Luka 23
23
Esambi ePilato
1Bato balikita bangɔ basusu, na bakɛ na Yesu boso Pilato. 2Babenga bomodumbea ebango bo, Iso bobolojai moto yo na mojɔ. Apangoaka bato balikota lisu, na alembaka bato bo bataputa tako eKaisala. Abalaka koko bo yo mɛnɛ adi Masiya na Kumu. 3Pilato amohɔjɔ bo, Wɛ odi Kumu oBaYuda? Iyo amosɔmbeja bo, Wɛ obali boa. 4Pilato abala na basuku banganga, na bato balikita bo, Mbi mtanɛkɛ nongo mojɔ na moto omina. 5Ibo ko bahɛjɛ bingi. Babala bo, Iyo apangoaka bato a makota masusu maYuda. Abanga bokoja oho Galile, na edɛye amei oko ya.
6Yana aka Pilato ekenge emina, ahɔjɔ isa Yesu adi moto oGalile. 7Ajeba yo bo adi moto olikota liElode, amoloma ai Elode, mojɔ bo yo adaka a Yelusalema a ehole emina. 8Elode adaka na posa ehole eyai bo anɛe Yesu. Oko boa, yana amonɛ yo, adaka na sepi enɛnɛ. Mojɔ bo ama ka mijɔ minde, na adaka na njingo bo Yesu amonejae ekina embete. 9Oko boa, akokeleja Yesu na mahɔjɔ manɛnɛ. Yesu ko aimosɔmbeja nongo ekenge. 10Basuku banganga na basɔni badaka hulelu, na bamodumbea ebango na bopipo mɛnɛ. 11Elode na basoda bande bamokotoa, bamota mota, bamolwaja kasaka eyai ekumu, na amosɔmbeja ai Pilato. 12Elode na Pilato bapanda limbaci a busa bomina, mojɔ bo bama da oko soki.
13Pilato abolea likita libasuku banganga, na bakumu, na bato bangando. 14Abala na bu bo, Ino odoini na moto yo a esambi embi o moto yona opangoaka bato. Ikani! Mbi namokokelejai a boso bonu, na nani bo aditi nongo na lindo a mojɔ mongando jilangaka no. 15Elode koko boa, mojɔ bo yo amosɔmbejai ai so. Ikani! yo akɔiti nongo mojɔ mua mobwani na mokindo mobogwa. 16Oko boa nadi bomotua, na nâmocingoa. 17(Cina bo acingoaka moto omɔci tu yanga a kola emina.) 18Ibo basusu ko babekoa na monɔkɔ momɔci bo, Yɛ agwɛ! Cingoa Balaba ai so! 19Balaba adaka a blɔkɔ a mojɔ mobowa, na a mojɔ modane a ngando. 20Pilato abaleha koko, mojɔ bo yo adaka na posa bo acingoe Yesu. 21Ibo ko babekoa bo, Mobakea a mole-mobokea! Mobakea a mole-mobokea! 22Pilato abala na bu bala ejisato bo, Mojɔ moye? Bobe bokɔi yo nda? Mbi naniti nongo mojɔ na nde mua mobwani na mokindo mobogwa. Oko boa nadi bomotua, na nâmocingoa. 23Ibo ko babɛjɛ bingi; babekoa na bopipo, na ba’nga oko bo agwɛ a mole-mobokea. Oko boa Pilato aka minɔkɔ mibu. 24Alena mojɔ boa, na ajima bo akɔe o apalaka bo. 25Ba’nga koko bo acingoe moto yona odaka a blɔkɔ a mojɔ mobowa na dane, na amocingoa. Apeja Yesu ko a mɔmɔ mabu bo bakɔe na nde o apalaka bo.
Bogwa boYesu
26Abenga bo bodala na Yesu, bapea moto oKulene, kombe ende Simona. Iyo adaka a njea elihule a esika, na bamotombeja mole-mobokea a ngɔngɔ jiYesu. 27Bato badaka bacingi ngɔngɔ jinde lindundu linɛnɛ; na bali basabimboaka ta mupa, na bayeaka bio a mojɔ monde. 28Yesu ko ahekoa, abala na bn bo, Ino bana-bali baYelusalema, t’oyeeni oko a mojɔ mombi; yeani oko a mojɔ monu bɛnɛ na bana banu. 29Mojɔ bo, ikani; masu makɛkɛ adoe yana âbala bato bo, Badi na pasa oko batete, oko sɔpɔ jia jiditi na libota, na mabɛi maya madi pɛ bonungea. 30Ehole emina ekamea, badi bobala na meno minɛnɛnɛ bo, Bobumana so; na bâbala na meno bo, Puseani so. 31Isa bakɔkɔ mojɔ mu yana adi mole mɔ, badi bokɔ bo na mole mokakanake?
32Bakɛ na bato batongo babae, bato babe; badaka bacingi na nde engbanga bo bagwɛ na nde. 33Yana amea bo a esika yena edi na kombe Engɔngɔ, babakea Yesu a mole-mobokea oko ena, na baya babe pongono, okina a dɔngɔ diebɔ ebami, yona otongo a dɔngɔ diebɔ ebali. 34Yesu abala bo, Sesa, kina bo, mojɔ bo batacingeaka mojɔ mokɔkɔ bo. Na bakina baboma jonga a mojɔ mobokaba bisenja binde. 35Bato bangando badaka hulelu a mojɔ mobonja. Basuku bangando ko bamokotoa; babala bo, Iyo ahelejai bato batongo; yɛ asahelejae yo mɛnɛ isa adi Masiya oNjambe, isa Njambe amohɔ. 36Basoda bamopɔmbeja pongono; bamoyɛjɛ madiba makpɔ, 37na babala bo, Isa wɛ odi Kumu oBayuda, saheleja. 38Mokina mosɔnɔ modaka a diko dinde bo, IYO ADI KUMU OBAYUDA.
39Okina obu babe baya bakaalejama, ananga na nde; abala bo, Wɛ oditi Masiya? saheleja wɛ mɛnɛ na so pongono. 40Yona otongo ko asɔmbeja na alemoa na nde bo, Wɛ, t’obangake Njambe, wɛ yona osi mokindo momina pongono? 41Iso bobwani na mokindo momina; bosɔkɔ oko ndese ejibe jisu; yo ko akɔiti nongo mojɔ mobe. 42Na yo abala bo, Yesu, pɛ bobosa mbi okasɔ bokumu bowɛ. 43Yesu amosɔmbeja bo, Mbi natɔndɔkɔ wɛ na soti bo odae na mbi a Paladiso oko busa bu.
44A ehole emidi, modidi modaka a ngondo esusu, na moyeyoa oko a trois heures. 45Modika-busa mohinda, na ehuako enɛnɛ yena ekabaka tempelo a tei elea oko bolea, bikenge bibae. 46Na Yesu abekoa na kɔpi epipo bo, Sesa, asɔ mwembo mombi a mɔmɔ mawɛ. Ama yo bala boa, mwembo monde mo’mi mana oko bomana. 47Yana anɛ kapitɛni obasoda mojɔ momina, asakaoa Njambe, na abala bo, Iyo adaki moto mopele soti. 48Bato basusu baya badaka ena a bonja, babulɛ oko bobulɛ yana anɛ bo mojɔ momina, na basabimboa ta mupa. 49Bina’nde basusu, na bali baya bama donga na nde a Galile, badaka ba’mi bohali mweka, na hanɛ mojɔ mosusu.
50Okina momi adaka ena, kombe ende Yosepa, moto oAlimate a likota liYuda. Iyo adaka moto olikita libasuku, moto mopele, moto ohodongo. 51Iyo aijima nongo bosambeja bobu na mojɔ mokɔ bo. Ambaka koko Bokumu boNjambe na tɛndɛ. 52Moto omina akɛ ai Pilato, na amonga mokuku moYesu. 53Amotiteja, amodinga na esenja enɛnɛ epu, na amosambea a esɛmɔ, oko atei eengbungulu yena etɔmɔ a litai. Baipaka sa moto ena. 54Busa bomina bodaka busa boMosɛlingo, cina bo busa boSabata bobenga bomea. 55Bali baya bama donga na Yesu a Galile, basusa Yosepa oho, na banɛ esɛmɔ na esika edaka mokuku moYesu. 56Oko boa basɔmbɔ a ngando, na basɛlingoa malasi, na kasa jisoo epele. Bahema a husa boSabata a mojɔ momobeko.
