آیات محبوب کتاب مقدس از Njé gə́ Galati 6

به اشتراک گذاشتن

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Togə́bè ɓa loo gə́ j’iŋga loo mba ra ndá maji kar sí j’wa noji gə dəwje lai ya nɛ noji gə́ j’a kwa gə ŋgako̰ síjeḛ gin meekun’g lé ar sí j’aree ur dɔ ka̰ njé gə́ raŋg’d tɔ.

Taaje nékodo gə́ wɔi dɔ na̰’g, bèe ɓa seḭ a kunje ne godndu Kristi lé lad ya.

Suje kəm rɔ sí el, dəw kára kara a kən gə Ala el. Né gə́ dəw dubu lé a kiŋga née ya.

Dəw gə́ dubu né gə́ wɔji dɔ darɔ ndá né gə́ wɔji dɔ darɔ gə́ a kunda naŋg lé ɓa yeḛ a kiŋga ya, nɛ yeḛ gə́ dubu né gə́ wɔji dɔ Ndil lé ndá ndil lé ɓa yeḛ a kisi ne gə kəmə gə́ gə no̰ lé tɔ.

Ŋgakɔmje, ɓó lé dəw kára oso dan néra gə́ to gə goo rəbee el ndá seḭ gə́ toje ka̰ Ndil lé maji kar sí gɔleeje gə ta gə́ kul yururu ya. Məəi dɔ rɔi’g nà banelə i kara a koso dan nékər’g tɔ.

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya. Maji kar nana kara tən kula rəa-yeḛ nja maji oo ɓa, yeḛ a koo loo mba pidi ne rəa gə karee ba, ɓó a pidi rəa kim ne maree el tɔ. Mbata nana kara a kun nékodo gə́ wɔi gə́ wɔji dəa-dəa ya.