LOUKAS 23
23
U Jisu ha khmat u Pilat
(Mat. 27:1-2,11-14; Mrk. 15:1-5; Ïoan. 18:28-38)
1 #
Mat. 27:1-2; Mrk. 15:1; Ïoan. 18:28. Te haba ka jingïaseng jong ki baroh ka la ïeng joit, ki la ïalam noh ïa U ha khmat u Pilat. 2#Luk. 20:25.Ki la sdang ruh ban mudui ïa U, ki da ong, “Ngi la shem ïa une ba U da pynkiat ïa u paidlang, bad ba U da khang ban ai khajna ha u Kaisar, U da ong ba U hi U long U Khrist U Syiem.” 3#Mat. 27:11-12; Mrk. 15:2-3; Ïoan. 18:29-38; Luk. 22:70.Te u Pilat u la kylli ïa U, u da ong, “Me long ma me uta u Syiem ki Jiw?” Te U la ïathuh bad U la ong ha u, “Me ong.” 4#Luk. 23:14,22,41; Mat. 27:24; Ïoan. 19:4,6; Ki Kam. 13:28.Ynda kumta, u Pilat u la ong ha kita ki rangbah lyngdoh bad ha kita ki paidbah, “Ngam shem satia ka jingpalat ha une u briew.” 5Hynrei, ki te ki la kham ïa-pyneh, ki da ïa-ong, “U pynkhih ïa u paidlang, U da hikai kylleng ka Judia baroh, da kaba sdang naduh Galilaïa haduh hangne.”
U Jisu ha khmat u Herod
6Te haba u Pilat u la ïohsngew ïa kata, u la kylli la uta u briew u long ne em u nong Galilaïa. 7Haba u la tip ruh ba U long na ka jingsynshar u Herod, u la phah pateng ïa U sha u Herod, uba don hi ruh ha Jerusalem ha kita ki sngi. 8#Luk. 9:9; Ki Kam. 4:27-28.U Herod te haba u la ïohi ïa U Jisu, u la kmen shikatdei eh; naba u la kwah la slem ban ïohi ïa U, namar ba u la ïohsngew shibun kiei kiei ruh shaphang jong U, bad u la kyrmen ban ïohi ïa kano kano ka dak ba un leh. 9#Mrk. 15:5.U la kylli te ïa U da ki shibun ki ktien; hynrei, um shym la ïathuh ei ei ruh em ha u. 10Te kumta kita ki rangbah lyngdoh bad kita ki nongthoh ki la ïeng, ki da mudui jam eh ïa U. 11#Mrk. 15:17-19; Ïoan. 19:2-3.Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat. 12Te u Herod bad u Pilat ki la ïalok noh ha kata hi ka sngi; naba mynshuwa ki la ju ïashun paralok hi.
La aiti noh ïa U Jisu ban sahnarphna
(Mat. 27:15-26; Mrk. 15:6-15; Ïoan. 18:39—19:16)
13Te u Pilat u la khot lem ïa ki rangbah lyngdoh, bad ïa ki nongbishar, bad ïa u paidlang, 14#Luk. 23:4,22,41.bad u la ong ha ki, “Phi la wallam ïa une u briew ha nga, kum uba pynkiat ïa u paidlang: ha khmih ruh, haba nga la tohkit ïa u ha khmat jong phi, ngam shem satia ka jingpalat ha une u briew shaphang kita kiei kiei ruh ba phi mudui ïa u: 15lymne u Herod hi ruh, naba u la phah pat ïa u sha ngi; ha khmih, um shym la leh ei ei ruh em kaba u dei ban ïap: 16#Luk. 23:22; Ïoan. 19:12-14.namar kata, ynda nga la sympat ïa u, ngan pyllait noh. 17(Naba u la donkam ban pyllait noh ïa uwei ha ki ha Ka Jingkhawai Niam.)”
