1 Mose 4
4
1Ni Adam le eṅã Hawa le̱, ni ená mũsũ, ni efo̱ Kain, ni ekē̱: Miná nū ye̱ Iehowa hefatamo̱ nā.
2Ni efo̱ enyemi Habel efata he; ni Habel tšṍ tōkwe̱lo̱, ni Kain tšṍ šikpoṅhũlo̱.
3Ni eba mli ake̱ ye̱ mli āhũ le̱ Kain ṅõ šikpoṅ nibānii le̱ eko eyašã afō̱le ehã Iehowa;
4ni Habel hũ ke̱ etōi akromo̱bii le̱ ke̱ ame̱fo̱i le̱ eko bahã. Ni Iehowa *hĩe so̱ Habel ke̱ efo̱le le̱; *Heb. 11,4.
5ši Kain ke̱ efo̱le le̱, ehĩe eso̱o̱ no. Ni Kain mli wo la naakpa, ni etũ ehĩe.
6Ni Iehowa kē̱ Kain ake̱: Mẽba omli ewo la? ni mẽba otũ ohĩe ne̱?
7Aso ke̱dši ofe ekpakpa le̱, ohĩe baṅ nyam lo? ši ke̱dši ofee ekpakpa le̱, eša *bu šĩnā le̱ ši, ni bo ose̱gbe̱ etaoo̱; ši bo le̱ †ye eno̱. *Gal. 6,17. †Rom. 6,12.
8Ni Kain ke̱ enyemi Habel wie. Ni eba mli ake̱, beni ame̱yo̱ ṅã le̱ no̱ le̱, Kain te ši wo enyemi Habel ni egbele̱. 1 Ioh. 8,12. 15.
9Ke̱ke̱ ni Iehowa kē̱ Kain ake̱: Nẽgbe̱ onyemi Habel yo̱? Ni ekē̱: Milee; minyemi le̱ kwe̱lo̱ dšimi lo?
10Ni ekē̱: Meni ofe nē̱? Onyemi le̱ *lá gbē mīblo̱ mītšé̱mi ke̱-mīdše̱ šikpoṅ sũ le̱ mli! *Mat. 23,26. Lal. 9,13. Heb. 12,24.
11Ni agbe̱ne̱, alomo̱o ke̱-dše̱ šikpoṅ le̱ ni gble enā ni eke̱mī̃ onyemi le̱ lá le̱ ye̱ odeṅ le̱ no̱.
12Ke̱ ohũ šikpoṅ le̱, ebaṅ nii ehãṅo ye̱ ehewale̱ nā doṅṅ; šikpalo̱ ke̱ kobo̱fo ootšṍ ye̱ šikpoṅ le̱ no̱!
13Ni Kain kē̱ Iehowa ake̱: Mitõmo̱ le̱ he nyõmo̱wo le̱ da fè bo̱ni manyẽ matĕre.
14Na, oſiemi ṅme̱ne̱ ke̱-dše šikpoṅ le̱ hĩe, ni matẽ mihe ke̱-dše̱ ohĩe, ni mitšṍ šikpalo̱ ke̱ kobo̱fo ye̱ šikpoṅ le̱ no̱, ni aaba mli ake̱ mofẽmo ni aanami le̱, eegbemi. Hiob 15,20-34.
15Ni Iehowa kē̱le̱ ake̱: Nohewo̱ le̱ mofẽmo ni aagbe Kain le̱, aato̱le̱ owele toi kpawo. Ni Iehowa kadi Kain, koni kē̱ moko nale̱ ni ekatſale̱ nõ.
16Ni Kain dše Iehowa hĩe ete, ni eyahĩ ši ye̱ Nod šikpoṅ le̱ no̱ ye̱ Eden bokāgbe̱.
17Ni Kain le eṅã le̱, ni ená mũsũ, ni efo̱ Henok. Ni eto maṅ, ni eṅõ ebi Henok gbe̱i ewo maṅ le̱.
18Ni Henok le̱, efo̱ Irad, ni Irad fo̱ Mehuyael, ni Mehuyael fo̱ Metušael, ni Metušael fo̱ Lamek.
19Ni Lamek kpē yei enyo̱: mokome gbe̱i dši Ada, ni mokroko le̱ gbe̱i dši Zila.
20Ni Ada fo̱ Iabal; le̱ dši mei ni hĩo̱ būi amli ni ame̱lè̱o̱ koloi le̱ atše̱.
21Ni enyemi le̱ gbe̱i dši Iubal; le̱ dši saṅkũtſalo̱i ke̱ ble̱kpãlo̱i fẽ atše̱.
22Ni Zila hũ fo̱ Tubalkain, moni dši akō̱ble ke̱ dade nii fẽ sõlo̱ le̱; ni Tubalkain nyemiyõ dši Naama.
23Ni Lamek kē̱ eṅãmei le̱ ake̱: Ada ke̱ Zila, nyenua migbē; nye Lamek ṅãmei, nyeboa miwiemo̱ le̱ toi! Ši mipilamo̱ hewo̱ migbe nū ko, ni mihe flawõ hewo̱ hũ migbe oblanyo ko.
24Ké̱ aato̱ Kain he owele toi kpawo le̱, asane̱kwa Lamek le̱, toi nyoṅmai-kpawo ke̱ kpawo! K. 16. Mat. 18,21. 22.
25Ni Adam le eṅã le̱ ekoṅ, ni efo̱ binū, ni ewole̱ gbe̱i ake̱ Set; edšake̱ ekē̱: Nyoṅmo̱ eṅõ seši kroko etomi Habel nãdšiaṅ, edšakē̱ Kain egbele̱.
26Ni Set hũ fo̱ binū, ni ewole̱ gbe̱i ake̱ Enoš. No be le̱ mli abõi *Iehowa gbe̱i tšé̱mo̱. *12,8.
اکنون انتخاب شده:
1 Mose 4: GBV96
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Ga © Bible Society of Ghana, 1896, 1992.