آیات محبوب کتاب مقدس از Hch 1

به اشتراک گذاشتن

Palta ok yak' Dios yipalil ayex, yet ok e chaon Cham Espíritu Santo junjun ex. Ok lajwok tu', axa e yak'on testigoal win bay Jerusalén ti', yetok bay masanil makbej Judea ti', c'al yulak yet Samaria, masantac'al bay chi lajwican apnok yulyibank'inal ti' ok e yaloncan elok, ẍi bay eb.

Max yalon bay eb axca ti': —Maj ak'lay e yojtaknej el c'ual, c'al is tiempoal yet ok uj jun tu', yujtol a jun tiempoal tu', asan co Mam Dios ay yalon yet yin.

A yet junel yet lanan low yetok eb is chekbej tu', max yalon bay eb axca ti': —Cananek bay conob Jerusalén ti'. Echbanejek jun tzet albilcan ayex yuj Dios, yet max yak'oncan is ti', axca max wut walon ayex. Yel toni, a Juan max ak'wi bautizar yetok aej, palta a yet jayeb c'u, ok ak'lay Cham Espíritu Santo ayex, cax ok ex ak'lay bautizar yuj, ẍi Jesús.

A yet maxax ec'lej yin camich, tx'ial elc'al maxto tx'oxaj ba bay eb is chekbej tu'. Cawinakto c'u max tx'ox ba bay eb, tol yel max ictzonelay ajok. Max yaloncan bay eb, tol chi occan Dios Yajawil cayti'.

A yet max lajwi yalon Jesús juntzan ti', axa yilay ajtok satcan tu'. T'anan wal ajtok eb yin, cax max c'ayxac'al toj xol jun asun.*fn* Majxa yil eb yin.

T'ananto ajtok eb satcan yet max paxaj Jesús, axa yilon eb, lecanxa oc cawan ángel c'atan eb, axca yili anima. Sak lubinakxac'al yili pichil eb. Max yalon eb axca ti' bay eb: —Ex aj Galileail winak, ¿tzet xan t'anan exc'al ajtok satcan? A Jesús ti', max ilay aj e xol, cax max paxaj satcan, axca wal max yun e yilon toj ti', caytu' ok yun jay paxok, ẍi eb bay eb.