اکنون انتخاب شده:
Luka 23: NTNG61
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique de la R. D. Congo
Luka 23
23
Esambi ePilato
1Bato balikita bangɔ basusu, na bakɛ na Yesu boso Pilato. 2Babenga bomodumbea ebango bo, Iso bobolojai moto yo na mojɔ. Apangoaka bato balikota lisu, na alembaka bato bo bataputa tako eKaisala. Abalaka koko bo yo mɛnɛ adi Masiya na Kumu. 3Pilato amohɔjɔ bo, Wɛ odi Kumu oBaYuda? Iyo amosɔmbeja bo, Wɛ obali boa. 4Pilato abala na basuku banganga, na bato balikita bo, Mbi mtanɛkɛ nongo mojɔ na moto omina. 5Ibo ko bahɛjɛ bingi. Babala bo, Iyo apangoaka bato a makota masusu maYuda. Abanga bokoja oho Galile, na edɛye amei oko ya.
6Yana aka Pilato ekenge emina, ahɔjɔ isa Yesu adi moto oGalile. 7Ajeba yo bo adi moto olikota liElode, amoloma ai Elode, mojɔ bo yo adaka a Yelusalema a ehole emina. 8Elode adaka na posa ehole eyai bo anɛe Yesu. Oko boa, yana amonɛ yo, adaka na sepi enɛnɛ. Mojɔ bo ama ka mijɔ minde, na adaka na njingo bo Yesu amonejae ekina embete. 9Oko boa, akokeleja Yesu na mahɔjɔ manɛnɛ. Yesu ko aimosɔmbeja nongo ekenge. 10Basuku banganga na basɔni badaka hulelu, na bamodumbea ebango na bopipo mɛnɛ. 11Elode na basoda bande bamokotoa, bamota mota, bamolwaja kasaka eyai ekumu, na amosɔmbeja ai Pilato. 12Elode na Pilato bapanda limbaci a busa bomina, mojɔ bo bama da oko soki.
13Pilato abolea likita libasuku banganga, na bakumu, na bato bangando. 14Abala na bu bo, Ino odoini na moto yo a esambi embi o moto yona opangoaka bato. Ikani! Mbi namokokelejai a boso bonu, na nani bo aditi nongo na lindo a mojɔ mongando jilangaka no. 15Elode koko boa, mojɔ bo yo amosɔmbejai ai so. Ikani! yo akɔiti nongo mojɔ mua mobwani na mokindo mobogwa. 16Oko boa nadi bomotua, na nâmocingoa. 17(Cina bo acingoaka moto omɔci tu yanga a kola emina.) 18Ibo basusu ko babekoa na monɔkɔ momɔci bo, Yɛ agwɛ! Cingoa Balaba ai so! 19Balaba adaka a blɔkɔ a mojɔ mobowa, na a mojɔ modane a ngando. 20Pilato abaleha koko, mojɔ bo yo adaka na posa bo acingoe Yesu. 21Ibo ko babekoa bo, Mobakea a mole-mobokea! Mobakea a mole-mobokea! 22Pilato abala na bu bala ejisato bo, Mojɔ moye? Bobe bokɔi yo nda? Mbi naniti nongo mojɔ na nde mua mobwani na mokindo mobogwa. Oko boa nadi bomotua, na nâmocingoa. 23Ibo ko babɛjɛ bingi; babekoa na bopipo, na ba’nga oko bo agwɛ a mole-mobokea. Oko boa Pilato aka minɔkɔ mibu. 24Alena mojɔ boa, na ajima bo akɔe o apalaka bo. 25Ba’nga koko bo acingoe moto yona odaka a blɔkɔ a mojɔ mobowa na dane, na amocingoa. Apeja Yesu ko a mɔmɔ mabu bo bakɔe na nde o apalaka bo.
Bogwa boYesu
26Abenga bo bodala na Yesu, bapea moto oKulene, kombe ende Simona. Iyo adaka a njea elihule a esika, na bamotombeja mole-mobokea a ngɔngɔ jiYesu. 27Bato badaka bacingi ngɔngɔ jinde lindundu linɛnɛ; na bali basabimboaka ta mupa, na bayeaka bio a mojɔ monde. 28Yesu ko ahekoa, abala na bn bo, Ino bana-bali baYelusalema, t’oyeeni oko a mojɔ mombi; yeani oko a mojɔ monu bɛnɛ na bana banu. 29Mojɔ bo, ikani; masu makɛkɛ adoe yana âbala bato bo, Badi na pasa oko batete, oko sɔpɔ jia jiditi na libota, na mabɛi maya madi pɛ bonungea. 30Ehole emina ekamea, badi bobala na meno minɛnɛnɛ bo, Bobumana so; na bâbala na meno bo, Puseani so. 31Isa bakɔkɔ mojɔ mu yana adi mole mɔ, badi bokɔ bo na mole mokakanake?
