Ana agrama abarama wagle, na dena muduna suna meglkwa i, ene prio! Ene mudu mabuno ta eraiglkwa paugwa i, yoba pere ka dinaiglkwa i wakai ere kinano gudu praiglkwa ba ene tabre di ikne edekrio! Te, ene deno tabre kubrokraiglkwa paugwa.

Si gigle di tenan, ene yake ede pi yoba mere yegl moglsre, kaglno mina adigl moraiglkwa. Kaglno mina adigl meglbi, ene God kogonmo ta eraiglmara i, ege swara ta yobuglno dokokrabuka pre ibun unabuka i, ene kanige erio.

Ana ene God kamo praiglkwa ba dumere ta erekribi, ene enene bakaiglkwa mere yegl panabuka pre ye dumere eraiglkwa paugwa.

Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.

Nono taragl wakai kane kane ta imga i, heven ibo yedre keme ede atne wigwa. Neno Kade, ye taragl kane kane kamin mitna ibo pai, abuglage sinaiglmedi ere yogwa yagle moglkwa i, ye taragl wakai keme norukwa. Nono kamga, ade ede wogwa igne, taragl kwiano ede olto sugunagle ogo, kamga. Ba God yegl ta moglkrukwa. Ye moglmere mogl pai moglsre, taragl wakai keme norukwa.

I siragl pre yoba ta God kamo prisre, dumere erekran, ye yoba ta yene gumano drano glas mina kandre, ede bage ta eigwa igne tabre torua sumere yegl mere moglkwa.

Ka mabuno prikwa yoba mabuno kaima boraiglkwa i yegl mere paugwa, yoba ta gak mua ya abu werai yubun imara pi kandre, ere wakai ere tedre, mabuno kide makandigle yoba erikwa i, ye ta ere dinamnedi eraiglkwa i, Neno Kade God gumuglo mina ye ka prikwa i du kaima paugo, aglauno ta paikrumedi kanugwa.

Ana yoba ta tadaglme ye dem muduo mina pogglau boran, ye God di boglsre, God na tadaglme eratnedi erumiwe di, yegl ta dikrabuka paugwa. I siragl pre God moglkwa i, mabuno kide ta ye dem muduo mina pogglau boglkruko, te ye yoba swara ta mabuno kide erabedi erekrukwa. Ba mabuno kide yoba swara swarade deno muduno mina pogglau boglkwa igne, ye yene mabuno kide gun yei teigwa pre ye nomane kide idre, yage sigwa.

Ana nono agro goduglme ta morabuka i, God na ake mitna edumedi prisre, gun yenabuka paugwa.