KAJADIAN 20
20
I Abraham ka' i Abimelekh
1I Abraham nolalin lengkat mae i Mamre nokiijo'mo i sasu selatan nu Kana'an, ka' jinojoongmo i olot nu Kades ka' Syur. Ma'isa talalo pinin na aha jinojoong i Gerar, 2#Kej. 12:13, 26:7 ia nontaloakonmo tukoonyo i Sara bengkele'nyo aijo', te utusnyo ise'. Kalana aijo' i Tomundo Abimelekh lengkat mae i Gerar nonsaimo mae mian anu toka mae mompoboa i Sara da oboamo hi ia. 3Daagi' kino sampahuan Tumpu Allah nanintoamo hi tomundo aijo' i uno nu ipion ka' notatae, “Beleyum silakamo, kalana ingalamo nu beleyum na boune aijo'; kalana ia ko langkai'nyomo.”
4Panyo i Abimelekh ma'isa nongkanyang i Sara sahingga koonyo nu tomundo aijo', “O Tumpu, aku madi' ko sala'nyo! Pa' Belento Tumpu monsilakaimo aku tiba bansangku? 5Posi i Abraham na nontaloakon tukoonyo boune aijo' utusku ise', ka' boune aijo' suele notatae sumo aijo'. Ma'ima' hondo na kinyonyoangku nolakukanmo han aijo', jadi aku madi' ko sala'nyo.”
6Sahingga Tumpu Allah nontaamimo i uno nu ipionnyo aijo', “Memang Ku sumbu' na beleyum nolakukanmo han aijo' kinyonyoaum ma'ima' hondo. Kalana aijo' tinewa'-Kumo na beleyum boli mombau dosa' hi beleng-Ku, ka' madi' pinojohok-Ku na beleyum nongkanyang boune aijo'. 7Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”
8Dodo-dodopnyo subu-subu i Abimelekh nolagamo iwi-iwi' na anu ko pangkatnyo anu mokalaja hi ia, ka' nompoto'imo hi aha iwi-iwi' apaa na anu tinimbalimo aijo'. Aha i nabuhukmo hondo. 9Lapas aijo' i Abimelekh nolagamo i Abraham ka' nompokilawa, “Te apaa na anu binaumo nu belento hi kami? Apaa na kasala'anku hi beleyum, sahingga beleyum nomboamo mae balaa'aiya hi butongku ka' hi kalaja'anku? Madi' hondo pantas na beleyum mombau sumo aijo' hi belengku. 10Kadaka' beleyum nombaumo sumo aijo'?”
11I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku. 12Ka' ia mule' aijo' memang utusku ise'. Tuuma mami sa'a-sa'angu'nyomo, ola tina na mosi tina-tina ka' imihinyo mae kami no'osoamo. 13Sahingga salatan Tumpu Allah nonsaimo aku mompala'i laigan nu tuumangku ka' mambamo i to lipu-lipu' anu i santano'an, aku notataemo hi bengkele'ku, 'Potoa mae na tanda de totu-totu'u beleyum tulu-tulutan hi belengku ka' poto'i hi batu-batu mian saba' aku aiya utus tu'a nu beleyum.' ”
14Lapas aijo' i Abimelekh nonsule'akonmo i Sara hi Abraham, ka' tempo'nyo aitu ia mule' nombee'imo to posa-posaihon, domba ka' sapi'. 15Tomundo aijo' notatae hi Abraham, “Aiyamo na lipu' ku songko-songko; jojoongmo pa' iya na anu nu ka'ima'i.” 16Lantas ia notataemo hi Sara, “Utus tu'a nu beleyum binee'ankumo doi salaka samadala bau sa'angu' na bukuti' hi iwi-iwi' mian saba' beleyum totu-totu'u madi' ko sala'nyo.”
17-18Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.
انتخاب شده:
KAJADIAN 20: LAILOE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
KAJADIAN 20
20
I Abraham ka' i Abimelekh
1I Abraham nolalin lengkat mae i Mamre nokiijo'mo i sasu selatan nu Kana'an, ka' jinojoongmo i olot nu Kades ka' Syur. Ma'isa talalo pinin na aha jinojoong i Gerar, 2#Kej. 12:13, 26:7 ia nontaloakonmo tukoonyo i Sara bengkele'nyo aijo', te utusnyo ise'. Kalana aijo' i Tomundo Abimelekh lengkat mae i Gerar nonsaimo mae mian anu toka mae mompoboa i Sara da oboamo hi ia. 3Daagi' kino sampahuan Tumpu Allah nanintoamo hi tomundo aijo' i uno nu ipion ka' notatae, “Beleyum silakamo, kalana ingalamo nu beleyum na boune aijo'; kalana ia ko langkai'nyomo.”
4Panyo i Abimelekh ma'isa nongkanyang i Sara sahingga koonyo nu tomundo aijo', “O Tumpu, aku madi' ko sala'nyo! Pa' Belento Tumpu monsilakaimo aku tiba bansangku? 5Posi i Abraham na nontaloakon tukoonyo boune aijo' utusku ise', ka' boune aijo' suele notatae sumo aijo'. Ma'ima' hondo na kinyonyoangku nolakukanmo han aijo', jadi aku madi' ko sala'nyo.”
6Sahingga Tumpu Allah nontaamimo i uno nu ipionnyo aijo', “Memang Ku sumbu' na beleyum nolakukanmo han aijo' kinyonyoaum ma'ima' hondo. Kalana aijo' tinewa'-Kumo na beleyum boli mombau dosa' hi beleng-Ku, ka' madi' pinojohok-Ku na beleyum nongkanyang boune aijo'. 7Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”
8Dodo-dodopnyo subu-subu i Abimelekh nolagamo iwi-iwi' na anu ko pangkatnyo anu mokalaja hi ia, ka' nompoto'imo hi aha iwi-iwi' apaa na anu tinimbalimo aijo'. Aha i nabuhukmo hondo. 9Lapas aijo' i Abimelekh nolagamo i Abraham ka' nompokilawa, “Te apaa na anu binaumo nu belento hi kami? Apaa na kasala'anku hi beleyum, sahingga beleyum nomboamo mae balaa'aiya hi butongku ka' hi kalaja'anku? Madi' hondo pantas na beleyum mombau sumo aijo' hi belengku. 10Kadaka' beleyum nombaumo sumo aijo'?”
11I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku. 12Ka' ia mule' aijo' memang utusku ise'. Tuuma mami sa'a-sa'angu'nyomo, ola tina na mosi tina-tina ka' imihinyo mae kami no'osoamo. 13Sahingga salatan Tumpu Allah nonsaimo aku mompala'i laigan nu tuumangku ka' mambamo i to lipu-lipu' anu i santano'an, aku notataemo hi bengkele'ku, 'Potoa mae na tanda de totu-totu'u beleyum tulu-tulutan hi belengku ka' poto'i hi batu-batu mian saba' aku aiya utus tu'a nu beleyum.' ”
14Lapas aijo' i Abimelekh nonsule'akonmo i Sara hi Abraham, ka' tempo'nyo aitu ia mule' nombee'imo to posa-posaihon, domba ka' sapi'. 15Tomundo aijo' notatae hi Abraham, “Aiyamo na lipu' ku songko-songko; jojoongmo pa' iya na anu nu ka'ima'i.” 16Lantas ia notataemo hi Sara, “Utus tu'a nu beleyum binee'ankumo doi salaka samadala bau sa'angu' na bukuti' hi iwi-iwi' mian saba' beleyum totu-totu'u madi' ko sala'nyo.”
17-18Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید