KAJADIAN 21
21
I Ishak i hampemo
1Tumpu nombalakatimo i Sara, susumo anu jinaji'-Nyomo. 2#Ibr. 11:11 Salatan tinokamo na tempo'nyo anu tinantukanmo nu Tumpu Allah, tempo'nyo aitu i Abraham i langkai'mo, i Sara pinoboamo lantas nohampeakonmo samian na anak mo'ane. 3Sinanggohanmo i Abraham na anak aijo' i Ishak; 4#Kej. 17:12, Kis. 7:8 ka' salatan i Ishak umunnyo uwalunsinaamo, sinunatmo i Abraham susumo anu pinalentahkonmo nu Tumpu Allah. 5I Abraham umunnyo sa'atumo na taun tempo'nyo i Ishak i hampemo. 6I Sara notataemo, “Tumpu Allah nompolame'mo kinyonyoangku sahingga aku kinumojomo. Batu-batu mian anu mohongo han aiya tantu kumojomo kalana lame'mo hingga-hinggat tiba aku.” 7Lapas aijo' po'ule' mule' tinaloakonnyo, “Ihe na u'utu mae nontaloakonmo hi langkai'ku tukoonyo aku momposusumo anak? Panyo memang aku nompohampemo ahi' mau mule' langkai'ku i langkai'mo hondo.”
8Anak aijo' kinodaka-daka'nyomo, ka' salatan ia madi'mo pinosusu, binaumo i Abraham na adatnyo, ia nombaumo bau-bauon anu daka' hondo.
I Hagar tiba i Ismael i laa'mo
9Daagi' kino sansinaan, i Ismael, anak i Abraham hi Hagar boune aha mae mian nu Mesir aijo', hau-haunyo biang tiba i Ishak anak i Sara. 10#Gal. 4:29-30 Tinoa i Sara aha aijo' biang lantas pinoto'inyomo hi Abraham, “Laa'mo na posaihon boune aijo' tiba anaknyo. Madi' timbali anak nu boune aijo' mohumpak bagian i kakaya'an nu beleyum anu saidi' mae nu haki nu anakku aiya i Ishak.” 11I Abraham madi' hondo sanang i poitaon aijo', kalana i Ismael suele ahi' anaknyo. 12#Rm. 9:7, Ibr. 11:18 Panyo pinoto'imo nu Tumpu Allah hi Abraham, “Boli beleyum bata-bata pa' mosia saidi' mae na posaihon nu beleyum i Hagar, tiba anaknyo aijo'. Tulutimo na pongka'oho' i Sara, kalana aijo'mo hi Ishak na pohumpakan nu beleyum lee' anu jinanji'-Kumo aijo'. 13Sumo aijo' mule' na hi anak i Hagar, Ku ponjoo'je na makumpu da aha timbali sa'angu' na bansa. Kalana ia suele ahi' anak nu beleyum.”
14Dodododopnyo subu-subu, binee'anmo i Abraham na i Hagar anu okaan, ka' sa'angu' na botutu kilit pinongisian uee da bau mantu ijalan. Ia nomposombung anak aijo' hi bekoang i Hagar ka' nonsaimo boune aijo' da mambamo. Lantas nambamo na i Hagar ka' jinojoongmo lewa' sinongko i padang bola Bersyeba. 15Salatan uee anu binau mantunyo i ningkotmo, i Hagar nompo'una'mo anaknyo ipatuu nu kumbung. 16Lantas sinumuhangmo kila-kila sa'atu na meten lengkat itampat aijo'. Ia notatae i uno nu kinyonyoanyo, “Aku madi' moko ala montoa anakku silaka.” Lantas ia ihumangmo.
17Tumpu Allah nohongomo potatae i Ismael, ka' lengkat mae aita' i langit Tumpu Allah notataemo hi Hagar, Ia notatae, “Apaa na nu susa' akon Hagar? Boli mabuhuk. Tumpu Allah nohongomo potatae nu anak nu beleyum. 18Lako'mo hi anak nu beleyum hangkat ka' ede-edek na ia. Kupotimbalije na ia lee' nu sa'angu' na bansa anu daka'.” 19Lantas Tumpu Allah nompotimbalimo i Hagar da manasa na montoa, sahingga ia nontoamo sa'angu' na bubung. Lantas ia nambamo nongisi botutu kilit nu uee, kapas aijo' pino'inumnyomo hi anaknyo.
20Tumpu Allah saja' mombaya'i i Ismael. Anak aijo-jo' kinodaka-daka'nyomo; ia jinojoongmo i padang bola Paran, ka' tinimbalimo mian to po bebas anu pande. 21Tinanyo nompo osoakon ia tiba samian na bo une nu Mesir.
