KAJADIAN 22
22
Tumpu Allah nompalentahmo i Abraham da mongkolobanakonmo i Ishak
1 #
Ibr. 11:17-19
Ma'isa talalo pinin ilapas na aijo' Tumpu Allah nonguji'mo pa' totu-totu'u i Abraham tulu-tulutan. Tumpu Allah nolagamo, “Abraham!” Lantas tinaamanmo i Abraham, “Apaa, Tumpu.”
2 #
2Taw. 3:1
Tumpu Allah notatae, “Lako'mo i tano' Moria tiba i Ishak anak nu beleyum anu sa'a-sa'angu'nyomo atina', anu talalo hondo nu kalibosi. Ikiijo' mae, i sa'angu' na bungkutnyo anu Ku potiju'je hi belemiu, osombahkon na anak nu beleyum salaku bau koloban hi belengku anu opapui.”
3Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia. 4I sinaa ko itolunnyomo tinanggalakonmo i Abraham aijo' mae jo'o-jo'on na tampat aijo'. 5Lantas ia notataemo hi posaihonnyo ua'aha aijo', “Jojoongmo na belemiu i aiya tiba keledai aiya. Aku tiba anakku na mamba mokiijo' monsombah Tumpu, po'ule'je kami minsusule' mae hi belemiu.”
6I Abraham nomposimbumo kau' anu bau pompaui koloban aijo' hi bekoang i Ishak, ka' ia nomboamo piso' ka' oba nu apu bau pomposuni kau'. Salatan aha i lumajangmo hingga-hinggat, 7i Ishak notataemo, “kita Tuuma!”
Tinaaman i Abraham, “Apaa anakku?”
I Ishak nompokilawamo, “kita nomboamo apu ka' kau', panyo iya na anak nu domba anu opa-opapui bau koloban aijo'?”
8Tinaaman i Abraham, “Posi Tumpu Allahje na montoukai anak nu domba aijo'.” Lantas ua-ua'aha i lumajangmo lau-laus.
9 #
Yak. 2:21
Salatan aha tinokamo i tampat anu pinoto'imo nu Tumpu Allah hi Abraham, ia nombaumo sa'angu' na mezbah tampat ponsombahkonan ka' pinotambunmo na kau' anu opapui aijo' aita' i mezbah. Lantas pinungunyomo na anaknyo ka' pinomale'nyomo i mezbah aita' i kau' anu opa-opapui aijo'. 10Lapas aijo' ingalanyomo na piso'nyo kahanda'mo mompatei anaknyo. 11Panyo malaekat nu Tumpu notatae daka-daka' hi ia, lengkat mae i langit, “Abraham, Abraham!”
Tinaaman i Abraham, “Apaa, Tumpu!”
12“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”
13Lantas i Abraham nosilele' duhu-duhuk ka' nontoa sa'angu' na domba lakinyo te tanduknyo kinalekodanmo nu kandang ka' tinopipuyumo i hemput. I Abraham nongalamo domba aijo' lantas sinombahkonnyomo hi Tumpu salaku bau koloban anu opapui pombolosi anaknyo. 14I Abraham nonsanggohimo tampat aijo', “Tumpu nontoukaimo anu opalalui.” Ka' sampe uuka aiya mian montaloakonmo, “Aita' i bungkutnyo nu Tumpu, Tumpu nontoukaimo anu opalalui.”
15Po'ule' mule' lengkat mae i langit malaekat nu Tumpu notataemo daka-daka' toka hi Abraham, 16#Ibr. 6:13-14 “Tumpu notatae: Aku basumpa' hi posi sanggong-Ku, kalana beleyum nombaumo han aiya ka' madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku. 17#Ibr. 11:12 Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha. 18#Kis. 3:25 Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.” 19Lapas aijo' ninsusule'mo na i Abraham hi ua'aha na posaihonnyo, lantas aha hingga-hinggat ninsusule'mo, i Bersyeba, ka' i Abraham jinojoongmo kiijo' mae.
Lee' i Nahor
20I Abraham ko utusnyo tu'a sanggonyo i Nahor. Noko lapas na anu jinadimo i Bungkutnyo nu Moria aijo', i Abraham nohongo saba' i Milka bengkele' i Nahor ko anakmo to momo'ane aha uwalu' aijo'mo: 21I Us, anu tumpenyo; i Bus, utus ise'nyo; i Kemuel, anu tinimbali tuuma i Aram; 22I Kesed, i Hazo, i Pildas, i Yidlaf, ka' i Setuel. 23Anu tinimbali tuuma i Ribka. Aijo'mo na anak aha uwalu' anu i hampe'akon i Milka lengkat hi Nahor utus i Abraham. 24I Nahor ko ambahue'nyo sanggonyo i Reumo ka' ambahue'nyo aijo' nohampeakon mule' i Tebah, i Gaham, i Tahas ka' i Maakha.
انتخاب شده:
KAJADIAN 22: LAILOE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید