آیات محبوب کتاب مقدس از Hch 2

به اشتراک گذاشتن

Xan max yal Pedro bay eb axca ti': —Naek e ba, cax che yak'on bautizar e ba junjun ex yin bi Jesucristo, yet watx' chi ilaycan el e yobtakil. Catatu bian, cax ok cajban oc Dios Yespíritu e yin junjun ex.

Caw wal max yaoc eb c'ul yin juntzan cuybanilej max yak' eb chekbej Jesús. Junxanej max yut eb nabal masanil. Chi wajbanc'al ba eb. Chi loon eb ixim pan, ixim nabaniltek Cham Jajawil, cax chi txajlic'al eb.

Max oc wal eb yalan yikbej Cham Espíritu Santo, max k'anjab aj eb yin juntzan tx'ok tiejal, atac'ala' tzet chi ak'i yal eb yuj Cham.

Ayman max bil jun tzet yetal satcan, axca junok cak'ek' caw wal ow yeq'ui. Pilan max nojil yul te na bay wajan ec' eb tu' yuj jun axca cak'ek' tu'. Ay juntzan tzet yetal max yil eb axca xak k'ak'ej max pukaxtok xol eb masanil, cax max jaycan yiban junjun eb. Max oc wal eb yalan yikbej Cham Espíritu Santo, max k'anjab aj eb yin juntzan tx'ok tiejal, atac'ala' tzet chi ak'i yal eb yuj Cham.

Junjunc'al c'u, cayc'al ti' wajban ba eb bay yamak'il templo Dios. Chi wajbaj c'apax ba eb bay nalak, cax chi pojon ec' eb is pan xol. Junxanej loj chi yun eb yuj tzalojc'ulal. Caw chi aj can junc'ulal xol eb. Cax chi yalon eb watx' k'anej bay Dios. Caw wal chi tzaloj masanil anima yetok eb. Cayc'al ti' max yun yak'lay ch'ib bisil iglesia yuj Cham Jajawil junjun c'u, yuj eb lananc'al colchaji.

Max yalon Dios axca ti': A yet ok jay lajub tiempoal, ok waoc Wespíritu yin masanil anima. Ok yal eb e c'ajol c'al eb e cutz'in in k'anej. A eb ach'ej ay tzet ok tx'oxlay yil eb, c'al eb icham winak ok in k'anjab bay eb yin wayichejal.

Masanil eb max yaoc c'ul yin Cristo, junxanej max yut ba eb. Junxanej c'apax max yut eb is tzetak yetal. Aylaj eb chi txonil is tx'otx', c'al juntzanokxa tzet ay eb, cax chi pojon ec' eb is tojol tu' xolak eb, atac'ala' is cawxinakil junjun eb.

Axa masanil mac chi yal ba bay Cham Jajawil, ok colchaj el eb, ẍi yul tx'an Un tu'.

A c'u ok k'ekbok, axa xajaw axcaxac'al chic' ok yuncan elok, ẍi Cham Jajawil. A juntzan ti' ok yun yet c'amto chi jay jun c'ual yet yowal c'ul Cham. A jun c'ual tu', caw wal miman yelapnok, cax ok c'ayaj c'ul anima yuj.