ĠENESI 3
3
Kapitlu 3
Il-waqgħa tal-bniedem
1U s-serp kien l-aktar wieħed li jilħaqlu fost l-annimali selvaġġi kollha, li kien għamel il-Mulej Alla. U qal lill-mara: “Tassew li Alla qalilkom: ‘La tiklux mis-siġar kollha tal-ġnien’?”#Għerf 2,24; Ġw 8,44; Rum 5,12-21; Apk 12,9; 20,2. 2U l-mara wieġbet lis-serp: “Mill-frott tas-siġar fil-ġnien nistgħu nieklu. Imma mill-frott li hemm f’nofs il-ġnien, 3Alla qalilna: ‘La tiklux minnu, u lanqas ma għandkom tmissuh, inkella tmutu.’ ”#Ġen 2,17; Rum 6,23. 4U s-serp qal lill-mara: “Le, żgur ma tmutux.#Għerf 2,24; Is 14,14; Ġw 8,44; 2 Kor 11,3. 5Imma Alla jaf li dak in-nhar li tieklu minnu jinfetħu għajnejkom u ssiru bħal allat, li jafu t-tajjeb u l-ħażin.”#Ġen 2,17; 3,22-23. 6U l-mara rat li s-siġra kienet tajba għall-ikel u tiġbdek fil-għajn, u s-siġra tħajrek biex tikseb id-dehen; u ħadet mill-frott u kielet. Imbagħad tat ukoll lil żewġha, li kien magħha, u kiel.#1 Tim 2,14. 7U nfetħu għajnejhom it-tnejn u ntebħu li kienu għerja, u ħietu weraq tat-tin, u għamlu iħżma. 8U semgħu ħoss il-Mulej Alla jitlajja fil-ġnien għaż-żiffa tal-jum, u nħbew Adam u martu minn wiċċ il-Mulej Alla qalb is-siġar tal-ġnien.#Ġer 23,24.
Il-ġudizzju u l-piena
9U l-Mulej Alla sejjaħ lil Adam u staqsieh: “Fejn int?” 10U dak wieġeb: “Smajt ħossok fil-ġnien u bżajt għax jien għeri, u nħbejt.” U staqsieh: 11“Min qallek li int għeri? Jaqaw kilt mis-siġra li jien ordnajtlek li ma tikolx minnha?” 12U wieġeb Adam: “Il-mara li inti tajtni għal miegħi, hi tatni mis-siġra, u jiena kilt.” 13U l-Mulej Alla qal lill-mara: “X’inhu dan li għamilt?” U l-mara wieġbet: “Is-serp qarraq bija, u jien kilt.”#2 Kor 11,3. 14U l-Mulej Alla qal lis-serp:#Mik 7,17.
“Talli għamilt dan, misħut int
fost il-bhejjem kollha
u fost l-annimali selvaġġi.
Għal żaqqek titkaxkar,
u t-trab tal-art tiekol#3,14: U t-trab tal-art tiekol: B’sinjal ta’ telfa umiljanti, bħalma kienu mġiegħla jagħmlu s-slaten mirbuħa f’xi gwerra jew battalja.
il-jiem kollha ta’ ħajtek.
15U jien inqajjem mibegħda#Rum 16,20; Apk 12,9; 20,2.
bejnek u bejn il-mara,
bejn nislek u nisilha,
u hu jagħmel għal rasek
u int tagħmel għal għarqubu.”
16U lill-mara qalilha:#1 Kor 11,3; Ef 5,22-23; 1 Tim 2,12.
“Inkattarlek sewwa wġigħ it-tqala tiegħek,
u bl-uġigħ tiled it-tfal;
lejn żewġek tiġbdek xewqtek,
u jaħkem fuqek hu.”
17U lil Adam qallu:#Ġen 5,29; Rum 5,12; Lhud 6,8.
“Talli inti smajt minn kelmet martek,
u kilt mis-siġra li ordnajtlek
ma tikolx minnha u għedtlek:
‘La tikolx minnha,’
misħuta l-art minħabba fik;
bit-taħbit tiekol minnha,
il-jiem kollha ta’ ħajtek.
18Xewk u għolliq tnibbitlek,
u int tiekol il-ħaxix selvaġġ.
19Bl-għaraq ta’ ġbinek#Ġen 2,7; Ġob 10,9; 34,15; S 90,3; 103,14; Koħ 3,20; 12,7; Għerf 15,8; Sir 10,9; 17,2; 1 Kor 15,21.
tiekol ħobżok,
sakemm terġa’ lura lejn l-art,
għax minnha int meħud.
Għax trab int,
u fit-trab terġa’ tmur.”
20U Adam semma lil martu Eva#3,20: Eva: Mil-Lhudi Ħawa, minn ħaj, ħaġa ħajja. għax hi kienet omm il-ħajjin kollha. 21U l-Mulej Alla għamel lil Adam u ’l martu ħwejjeġ tal-ġild u libbishomlhom.
Il-bniedem imkeċċi mill-Għeden
22U qal il-Mulej Alla: “Ara issa l-bniedem sar bħal wieħed minna, jagħraf it-tajjeb u l-ħażin; u issa xi jkun jekk imur imidd idejh u jieħu wkoll mis-siġra tal-ħajja, u jiekol, u jibqa’ ħaj għal dejjem?”#Apk 2,7; 22,2. 23Għalhekk il-Mulej Alla keċċieh ’il barra mill-ġnien tal-Għeden biex jaħdem l-art li minnha kien ittieħed. 24U ħareġ lill-bniedem, u qiegħed il-kerubini n-naħa tal-Lvant tal-ġnien tal-Għeden, u s-sejf tan-nar iżiġġ, biex iħarsu t-triq għas-siġra tal-ħajja.
اکنون انتخاب شده:
ĠENESI 3: MB20
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Maltese DC Bible © Malta Bible Foundation, 2020.