Lk 16
16
Mbia mba'ale akum
(1Tim 6:17-19; 1Pi 5:2; Mt 6:24)
1Yésus a nga jô fe beyé'é bé na: Nkukume môt éziñ ô nga bili mba'ale akum, a be nga kate nye na môt ate a miase nye akume dé. 2A nga loone nye a jô nye na: Za jame ma wôk be kobô'ô ajô dôé? Bo'o sito'o ya mba'alan akume wôé, amu ô se nguleya beta bo mba'ale akume wom. 3Mba'ale akum a nga jô émiene na: Ma ye bo aya, amu masa wom a vaa ma mba'alane ya akume dé? Ye ke fa'a si? Me nji bi nguleya bo nalé. Ye ke ma bo zak? Ma wô'ô nalé ôson. 4Ma yem e jam ma ye bo, nalé ate e ba ba ye nyoñe ma e menda map éyoñe ba ye vaa ma e mba'alan akume wom ba ye yené. 5Ajô te a nga loone môt ase ya bebii memvôla be masa wé a jô nyô ôsu na: Ô bili masa wom tañeya' 6A nga yalane na: Lita mbon toyini élaa a mintete misaman. #16:6 Ovek vana ba loone wô na bat. Bate wua a bili lita 36. Bebate ntet ba bo lita 3600. A a nga jô nye na: nyoñe afebe mvôla dôé, jika'a tabe si, tili'i na: toyini a mintete muam. #16:6 Mvôla ja li'i éyoñe te lita mbon 1800, mba'ale akum *a jamé nye éyoñe te lita 1800. 7A nga jô mfe na: Wo ki ô bili tañeya? A nga yalane na: Belita be fôn toyini mewôm melaa a ésaman. #16:7 Ôvek mefes ô ne va jôé na Kor. Kor wua a ne 360 lita. A a nga jô nye na: nyoñe afebe mvôla dôé a tili'i na: lita fôn 2880. 8Ane masa a nga se'e ékotekote mba'ale akum ate amu a nga bo ane môt a ne ntyee. Amu bone ya *si nyô ba dañe yeme tabe ntyee e mfa'a bôte baa be be be ne avale da, e jame e ne ayaé e be bone y'éfufup be be.
9A ma ma jô mia na: latane memvôé a akum da so ékotekote mboon, nalé ba ye nyoñe mia e be *tabernakel be too nnôm éto, éyoñ akume te da ye jembane mia. 10Nyô a ne *zôsôô e biôme bi ne tyôtyoé, a ne fe *zôsôô e biôme bi ne anen, a nyô a ne ékotekot a tyôtyoé biôm, a ne fe ékotekot a biôme bi ne anen. 11Ajô te ñhe nge mi nga bo te yené *zôsôô akum e nji yian été, za a ye ve mia benya be biôm' 12A nge mi nga bo te yené *zôsôô e biôme bi ne bi bi môte mfe, za a ye ve mia biôme bi ne émbiôé' 13Teke mbo ésaé éziñ a ne saane bemasa bebaé. Amu naa a ye vini wua *a nye'e nyô mbok, nge na a ye kabetane wua a biasé nyô mbok. Mi se nguleya saane Zambe a Akum.
14Befarizieñ, e mbe be mbe be nyeke'e moné, be mbe be vô'ôlô'ô mam mete mese, be nga woé Yésus. 15A nga jô be na: Mia mi ne e ba ba liti bebiene na be ne *zôsôô e mise me bôt, ve Zambe a yeme minleme mienan; amu jam e ne beta jam e be bôt é ne mbia jôme be Zambe.
16Azukui be Yôanes, éyoñ é mbe ji metiñ a bekulu mejô; ataté éyoñe te, éjôé Zambe ja kateban ane mbamba foé, a môt ase a belan éngôngôt asu ya nyiin été. 17Da dañe tyi'ibi na yôp a si bi lôt, a lôte na e nten ékanga wua ya metiñ ô kôlô.
18Nyô ase a suu minga wé a lu'u mfe, a bo *mejian, a nyô ase a lu'u minga nnôm a te suu a bo *mejian.
Nkukume môt baa Lazar
(Lk 6:20-21, 24-25; Sam 49:17-21; 73:4-5, 19)
19E nkukume môt éziñ ô nga too a be'e bitôto'o mengômesan, *môs ôse ve sandé ényiñ a mimvôman. 20Engôngole môt, mefôle nyôl ne nyaññ, jôé na Lazar, a nga bôô e *mbé ya aka'a dé; 21a mbe a kômbô'ô di afufus e mbe e kpwa'ak e tawôlô nkukume si. Ve bemvu be mbe be za'a nyiane meveñe mé. 22Engôngole môt é nga wu a beéngele be nga be'e nye a kee nye e tôé Abraham. E nkukume fe ô nga wu a jambane soñ. 23Etaba'a miñwuan, a nga bete mis; a éndeñela'a été, a nga yen Abraham ôyap, Lazar a ye'e nye tôé. 24A nga yône na: A ésaa wom Abraham, koo ma éngôngo, a lômôk Lazar na a dube sôso'o ônyu jé mendim a ve ma ôyem évôvoé; amu ma wô'ô mintaé e nkaba'a nduane wuna été. 25Abraham a nga yalane na: A mone wom, simesa'ane na ô nga bi akum éyoñ y'ényiñe jôé, a na mfa'a Lazar, a nga tôbane minjuk, éyoñe ji a volebaneya nleme va, ve wo wo wô'ô mintaé. 26E mam mete mese yôp, beta yee a ne e zañe jangan a mia, nalé ate e ba be ne kômbô kôlô vana a zu be mia be bo te nguleya bo de, be bo fe te nguleya kôlô mi ne wé a zu be bia. 27E nkukum wô na: A ésaa wom, ma sili ñhe wo na ô lôme Lazar e ndaa ésaa wom; 28amu me bili bobenyañe betan. A kee be jam *a yem, be fe be za zui e vôma éndeñela'a nyô. 29Abraham nye na: Be bili Môze a bekulu mejô, be tame wô'ô be. #16:29 Môze a bekulu mejô: Kanoñ ya melu mete, bekalate bebé 20. Metata'a a kui Deutérônome nalé a ne na bekalate 5; beta bekulu mejô 3 a bone bekulu mejô 12. 30A nga yalane na: Momo, a ésaa wom Abraham, ve nge môt éziñ a so miñwuan a zu be be, ba ye kôñelane minlem. 31Abraham a nga yalane nye na: nge ba bo te wô'ô Môze a bekulu mejô, ba ye bo te kañese, ja'ane môt a wômô a so'o miñwuan.
انتخاب شده:
Lk 16: BDCB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible en langue Bulu © L'Alliance Biblique du Cameroun, 2007, 2015.