32Bakɛ na bato batongo babae, bato babe; badaka bacingi na nde engbanga bo bagwɛ na nde. 33Yana amea bo a esika yena edi na kombe Engɔngɔ, babakea Yesu a mole-mobokea oko ena, na baya babe pongono, okina a dɔngɔ diebɔ ebami, yona otongo a dɔngɔ diebɔ ebali. 34Yesu abala bo, Sesa, kina bo, mojɔ bo batacingeaka mojɔ mokɔkɔ bo. Na bakina baboma jonga a mojɔ mobokaba bisenja binde. 35Bato bangando badaka hulelu a mojɔ mobonja. Basuku bangando ko bamokotoa; babala bo, Iyo ahelejai bato batongo; yɛ asahelejae yo mɛnɛ isa adi Masiya oNjambe, isa Njambe amohɔ. 36Basoda bamopɔmbeja pongono; bamoyɛjɛ madiba makpɔ, 37na babala bo, Isa wɛ odi Kumu oBayuda, saheleja. 38Mokina mosɔnɔ modaka a diko dinde bo, IYO ADI KUMU OBAYUDA.
39Okina obu babe baya bakaalejama, ananga na nde; abala bo, Wɛ oditi Masiya? saheleja wɛ mɛnɛ na so pongono. 40Yona otongo ko asɔmbeja na alemoa na nde bo, Wɛ, t’obangake Njambe, wɛ yona osi mokindo momina pongono? 41Iso bobwani na mokindo momina; bosɔkɔ oko ndese ejibe jisu; yo ko akɔiti nongo mojɔ mobe. 42Na yo abala bo, Yesu, pɛ bobosa mbi okasɔ bokumu bowɛ. 43Yesu amosɔmbeja bo, Mbi natɔndɔkɔ wɛ na soti bo odae na mbi a Paladiso oko busa bu.
44A ehole emidi, modidi modaka a ngondo esusu, na moyeyoa oko a trois heures. 45Modika-busa mohinda, na ehuako enɛnɛ yena ekabaka tempelo a tei elea oko bolea, bikenge bibae. 46Na Yesu abekoa na kɔpi epipo bo, Sesa, asɔ mwembo mombi a mɔmɔ mawɛ. Ama yo bala boa, mwembo monde mo’mi mana oko bomana. 47Yana anɛ kapitɛni obasoda mojɔ momina, asakaoa Njambe, na abala bo, Iyo adaki moto mopele soti. 48Bato basusu baya badaka ena a bonja, babulɛ oko bobulɛ yana anɛ bo mojɔ momina, na basabimboa ta mupa. 49Bina’nde basusu, na bali baya bama donga na nde a Galile, badaka ba’mi bohali mweka, na hanɛ mojɔ mosusu.
50Okina momi adaka ena, kombe ende Yosepa, moto oAlimate a likota liYuda. Iyo adaka moto olikita libasuku, moto mopele, moto ohodongo. 51Iyo aijima nongo bosambeja bobu na mojɔ mokɔ bo. Ambaka koko Bokumu boNjambe na tɛndɛ. 52Moto omina akɛ ai Pilato, na amonga mokuku moYesu. 53Amotiteja, amodinga na esenja enɛnɛ epu, na amosambea a esɛmɔ, oko atei eengbungulu yena etɔmɔ a litai. Baipaka sa moto ena. 54Busa bomina bodaka busa boMosɛlingo, cina bo busa boSabata bobenga bomea. 55Bali baya bama donga na Yesu a Galile, basusa Yosepa oho, na banɛ esɛmɔ na esika edaka mokuku moYesu. 56Oko boa basɔmbɔ a ngando, na basɛlingoa malasi, na kasa jisoo epele. Bahema a husa boSabata a mojɔ momobeko.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique de la R. D. Congo