18 #
Mat. 27:20-23; Mrk. 15:11-14; Ki Kam. 3:13-14; Ïoan. 18:38-40; 19:14-15. Hynrei, ki la ïapyrta lang baroh, ki da ïa-ong, “To da shim duh noh ïa une! bad da pyllait noh ha ngi ïa u Barabbas!” 19(Ïa uba la buh ha ka byndi, namar kawei ka jingkhihwin ba la pynlong ha kata ka shnong, bad ka jingpynïap briew.) 20Namar kata, u Pilat u la kren pat ha ki, ba u da mon ban pyllait noh ïa U Jisu. 21Hynrei, ki la ïapyrta jam, ki da ïa-ong, “Sahnarphna, sahnarphna ïa U!” 22Te u la ong ha ki ha ka balai sien, “Balei, une u briew u la leh bymman aïu? ngam shym shem satia ha u ka daw ba u dei ban ïap; namar kata, ynda nga la sympat ïa u, ngan pyllait noh.” 23#Mat. 27:26; Mrk. 15:15.Hynrei, ki la ïaipyneh da ki jingpyrta bajam, ba ki da pan ba yn sahnarphna ïa U. Kumta, ki jingpyrta jong ki, bad ki jong kita ki rangbah lyngdoh, ki la ïalah. 24Te u Pilat u la rai ba dei ban leh ïa kaba ki pan. 25Kumta, u la pyllait noh ha ki, ïa uta ba la set ha ka byndi, namar ka jingkhihwin bad ka jingpynïap briew, ïa uba ki la pan; hynrei, ïa U Jisu u la aiti noh ha ka mon jong ki.
Kaba sahnarphna ïa U Jisu
(Mat. 27:32-44; Mrk. 15:21-32; Ïoan. 19:17-27)
26 #
Mat. 27:32; Mrk. 15:21; Ïoan. 19:17. Te katba ki dang ïalam noh ïa U, ki la ïakem ïa uwei u Simon u nong Kyrini, uba wan na ka ri bri, bad ki la ïapynbah ha u ïa ka diengphna, ban bah nadien U Jisu. 27Te la bud ïa U, u paidbah babun ki briew, bad ki kynthei kiba la lynñiar lympat ruh ïa lade, bad ba la ïam sngewsynei ïa U. 28#Luk. 21:23-24; 19:41-44.Hynrei, haba U Jisu u la phai sha ki, U la ong, “Ko kynthei Jerusalem, wat ïaïam phi namar jong nga, hynrei, to ïaïam namar ïa lade, bad namar ki khun jong phi! 29Naba, ha khmih, ki sngi kin wan ha kiba kin ong, ‘Suk ki balyngki, bad ki kpoh ki bym ju kha, bad ki jymbuiñ ki bym ju ai buiñ!’ 30#Hos. 10:8; Jpw. 6:16.Ynda kumta, kin sdang ban ïapyrta ha ki lum bah, ‘To hap ha ngi!’ bad ha ki lum rit, ‘To tap ïa ngi!’ 31Naba lada ki leh ïa kine kiei kiei ruh ha u dieng bajyrngam, ïa kaei yn leh ha u batyrkhong?”
32Te la ïalam lem bad U, ar ngut kiwei pat ruh, ki nongkam sniew, ba yn pynïap ïa ki. 33#Mat. 27:33-44; Mrk. 15:22-32; Ïoan. 19:17-24.Ynda ki la poi te ha kata ka jaka ïa kaba ju khot “Maloi khlieh”, hangta ki la sahnarphna ïa U, bad ïa kita ki nongkam sniew, ïa uwei sha kamon, bad ïa uwei sha kadiang de. 34#Salm. 22:18; Ki Kam. 7:60.Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai. 35#Luk. 4:23.Uta u paidlang te u la ïeng jngoh. Ki nongsynshar ruh de ki la ïa-pynran beiñ ïa la ki khmut, ki da ïa-ong, “Ïa kiwei U la pynim; to un pynim ïa lade, lada une U long U Khrist u jong U Blei, uba la jied jong u!” 36#Mrk. 15:23; Salm. 69:21.Bad ki shipai ruh ki la ïalehbeiñ ïa U, ki da ïawan ha U, bad ki da ïatyrwa ai ka bajew ha U, 37bad ki da ong, “Lada me long U Syiem jong ki Jiw, to pynim ïa lade.” 38La don te ka jingthoh shalor ba la thoh haneng jong U, ha ki dak Grik, bad Roman, bad Hebru de, “Une U Long U Syiem Jong Ki Jiw.”
39Uwei te na kita ki nongkam sniew, ba la sdien, u la krenbeiñ ïa U, u da ong, “Mem long uta U Khrist? To pynim ïa lade bad ïa ngi de.” 40Hynrei, uta uwei pat u la ïathuh, bad u la sneng ïa u, u da ong, “Mem sheptieng satia ïa U Blei, naba me long hapoh kajuh ka jingpynrem? 41#Luk. 23:4,14,22.Ma ngi shisha da ka bahok ruh; namar ngi ïoh diang ïa kaba dei na kiei kiei ruh ïa kiba ngi la leh: hynrei, une um shym la leh ei ei ruh em ka bymdei.” 42U la ong te, “Ko Jisu, to kynmaw ïa nga ynda me poi ha ka hima jong me.” 43#2 Kor. 12:3; Jpw. 2:7.U Jisu te U la ong ha u, “Shisha nga ong ha me, ha kane ka sngi men long lem bad nga ha ka paradais.”
Ka jingïap U Jisu
(Mat. 27:45-56; Mrk. 15:33-41; Ïoan. 19:28-30)
44 #
Mat. 27:45-56; Mrk. 15:33-41; Ïoan. 19:25-30. Bad ka la long hamar kaba hynriew baje#23:44 kaba hynriew baje: Kane ka dei ka kynta ka bahynriew. Ha ka jingkheiñ por ha kine ki sngi, kan dei ka por khat-ar baje shiteng sngi., te ka jingdum ka la wan tap ïa ka khyndew baroh haduh kaba khyndai baje#23:44 kaba khyndai baje: Kane ka dei ka kynta ka bakhyndai. Ha ka jingkheiñ por ha kine ki sngi, kan dei ka por lai baje janmiet.. 45#Eks. 26:31-35; Heb. 9:8; 10:19.Te la pyndum ïa ka sngi, bad la pynkad ïa ka jingkah jong ka templ napdeng. 46#Salm. 31:5.U Jisu te haba u la pyrta da ka ktien bajam, u la ong, “Ko Kpa, ha ki kti jong me nga aiti ïa la ka mynsiem”: te haba u la ong ïa kane, u la ai noh ïa ka mynsiem. 47Te haba u rangbah shispah u la ïohi ïa kaei ba la leh, u la ïaroh ïa U Blei, u da ong, “Da shisha une u briew u la long u bahok.” 48Bad kita ki paidbah baroh kiba la ïawan lang ban khmih ïa kane, haba ki la ïohi ïa kiei kiei ruh ïa kiba la leh, da kaba thab ïa la ki shadem, ki la leit phai pat. 49#Luk. 8:1-3; 23:55-56; 24:10.Baroh ruh ki para ba ïa-ithuh jong u, bad ki kynthei kiba la lah ïabud lem ïa u na Galilaïa, ki la ïaïeng na jngai, ki da khmih ïa kine kiei kiei ruh.
Kaba tep ïa U Jisu
(Mat. 27:57-61; Mrk. 15:42-47; Ïoan. 19:38-42)
50 #
Mat. 27:57-61; Mrk. 15:42-47; Ïoan. 19:38-42; Ki Kam. 13:29. Ha khmih ruh, u briew uba kyrteng “u Joseph”, uba long u myntri, u briew u babha bad bahok; 51une um shym la ïakohnguh ïa ka jingsylla bad ïa ka jingleh jong ki; uba na Arimathaïa, ka shnong jong ki Jiw, uba u hi ruh u ju ap kyrmen ïa ka hima ka jong U Blei; 52une u la leit ha u Pilat bad u la pan ïa ka met U Jisu. 53Te haba u la pynhiar ïa ka, u la sop spaiñ ïa ka da ka jaiñ linen bani, bad u la buh ïa ka ha ka jingtep ba la tih jlih ha u maw, ha ka bym pat ju tep briew. 54Te ka la long ka sngi ka jingpynkhreh, bad kan sa mih ka Sabbaton. 55Te kita ki kynthei ruh, kiba la ïawan lem bad U na Galilaïa, ki la ïabud nadien, bad ki la ïakhmih ïa kata ka jingtep, bad kumno ba la buh ïa ka met jong U. 56#Eks. 12:16; 20:10; Deu. 5:14; Mrk. 16:1.Ynda ki la ïaleit phai pat te, ki la ïa-pynkhreh ïa ki jingiwbih bad ïa ki jingsleh; hynrei, ha ka Sabbaton ki la shong sngi, katba kum ka hukum.
اکنون انتخاب شده:
LOUKAS 23: KHB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible Society of India