Chakruok 2
2
1Kamano Ruoth Nyasaye notieko chueyo polo gi piny kod gik moko duto mantie. 2#Wuok 20.11.#Hib 4.4, 10.Chieng’ mar auchiel Nyasaye notieko gik moko duto mane otimo, eka noweyo tijene duto mi oyueyo chieng’ mar abiriyo. 3Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto. 4Mano e kaka nochue polo gi piny.
E kinde mane Ruoth Nyasaye chueyo polo gi piny, 5ne onge buya kata yien motwi e lowo, nikech ne pok ooro koth e piny, to bende ne onge dhano mane nyalo pure. 6To kata obedo ni koth ne onge kamano, pi ne wuok e lowo, kendo ne miyo piny bedo mangich.
7 #
1 Kor 15.45. Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.
Puoth Eden
8Bang’e Ruoth Nyasaye noloso puodho e Eden, yo wuokchieng’, mi oketoe dhano mane osechueyo. 9#Fweny 2.7; 22.2, 14.Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.
10Aora moro ne mol e puodhono, kawuok Eden, mondo omiye ng’ich, kendo bang’ wuok e puodho nopogore, mobedo aore ang’wen. 11Aora mokwongo iluongo ni, Pishon. En e aora molworo piny Havila, 12kuma dhahabu maber kod dwogo miluongo ni bedelium, gi kite ma nengogi tek miluongo ni oniks, yudoree. 13Aora mar ariyo iluongo ni Gihon, mamol kolworo piny Kush duto. 14Aora mar adek iluongo ni Tigris, mamol yo wuokchieng’ mar Asuria. Aora mar ang’wen to iluongo ni Yufrate.
15Eka Ruoth Nyasaye nokawo dhano, moketo e puoth Eden mondo opure kendo orite. 16Nowachone niya, “Oyieni chamo olemb yien duto manie puodho 17mak mana olemo manyiso ber gi rach ema kik icham, nikech chieng’ michame to initho.”
18Ruoth Nyasaye nowacho niya, “Ok ber ka dhano obet kende. Omiyo abiro miye ng’ama konye.” 19Kuom mano, nokawo lowo, mochueyogo le mae thim kod winy duto, mi nokelogi ni dhano mondo ochakgi nying’, kendo nying’ mane dhano omiyo moro ka moro ema nobedo nyinge. 20Kamano Adam nomiyo jamni gi le mae thim kod winy duto nyinggi, to ne pod onge ng’ama konye kata madak kode.
21Kuom mano, Ruoth Nyasaye nomiyo nindo matut otero Adam, kendo kane onindo, Nyasaye nogolo ng’etne achiel, mi nochako odino kama nogoloe ng’edno. 22Eka noloso dhako gi ng’edno, mokele ir Adam. 23Mi Adam nowacho niya,
“Thoo! ma e kita,
chogo moa kuom choka,
ringruok moa kuom ringra.
Ibiro luonge ni ‘Dhako’,
nikech noa kuom dhano.”
24 #
Math 19.5; Mar 10.7, 8; 1 Kor 6.16; Efes 5.31. Ma emomiyo ng’ato weyo wuon gi min, to padore kuom chiege, kendo gidoko ringruok achiel.
25Giduto ne gin duge, to kata kamano ne ok gineno ka gin gi wichkuot.
اکنون انتخاب شده:
Chakruok 2: DHO15
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Dholuo DC Bible © Bible Society of Kenya and Bible Society of Tanzania, 1976.