Daa 3
3
Gbɛ̃nazĩna kɛ̃a Luawa
1Mlɛ#Zia 12.9, 20.2 mɛ́ kɔ̃ni vĩ dɛ sɛ̃anɔbɔ pɔ Dii Lua kɛ̀ɔla pii, ɔ̃ à nɔɛ là à mɛ̀: Lua mɛ̀, ásu lupi líe bɛ bleoɛa? 2Ɔ̃ nɔɛ wè mlɛpiwa à mɛ̀: Wi lupi libɛ ble, 3ãma lí pɔ ku lupi guo, Lua mɛ̀, wásu wà a bɛ bleo, wásu ɔkãwà seo, kɛ́ wásu gao yãi. 4Ɔ̃ mlɛ òɛ̀: Á ga seo!#Zãa 8.44 5Lua dɔ̃ tó á blè, á wɛ́ a kɛ̃́, í gɔ̃ láawa, íɔ maa ń vãio dɔ̃.
6Kɛ́ nɔɛ è lípi bɛ kɛfɛũ mɛ́ a blea aɔ na, a to gbɛ̃́ wɛ́ kɛ̃́, ɔ̃ à a bɛ bò a blè.#2 Kln 11.3 A kpà a zã́wa, ɔ̃ a blè sɔ̃.#Lom 5.12-21 7Ampla mpii an wɛ́ kɛ̃̀, ɔ̃ aa dɔ̃̀ sa kɛ́ wa ku puizi. Ɔ̃ aa goola láɔ nàmi aa nàńzi.
8Kɛ́ gɔ̃ɛ ń a nao Dii Lua kĩi mà, àlɛ bɛbɛ luu oosiɛlɛ, ɔ̃ aa ùlɛɛ̀ lupi láu. 9Ɔ̃ Dii Lua lɛzù gɔ̃ɛzi à mɛ̀: Ń ku má ni? 10A wèwà à mɛ̀: Kɛ́ ma n kĩi mà, ɔ̃ vĩa ma kũ, kɛ́ má ku puizi yãi, ɔ̃ ma ulɛ. 11Ɔ̃ Dii Lua aà là à mɛ̀: Demɛ ònɛ ń ku puiziɛi? Lí pɔ ma ginɛ ǹ a bɛ ble, ń blè yã? 12A wèwà à mɛ̀: Nɔɛ pɔ ń kpàa àɔ kumanɔ mɛ́ lípi bɛ kpàa, ɔ̃ má blè. 13Ɔ̃ Dii Lua nɔɛ là à mɛ̀: Bɔyãi ń kɛ̀i màai? A wèwà à mɛ̀: Mlɛ mɛ́ ma sãsã̀, ɔ̃ má blè.#2 Kln 11.3; 1 Tim 2.14 14Ɔ̃ Dii Lua ò mlɛɛ:
Lá ń kɛ̀ màa, ńyɔ̃ gɔ̃ láaipɔ ũ
dɛ pɔtuoɔ ń sɛ̃anɔbɔɔla pii,
ńyɔ̃ɔ taa'o n gbɛɛwaɛ,
luutɛ̃ iɔ gɛ̃ n lɛ́u e n wɛ̃ni lɛu.
15Mpi ń nɔɛo, má ĩida á zãnguo,
n bui ń aà buio zãnguo.
Aà bui a n mi wí,#Lom 16.20; Zia 12.17
mɛ́ ńyɔ̃ aà gbatoe kɛ'ĩa.
16Ɔ̃ a ò nɔɛɛ:
Má n nɔsia taasi kãfĩnɛ,
níɔ nɛ'i ń wãwão.#1 Tim 2.15
N zã́ ni aliɔ n dɛɛ,
mɛ́ aɔ iko vĩmaɛ.
17Ɔ̃ a ò gɔ̃ɛɛ:
Lá n n na yãmà,
n lí pɔ ma ginɛ ǹ a bɛ ble blè,
tɔɔlɛ a gɔ̃ láaipɔ ũ n yãi,#Lom 8.20
taasi guu ɔ̃ ńyɔ̃li blɛ eu
e n wɛ̃ni lɛu.
18Buapɔɔ ɔ̃ ńyɔ̃li ble,
ali lɛɔ ń lá ũadeɔ bɔlɛnɛ.
19Isimagakpaa guu ɔ̃ ńyɔ̃li blɛbleu,#2 Tɛs 3.12
e ǹ ɛa ǹ gɛ̃ò tíu,
asa wekĩi ma n bɔu.
Busutin n ũ,
mɛ́ ńyɔ̃ ɛa ǹ gɔ̃ busutipi ũɛ.#Soũ 90.3
20Adamu#3.20 Bee mɛ̀ gbɛ̃nazĩna tɔkpà a naɛ Ɛva,#3.20 Bee mɛ̀ wɛ̃ni asa gbɛ̃pii daziɛ. 21Dii Lua báa ula kɛ̀ Adamuɛ ń a nao a dànɛ́. 22Ɔ̃ à mɛ̀: Gbɛ̃nazĩna maa ń vãio dɔ̃̀ sa, à gɔ̃̀ láwáwa. Wà giɛ̀ aà lí wɛ̃nide bɛ bo aà ble, kɛ́ asu àɔ ku gɔɔpiio yãi.#Zia 22.14 23Ɔ̃ Dii Lua aà yà, à aà bɔ̀ Edɛni lupiu. Ɔ̃ Adamu gɛ̀ tɔɔlɛ pɔ Lua a kɛ̀ò zĩkɛ̀. 24Kɛ́ Dii Lua aà yà, ɔ̃ à kelubiɔ kàlɛ Edɛni lupi gukpɛ oi, aaɔ lí wɛ̃nide zɛ́ dɔ̃́a ń fɛ̃nda pɔ lɛ́ liasãizɔ̃, a wɛtɛ̃ lɛ́ tɛkɛo.
اکنون انتخاب شده:
Daa 3: Boo2024
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.