1
Jems 2:17
Kuman Bible
KB
Kuno yegl mere yoba ta Krais pre medrabuka ba mabuno wakai ta pamere yoba bogl tekran, ye pre meduglkwa i mogo wakai ta koglkre, de sugwa mere yegl paugwa.
مقایسه
Jems 2:17 را جستجو کنید
2
Jems 2:26
Ana ka ebrie yoba kia ta ogo nagie kide kodinan, kia ta moglkrukwa pre ye ogo nagie goglkwa. Kuno yegl mere yoba ta pre medrabuka ba mabuno wakai ta boglkran, ye yoba ta goglko, ogo nagie taragl yoko yomere mere yegl, ye pre meduglkwa i goglko, u taragl yoko ogwa.
Jems 2:26 را جستجو کنید
3
Jems 2:14
Ana agrama abarama wagle, yoba ta ere mogl, Krais pre medile dinabuka ba ye mabuno wakai ta pamere yoba bogl tekran, ye pre meduglmara i, ake ple di tekrabuka.
Jems 2:14 را جستجو کنید
4
Jems 2:19
Ene God swara moglmedi pre mediglnga i, wakai eriedi pitno? Pro! Murubuglo kide ama God moglmedi pre mediglsre, kudugl gogl, nagino nuglu digwa ba ye pre mediglmara mina mabuno wakai swara ta boglkrikwa.
Jems 2:19 را جستجو کنید
5
Jems 2:18
Yegl paugwa ba yoba ta ere mogl yegl dinabuka, Ta manugwa. Yoba tau pre medraiglkwa ba yoba tau ama mabuno wakai boraiglme dinabuka. Ba na yegl dinaglka, Ene pre medigl, mabuno wakai ta boglkitn, na ene pre mediglnga mem i na siragl mere kanagle? Na mabuno wakai boglbo, na pre mediglka i nogugl panan, kanaiglme dinaglka.
Jems 2:18 را جستجو کنید
6
Jems 2:13
Ana yoba ta erme yoba pere ta mitno goglkran, okuo God ye kan yubu sinabuka igne ye ama mirie ta goglkrabuka. I siragl pre God gumuglo mina yoba mitno geglkwa mabuno i, taragl podo pai, yoba ka tage teigwa mabuno i, egre togwa.
Jems 2:13 را جستجو کنید
7
Jems 2:24
Yegl pre ene pre pogl sinatnga i, God yoba ta wakai kandre, mabunomo du pame dinabuka i, ye pre medrabara swara i mitna ta manugwa ba ye pre mediglsre, te, mabuno wakai borabara i, suo akie kogon koglo koglo eribr, kaima kuno erabuka.
Jems 2:24 را جستجو کنید
8
Jems 2:22
Te, ene pre pogl sinatnga. Abraham God kamo pre meduglkwa i ya te wam si goragledi erukwa i mitna kogon koglo koglo eribriko, ye pre meduglkwa i, u gigle dugwa.
Jems 2:22 را جستجو کنید