Laoidhean 10

LAOIDH 10

Gnath-fhoc 1.20-31

1An coimhthional nan iomadh slògh,

is anns na ròidibh tiugh',

Ri cloinn nan daoin' tha Gliocas néimh

a' togail suas a ghuth';

2Cia fhad a ni luchd fanoid tàir

air fìrinn 's gràsa Dhé?

'S a bheir sibh, amadana, spéis

d'ur toil mhi‑chéillidh féin?

3Pillibh air m'earails', air 'ur n‑ais,

is bidh sibh sona chaoidh:

Pillibh, 's a chum bhur beannachadh,

mo spiorad bheir mi dhuibh.

4Ach mur toir sibh mo ghuth fa'near,

's mur éisd sibh ri mo ghlaodh:

Tràth ghlaodhas sibhs' an là 'ur n‑airc,

'ur n‑athchuinge bidh faoin.

5Tràth ghlacas léir‑sgrios sibh 'na cuairt,

mar iom‑ghaoth luath nan speur,

Ni mise fanoid air 'ur caoidh,

's 'ur n‑urnigh chaoidh cha'n éisd.

6O'n ròghnaich sibh roimh bheatha bàs,

's éigin gu bràth bhi truagh;

Oir ciod air hith a chuireas neach,

dheth sin ni 'n neach sin buain.

انتخاب شده:

Laoidhean 10: LSN1987

های‌لایت

به اشتراک گذاشتن

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
Laoidhean 10