Met 11
11
Tison a ôzomezome *nda ya Babél
(Sam 3:10-11; Lk 1:51; Dt 32:8; Mm 2:1-11,17-26)
1Si ése é mbe é kobô'ô avale nkobô da a bifia avale da. 2Nkôlaneya jôp da tôô be nga koone mbi'ili e si ya Sinéar, a be nga tabe valé. 3Be nga jôan, wua e be nyô mbo'o na: E nkôla'ane si! Bi bo brik a bi di'i je nduan. Be nga belane brik éte ane *mekok, a be nga belan évindi nte'ane si ane jôm ba late je brik. 4Be nga beta jô na: E nkôla'ane si! E nlôñane biabebiene tison a ôzomezome *nda e nje éte abôbône y'été da ye kui yôp, e mbo'one biabebiene jôé, nalé ate bia ye bo teke mialan e si nyôna ése.
5Ane Nti a nga sis asu ya yene tison a ôzomezome *nda bone be bôt be mbe be lôñôk. 6Nti a nga jô na: Tame yen ayoñe bôte da! Ba kobô bese nkobô wua, a ô lôô jam be maneya bôndé na ba bo! Eyoñe ji, teke jôm ja ye beta ndeñele mfa'a ya jam be tyi'iya na ba bo. 7E nkôla'ane si a e nsisan, a wé, e njo'ota'ane be nkobô, nalé ba ye bo te beta wô'ane *minkobô bana a ba bevok. 8Ane Nti a nga mialane be ôyab a valé e si ése; a be nga jô'é nlôñane tison. 9Ajô te be nga yôlé je na: Babél, amu valé e nye Nti a nga jo'otane nkobô ya si ése, a ataté valé e nye Nti a nga mialane be e si ése.
Nkañete Sem a e mvoñe bôte jé
(1 Minkte 1:17-27; Lk 3:34-36)
10E mvoñe bôte Sem e nje nyô: Sem a nga biaé Arpakad a too mimbu 100, valé ndôn é maneya mimbu mibaé. 11E mvus abiaé Arpadad, Sem a nga nyiñe mimbu 500, a a nga biaé bobefam a bobebinga.
12Arpakad a nga biaé Séla a too mimbu 35. 13E mvus abialé Séla, Arpakad a nga nyiñe mimbu 403, a a nga biaé bobefam a bobebinga. 14Séla a nga biaé Hébér a too mimbu 30. 15E mvus abialé Héber Séla a nga nyiñe mimbu 403 a a nga biaé bobefam a bobebinga. 16Héber a nga biaé Pélég a too mimbu 34. 17E mvus abialé Pélég, Héber a nga nyiñe mimbu 430 a a nga biaé bobefam a bobebinga. 18Pélég a nga biaé Reu a too mimbu 30. 19E mvus abialé Reu Pélég a nga nyiñe mimbu 209 a a nga biaé bobefam a bobebinga. 20Reu a nga biaé Serug a too mimbu 32. 21E mvus abialé Serug Reu a nga nyiñe mimbu 207 a a nga biaé bobefam a bobebinga. 22Serug a nga biaé Nakor a too mimbu 30. 23E mvus abialé Nakor, Serug a nga nyiñe mimbu 200 a a nga biaé bobefam a bobebinga. 24Nakor a nga biaé Téra a too mimbu 29. 25E mvus abialé Téra, Nakor a nga nyiñe mimbu 119 a a nga biaé bobefam a bobebinga. 26Téra a nga biaé Abram, Nakor a Harañ.
Nkañete Téra a Abraham
27E mvoñe bôte Téra e nje nyô. Téra a nga biaé Abram, Nakor a Harañ. Harañ a nga biaé Lot. 28Harañ a nga wu Téra ésaa, a too e si a nga bialé, e Ur Bekaldééñ. 29Abram baa Nakor be nga luk, minga Abram a mbe jôé na Sarayi, e minga Nakor ke na: Milka, ngone Harañ, ésaa Milka a ésaa Yiska. 30Sarayi a mbe nkôkôm; a nji tame bi *bon. 31Téra a nga nyoñe monafame wé Abram. Be nga kôlô nsamba wua e Ur Bekaldééñ, asu ya ke si ya Kanaan. Be nga kui Harañ a tabe été. 32E nté ényiñe Téra ô mbe mimbu 205 a Téra a nga wu Harañ.
اکنون انتخاب شده:
Met 11: BDCB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible en langue Bulu © L'Alliance Biblique du Cameroun, 2007, 2015.