Yɔni 2
2
Furi-Kiri-Ladiya-Koe Kena Soe Burɔ
1Tele fila a sawa nyɔgɛ, furu-kiri do kɛra Kena soe burɔ Kalili sigisɔn rɔ. Yisa na ye nyɔ nun. 2Anu bara Yisa anubɛ ala karan-dannu fanan kele nun furu-kiri wo rɔ. 3Nɔnbɔ-gbɔ-yi#2.3 Nɔnbɔ-gbɔ-yi: Nɔnbɔ-gbɔ-yi sa mata nyamanɛ kɛ rɔ. Anu si wo bɔ nɔnbɔ-gbɔɛ do le tɔ. Tubabu-kan rɔ, anu si wo kele ko, “Grape.” banta anu bolo tumɛ min, Yisa na ya a fɔ a ye ko, “Nɔnbɔ-gbɔ-yi ara ban anu bolo de!”
4Yisa ya a na yabi ko, “N na, wo bɔrɛ si taran male ye kama? Nta wati ma ke wɛ.”
5A na ya a fɔ nyɔ-wɔli-kɛlɛnu ye ko, “A wa min fɔ wo ye, wo ni wo ma.”
6Tɔn do ye Yahudiya-dina rɔ ku-kɛ-koe rɔ. Wo le ya a to, kuru-daga wɔrɔ siginɛ nyɔ yi-dagayɛ la. A kelen-kelennamɛ-bɛɛ nya kelen si kalɔn nya mogan nyɔgɔn bɔ, ni wo ma, bi-sawa.
7Yisa ya a fɔ wɔli-kɛlɛnu ye ko, “Wo ni dagɛ kɛnu nafa yi la.” Anu ya anu nafa pen! 8Wo kɔma, a ya a fɔ anu ye ko, “Wo ni yi wo do bi ka ta a to furu-kiri-mɔgɔ-ba ma.” Anu tara a la a ma.
9A ya yi wo mafɛlɛn. A ya a taran, a ara yɛlɛma nɔnbɔ-gbɔ-yi la. A ma nɔnbɔ-gbɔ-yi wo bɔ tinɛ lɔn kɔnɔ wɔli-kɛlɛ minnu ya yi wo maduni, wonu ya a lɔn. Woletɔ a ya furu-kiri-kun-tigi kele. 10A ya a fɔ a ye ko, “Mɔgɛnu duruta nɔnbɔ-gbɔ-yi-diyamɛ le dila mɔgɛnu ma fɔlɔn. Ni anu bara mɛ anu minna, wo kɔma, a si do labɔ min ma ke doi rɔ. Kɔnɔ ile ara nɔnbɔ-gbɔ-yi-diyamɛ wo mara ha a laban!”
11Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.
12 #
Matiyu 4.13
Wo kɔma, Yisa wo, a na wo, a dɔgɛnu wo, anubɛ ala karan-dannu tara Kapaniyam soe burɔ. Anu tora nyɔ wati-kundu-ni kɔrɔ.
Yisa Ta-Koe Alla-Bato-Bɔn La
(Matiyu 21.12-13; Maraka 11.15-17; Luka 19.45-46)
13 #
Bɔ-Koe-Iyipiti 12.1-27
Yahudiyanuna Kanan-Ko-Ladiyɛ ara gbɛrɛn nun, woletɔ Yisa tara ladiyɛ wo kɛ tinɛ Yerusalɛm soe burɔ. 14A ya mɔgɛnu taran ninkinu anubɛ sagɛnu anubɛ kangbɔɛnu ferela Alla-Bato-Bɔn la. Wodi-felennɛnu fanan siginɛ anuna tebulunu dafɛ. 15Yisa ya yili-kole ladan bosɛ la ka kolo-fan bɛɛ gben alako anu ni bɔ Alla-Bato-Bɔn la, a ninki wo, a saga wo. A ya wodi-felennɛnuna tebulunu nabui ka anuna wodinu tanyɛnsɛn. 16Minnu bi kangbɔɛnu ferela, a ya a fɔ wonu ye ko, “Wo ni anu bɔ yan! Wo kana n Fala bɔn ma feri-kɛ-tinɛ la!” 17#Yaburi 69.9 Ala karan-dannu ya anu yili to Allata kitabu ko bawo a sɛbɛnɛ ko, “E, Alla, ila bɔnla hɔn-koe ye n mintanna iko tɛ.”
18Yahudiya mɔgɔ-banu ya a manyinika ko, “I si kabana-ko-tamasere nyuman yira ma la ko yoe ye i bolo kɛ ma tinɛ?”
19 #
Matiyu 26.61; 27.40; Maraka 14.58; 15.29 Yisa ya anu yabi ko, “Wo ni Alla-Bato-Bɔn kɛ wayan, n si a sɔ tun tele sawa kɔrɔ.”
20Anu ya a manyinika ko, “Ma ara san bi-nani ani san wɔrɔ bɔ Alla-Bato-Bɔn kɛ min sɔ tinɛ, ile ko i si a sɔ tele sawa kɔrɔ tun, ba?”
21Kɔnɔ Yisa ye Alla-Bato-Bɔn min ma, a nyɛrɛ bagbuyi le wo la nun. 22Woletɔ a wulita furinu tɛma tumɛ min, ala karan-dannu ya anu yili to ala kumɛ wo ko. Anu lara Allata kitabu anubɛ Yisala kumɛ la.
Mɔgɛ Sɔndɔmɛ Lɔn-Koe Yisa Bolo
23Yisa ye Kanan-Ko-Ladiyɛ rɔ Yerusalɛm tumɛ min, mɔgɔ siyaman ya ala ko-makawanɛnu yen min kɛ, anu dɛnkɛninyara a ma. 24Kɔnɔ Yisa ma a nyɛrɛ latenbi anu ma bawo a ya mɔgɛ bɛɛ sɔndɔmɛ lɔn tɛrr! 25Mɔgɔ ti mɔgɔla ko rakaran Yisa ye bawo a ya mɔgɛ bɛɛ sɔndɔmɛ lɔn bɛrɛkɛ!
اکنون انتخاب شده:
Yɔni 2: KCLB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Kuranko Common Language Bible © The Bible Society in Sierra Leone, 2006.