Palajanjian i Abraham tiba i Abimelekh
22 #
Kej. 26:26
Tempo'nyo aitu i Tomundo Abimelekh ka' i Pikhol, kapala nu suludadunyo tinokamo hi Abraham ka' notatae, “Tumpu Allah nontulungimo beleyum i uno nu iwi-iwi' na han anu nu bau. 23Kalana aijo' basumpa' na beleyum aiya i ahop nu Tumpu Allah, beleyum motatae madi'mo mombau han anu ma'idek hi belengku, sumo aitu mule' hi to ana-anakku, kabai hi lee'ku. Susumo aku nanonongmo hi beleyum, sumo aijo'mo na obau mae hi belengku ka' hi lipu' anu nu jojoongi aiya.”
24I Abraham notatae, “Aku basumpa'mo.”
25Panyo ilapas mae i Abraham nompele-pele'mo hi Abimelekh mongkona sa'angu' na bubung anu ingagoanmo nu to posa-posaihon nu tomundo aijo'. 26I Abimelekh notatae, “Aku madi' nonsumbu' pa' ihe na nombau han aijo'. Ma'isa toho mae pinoto'i nu beleyum hi belengku, u'ukaje aiya na aku nohongo mongkona han aijo'”. 27Lantas i Abraham nombee'imo tinopia-piangkuka na domba ka' sapi hi Abimelekh, ka' aha ohua' na mian aijo' nombaumo palajanjian. 28I Abraham nompotademo popitu' na anak nu dombanyo anu aijo' galu-galum hi dombanyo, 29lantas pinokilawamo i Abimelekh hi ia, “Kadaka' binaumo nu beleyum sumo atina'?”
30Tinaaman i Abraham, “Alamo na anak nu domba popitu' aiya salaku tanda saba' belento Tuan mongakuimo, akumo aiya na nong keke bubung aiya.” 31Sumo aijo' na tampat aijo' sahingga sinanggohanmo Bersyeba, kalana ikiijo'mo na ua aha na mian aijo' bina sumpa'mo.
32Noko lapas na aha nombau palajanjian aijo'kiijo' i Bersyeba i Abimelekh tiba i Pikhol ninsusule'mo i lipu' nu mian Filistin. 33Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'. 34Lapas aijo' i Abraham jinojoongmo daagi gagana' pinin i lipu' nu mian Filistin.
انتخاب شده:
KAJADIAN 21: LAILOE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
KAJADIAN 21
21
I Ishak i hampemo
1Tumpu nombalakatimo i Sara, susumo anu jinaji'-Nyomo. 2#Ibr. 11:11 Salatan tinokamo na tempo'nyo anu tinantukanmo nu Tumpu Allah, tempo'nyo aitu i Abraham i langkai'mo, i Sara pinoboamo lantas nohampeakonmo samian na anak mo'ane. 3Sinanggohanmo i Abraham na anak aijo' i Ishak; 4#Kej. 17:12, Kis. 7:8 ka' salatan i Ishak umunnyo uwalunsinaamo, sinunatmo i Abraham susumo anu pinalentahkonmo nu Tumpu Allah. 5I Abraham umunnyo sa'atumo na taun tempo'nyo i Ishak i hampemo. 6I Sara notataemo, “Tumpu Allah nompolame'mo kinyonyoangku sahingga aku kinumojomo. Batu-batu mian anu mohongo han aiya tantu kumojomo kalana lame'mo hingga-hinggat tiba aku.” 7Lapas aijo' po'ule' mule' tinaloakonnyo, “Ihe na u'utu mae nontaloakonmo hi langkai'ku tukoonyo aku momposusumo anak? Panyo memang aku nompohampemo ahi' mau mule' langkai'ku i langkai'mo hondo.”
8Anak aijo' kinodaka-daka'nyomo, ka' salatan ia madi'mo pinosusu, binaumo i Abraham na adatnyo, ia nombaumo bau-bauon anu daka' hondo.
I Hagar tiba i Ismael i laa'mo
9Daagi' kino sansinaan, i Ismael, anak i Abraham hi Hagar boune aha mae mian nu Mesir aijo', hau-haunyo biang tiba i Ishak anak i Sara. 10#Gal. 4:29-30 Tinoa i Sara aha aijo' biang lantas pinoto'inyomo hi Abraham, “Laa'mo na posaihon boune aijo' tiba anaknyo. Madi' timbali anak nu boune aijo' mohumpak bagian i kakaya'an nu beleyum anu saidi' mae nu haki nu anakku aiya i Ishak.” 11I Abraham madi' hondo sanang i poitaon aijo', kalana i Ismael suele ahi' anaknyo. 12#Rm. 9:7, Ibr. 11:18 Panyo pinoto'imo nu Tumpu Allah hi Abraham, “Boli beleyum bata-bata pa' mosia saidi' mae na posaihon nu beleyum i Hagar, tiba anaknyo aijo'. Tulutimo na pongka'oho' i Sara, kalana aijo'mo hi Ishak na pohumpakan nu beleyum lee' anu jinanji'-Kumo aijo'. 13Sumo aijo' mule' na hi anak i Hagar, Ku ponjoo'je na makumpu da aha timbali sa'angu' na bansa. Kalana ia suele ahi' anak nu beleyum.”
14Dodododopnyo subu-subu, binee'anmo i Abraham na i Hagar anu okaan, ka' sa'angu' na botutu kilit pinongisian uee da bau mantu ijalan. Ia nomposombung anak aijo' hi bekoang i Hagar ka' nonsaimo boune aijo' da mambamo. Lantas nambamo na i Hagar ka' jinojoongmo lewa' sinongko i padang bola Bersyeba. 15Salatan uee anu binau mantunyo i ningkotmo, i Hagar nompo'una'mo anaknyo ipatuu nu kumbung. 16Lantas sinumuhangmo kila-kila sa'atu na meten lengkat itampat aijo'. Ia notatae i uno nu kinyonyoanyo, “Aku madi' moko ala montoa anakku silaka.” Lantas ia ihumangmo.
17Tumpu Allah nohongomo potatae i Ismael, ka' lengkat mae aita' i langit Tumpu Allah notataemo hi Hagar, Ia notatae, “Apaa na nu susa' akon Hagar? Boli mabuhuk. Tumpu Allah nohongomo potatae nu anak nu beleyum. 18Lako'mo hi anak nu beleyum hangkat ka' ede-edek na ia. Kupotimbalije na ia lee' nu sa'angu' na bansa anu daka'.” 19Lantas Tumpu Allah nompotimbalimo i Hagar da manasa na montoa, sahingga ia nontoamo sa'angu' na bubung. Lantas ia nambamo nongisi botutu kilit nu uee, kapas aijo' pino'inumnyomo hi anaknyo.
20Tumpu Allah saja' mombaya'i i Ismael. Anak aijo-jo' kinodaka-daka'nyomo; ia jinojoongmo i padang bola Paran, ka' tinimbalimo mian to po bebas anu pande. 21Tinanyo nompo osoakon ia tiba samian na bo une nu Mesir.
Palajanjian i Abraham tiba i Abimelekh
22 #
Kej. 26:26
Tempo'nyo aitu i Tomundo Abimelekh ka' i Pikhol, kapala nu suludadunyo tinokamo hi Abraham ka' notatae, “Tumpu Allah nontulungimo beleyum i uno nu iwi-iwi' na han anu nu bau. 23Kalana aijo' basumpa' na beleyum aiya i ahop nu Tumpu Allah, beleyum motatae madi'mo mombau han anu ma'idek hi belengku, sumo aitu mule' hi to ana-anakku, kabai hi lee'ku. Susumo aku nanonongmo hi beleyum, sumo aijo'mo na obau mae hi belengku ka' hi lipu' anu nu jojoongi aiya.”
24I Abraham notatae, “Aku basumpa'mo.”
25Panyo ilapas mae i Abraham nompele-pele'mo hi Abimelekh mongkona sa'angu' na bubung anu ingagoanmo nu to posa-posaihon nu tomundo aijo'. 26I Abimelekh notatae, “Aku madi' nonsumbu' pa' ihe na nombau han aijo'. Ma'isa toho mae pinoto'i nu beleyum hi belengku, u'ukaje aiya na aku nohongo mongkona han aijo'”. 27Lantas i Abraham nombee'imo tinopia-piangkuka na domba ka' sapi hi Abimelekh, ka' aha ohua' na mian aijo' nombaumo palajanjian. 28I Abraham nompotademo popitu' na anak nu dombanyo anu aijo' galu-galum hi dombanyo, 29lantas pinokilawamo i Abimelekh hi ia, “Kadaka' binaumo nu beleyum sumo atina'?”
30Tinaaman i Abraham, “Alamo na anak nu domba popitu' aiya salaku tanda saba' belento Tuan mongakuimo, akumo aiya na nong keke bubung aiya.” 31Sumo aijo' na tampat aijo' sahingga sinanggohanmo Bersyeba, kalana ikiijo'mo na ua aha na mian aijo' bina sumpa'mo.
32Noko lapas na aha nombau palajanjian aijo'kiijo' i Bersyeba i Abimelekh tiba i Pikhol ninsusule'mo i lipu' nu mian Filistin. 33Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'. 34Lapas aijo' i Abraham jinojoongmo daagi gagana' pinin i lipu' nu mian Filistin.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید