آیات محبوب کتاب مقدس از Jems 3

به اشتراک گذاشتن

Ba God yoba ta nomane wakai tenan, inabuka i, ye mabuno wakai tau mere erabuka. Ye mabuno swara ta erabuka podo paugwa i, mabuno tau pe sugwa i ere morabuka. Te, ye ama yoba pere bogl deno muduno swara yenamnedi ersre, ye wakai moraiglmedi prisre, ye kano ama prabuka. Ye yegl ersre, te, yoba pere ege ege mitno goglsre, ere wakai ere tenabuka. Te, ye ama yoba mudu mabuno swara ere tedre, yoba gumuglnomugl keme mabuno wakai eragledi erekrabuka ba ege ege erabuka.

Ana ene tau nomano wakai pamedi pribi, ene mogl atne edidre, mabuno wakai eraiglmara i mina, nomano wakai i, i nogugl edenaiglkwa paugwa. Yegl eribi, ene mabunono wakai i, yoba kandre, ene nomano wakai pamedi kanaiglkwa.

Te, yoba ta yoba pere bogl deno muduno swara yenamnedi erikwa i, ye kaya mokna yubo i pi sudiglkwa mere yegl paugwa. I siragl pre ye erimara i, mabuno du ya mabuno wakai okuo pare ede mitna pidre, yake ede podo enabuka.

Te, ene prio. Yoba yene pre i mitna edidre, jelas erikwa igne i ye mogl pai erikwa i, u kide ogo, mabuno kide mudu ye meglmara plau dugwa.

Nono drano mina Neno Kade, nono Yaglno Kade moglkwa i, di wakai yei tedre, te drano swara i mina yoba, God ye moglmere mere yegl moraiglmedi beke yogwa i, di kide yei tomga. Nono drano swara i mina ka kide ya wakai akie ede meda ugwa. Agrama abarama wagle, nono mabuno yegl ta erekramga paugwa.

Kuno yegl mere, nono drano i, doga bauglo mere yegl ere, taragl mere kide ere kide ere togwa. Nono drano i mina taragl kide kane kane atne kau sugwa. Te, nono ogono nagino mudu i, drano swara ede okna pi, aglau ersre, ogono nagino mudu si deglbi yogwa mere yegl paugwa. Drano swara i eruko, nono mogl pai erumga i, mudu u kide ogwa. Te, nono drano i, doga bauglo mere yegl dome diga i, Satan yene doga i, ere gaglkwa mere yegl paugwa.

ba yoba swara ta ere mogl, yene dra sugl wakai moglsre, ka prabedi erabuka i, kuno ta erekrabuka. Are ere pai morabuka. Nono drano i, mogl atne edekre, ka kide keme dinagledi prukwa mere yegl paugwa. Marasin kide, yoba ne geglkwa i, nono drano mina kau sugwa mere yegl paugwa.

Ana agrama wagle, ene tau mere tabre God kamo beke tenamga yoba moramnedi erekrio. I siragl pre God kamo yoba beke tomga yobamo ta munga i, nono mabunono ya kano i, God swara kaima ta kanige erekre, mudu kan yubu sinabuka.