Lukahtar 19
19
O Zakhejo. Paramiči katar e ćisa e rupeha kaj muklah o barvalo ke pire bućarne. E Isusohko avipe ando Jerusalimo. O Isuso rovel pala o Jerusalimo thaj tradel e džungalen katar e khangjiri.
1Thaj kana dijah ando Jerihono, vov nakhlah krozo lehte.
2Thaj dikh, jekh manuš, po anav Zakhejo, savo sah angluno e carinikongo tha savo sah barvalo.
3Manglah te dikhel e Isuso te pindžardinajvol leha, a našti dikhlah le e manušendar kaj sah vov h̄arnor̄o, cikno.
4Thaj prastijah angle, iklisto pe jekh dudulin te dikhel le kana lela gothar te nakhel.
5Thaj kana avilah o Isuso pe gov than, vazdijah pe jakha upre thaj dikhlah le tha phendah lehće: Zakheja, hulji sigo, trubuj adjive te ačhav ande ćo ćher.
6A vov huljistah prastindo thaj lijah le pehte putarde ilehko.
7Thaj kana gova dikhle savor̄e, vazdije čingar po Isuso, vaćarindo lehće kaj vov džal ando ćher ke jekh manuš došale odjehko.
8A o Zakhejo ačhilah thaj dijah vorba e Barehće: Bareja, ake opaš mrno barvalipe kam dav e čor̄engje, a te khanikahtar lijem khanči h̄oh̄avimaha, te thardem, ćheladem varekah, me kam lehće iri štar drom gaći.
9A o Isuso phendah lehće: Adjive avilah e bah̄, o spaso, ande gav ćher, kaj vi gava si o čhavo e Avramohko.
10Kaj o čhavo e manušehko avilah te arakhel thaj te spasi gova so si h̄asardino.
11A kana von gova ašunde, vov ićardah lengje pale jekh vorba, kaj vov sah paše ko Jerusalimo, thaj von paćaje kaj kam akana sikadol e Devlehko thagaripe, o rajipe e Devlehćiro.
12Pala golehte vov vaćardah: Jekh barvalo gjelah ande jekh durutno them te lel o thagaripe thuj te iri pe palpale.
13Vov ćidijah angla pehte pe deše sluganon thaj dijah len deš ćisor̄a, vaćarindo lengje Ćeren bući gav lovenca dži kaj me irisavav.
14A lehće themehće manuša, lehće forutja seha h̄oljariki pe lehte thaj či paćana ande lehko mothovipe thaj bičhalde manušen pala lehte dindo vorba: Amen niči kamah te vov avel thagar paša amende.
15A kana vov lijah ande pe va o thagaripe, irisaljah palpale thaj vaćardah te bičhalen lehće gole manušen savende vov dijah o rup, te dikhel so khajekh astardah pe gov lehće love.
16Thaj avilah o angluno bućarno dindo vorba: Barvaleja! Sema bah̄tale vastehko, ći ćisi andah mae deš ćisa.
17Thaj o barvalo phendah lehće: Lačhe! Lačhe manušeja, kana ande cîr̄a sana mae paćamno, ake tuće deš thema mandar po dipe.
18Athoska avilah o dujto thaj phendah: Barvaleja! Ći ćisi andah mae pandž ćisa.
19A vov mothodah vi galehće: Vi tu av šorutno pe pandž forujra.
20Thaj avilah vi o trito dindo vorba: Barvaleja, ake ći ćisi, me phanglem la ande jekh dikhlor̄o thaj arakhlem la gadija te na h̄asardol.
21Me daraljem tutar, tu san pharo manuš, thaj tu kameh te leh gova so niči garudan thaj kameh te ćideh gova so niči čhutan ande phuv.
22A o barvalo mothodah lehće: Gadija save si će alava, gadija vi kam ćerav tuha, ej džungaleja! Tu džanglan kaj sem pharo manuš, thaj kaj me lav godova so me niči muklem, a pale ćidav godova so niči čhutem ande phuv.
23A sohtar niči ćerdan arlja mrne lovenca te therav khanči pe me love kana irija ma.
24Thaj phendah golengje save ačhena angla lehte: Len lehtar e ćisi thaj den la golehte kaj si le deš ćisa.
25Thaj von dije vorba lehće: Barvaleja! Lehće si deš ćisa.
26A vov phendah lengje: Mothovav tume, kaj kam del pe saijekhehte golehte savehte si, a golehtar save naj, kam lel pe vi gova so si le.
27A akana anen akaringate gole mrne dušmanon save ni kamleha te me avav lengo thagar, šorutno lengo, thaj ćhindjaren len angla mande pe kotora.
28Kana gova vaćardah gjelo vov angle thaj iklisto tar upre ando Jerusalimo.
29Thaj kana reslah ande Vitfaza thaj ande Vitanija paša e plajin, po anav e Maslinaći, bičhaldah vov do dženen katar pe amala.
30Dindo vorba: Džan ando gav savo si angla tumende. Kana dena andre kam arakhen jekhe phangle gjore, magarco, pe save khonik dži akana niči iklistah, pa putaren le thaj anen le akaringa mande.
31A te khonik phučela tumen, sohće putaren le, agadija phenen lehće: Gova trubuj e Barehće.
32A kana gjele tar gola saven vov bičhaldah, von sa gadija arakhle sar vov mothodaha.
33A kana von lije te putaren e gjore, e magarco, vaćardah lengje lehko baro: Sohće putaren e gjore.
34A von phende: Gova trubuj e Barehće.
35Thaj ande le ko Isuso thaj thode pire gada po gjoro thaj bešalde e Isuso upral.
36A kana vov lijah te džal, von buhljarde pe gada e dromeha.
37Thaj kana o Isuso pašilah te huljel katar e Maslinaći Plajin, sa o butipe, lehće amala savor̄e ando dragostipe thaj vestipe lije te ašaren e Devle andar sa o krlo pala sa gola bare buća so dikhleha.
38Dindo vorba: Te avel bah̄talo, blagoslovime, o thagar o šorutno, savo džal ando anav e Devlehko. Te avel miro, lačhipe po Del thaj ašaripe upre po učipe.
39A varesave džene katar e rašaja phende lehće: Sikavneja, darav će amalen.
40A vov dindo vorba mothodah lengje: Phenav tume, kana von phandena pe muja te na vaćarena, e bar̄a kahma den vorba.
41Thaj kana vov pašilah dikhlah o foro thaj lijah pala le te rovel.
42Dindo vorba: Te tu džaneha ande gav ćiro djive, so si pala ćo lačhipe! Ali akana si sa garudo katar će jakha.
43Kaj kam aven e djivesa pe tute thaj kam ćidinajvon će dušmaja trujal tute te h̄îvaren tu thaj kam ćićiden tu katar sa e riga.
44Thaj kam phagaren, kam ićharen vi tut vi će čhavor̄en ande tute thaj niči kam avel tute ni o bar̄ po bar̄ kaj niči pindžardan, niči haćardan gola djivesa, kana o Del avilah te rodel tu.
45Thaj dindo ande khangjiri lijah te tradel golen kaj ćinena thaj bićinena ande late.
46Dindo vorba lengje: Ando lil ačhel: Mrno ćher si o ćher e molitvako, a tumen ćerden lehtar jekh ćher e čorengo.
47Thaj vov sikavela djive po djive ande khangjiri. A e šorutne e rašajengje thaj e sikavde thaj e phuredera e manušengje dikhle sar kam mudaren le.
48Thaj niso našti arakhle, khanči, soha šaj ćerdeha lehće džungalipe kaj sa e manuša džana pala lehte thaj thovena le kan, kandena la.
اکنون انتخاب شده:
Lukahtar 19: GURB1938
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Englezongo thaj avere Themengo Biblijako Amalipe 1938.