Siin Giala Da yiri-a ǹ boo
Da yiri-a ǹ boo
Sɛ́wɔ kɛ n sii tumaa a giala kɔ ǹ gɔn pii. Sɛ́wɔ lɛ n nyɛɛ wɔ nɛ mà Lawa na á kanaa da, ka a gɔ́ɔ̃gɔ́ɔ̃ ǹ mànan tumaa nɛ, ka minbuiin nɛ dɔ nɛ. Sii baraa laanka nɔmaa nə n giala kɔ ka yɔrɔ mɛn nɛ, sɛ́wɔ kɛ n bɛ dɔ nyɛɛ wɔ nɛ.
Siin Giala kɔ ǹ Sɛ́wɔ niɛ̃-n kɔn paǹ paa:
A paǹ bibinaa nɛ (1-11), Lawa na á kanaa zɛnaa, tɔɔn nɛ, ka minbuiinin ni. Lawa màn mɛn tumaa zɛnaa, a n siĩni, sɛnɛ Lawa minbuiin nɛ bibinaan mɛnɛn zɛnaa, Aadã laanka Ɛvu, bɛn nə́ Lawa bɔlɔ tii. Bɛ kio, minbuiinin nə́ n bɔyaa ǹ nə́ baraa koe liɛ yii ni. Lawa tɔ́n golee li mà asɛ n die kanaa bɔ̀n biɛ ka mu gole ne. Kanaa mininin tumaa gã bɛ̀ á n bɔ Nowee laanka a sɔmɔ minin dininsɔɔ̃nɔn nɛ. Bɛ kio minbuiinin nə́ mɔnaa ǹ nə́ kanaa pã, sɛnɛ ǹ gigiã ba Lawa lɛ sii wa.
A paǹ paabaa ǹ wɔ nɛ (12-50), bɛ n Abrahamu boo diɛ kɔnlɛ ka a tɔrɔn nɛ. Abrahamu na á goã goleemali wole lɛa, á Lawa lɛ sii. Lawa na á bɔ mà a na asɛ a zaman a díi baa, asɛ bɛ́ re dí nyɛɛ ka ǹ mɛnɛn lɛ nɛ. A n die kanaa minin kirisibaali boe bɛa tɔrɔ lɛ bii. Bɛa tɔrɔ kɛ lɛ n ka Izirayeli ni. Sɛ́wɔ kɛ n Abrahamu a sɔmɔ a lɛlɛ ǹ sii n yɔrɔ pii wɔ nɛ.
Sɛ́wɔ lɛ a boo mìi dadaran:
Kanaa diɛ boo ka minbuiin nɛ a lɛlɛ a zɛnaa ǹ sii, 1.1—11.32
Abrahamu boo, min mɛn bɛ́ á n foo doa Lawa ganaa, 12.1—25.17
Zakɔba boo. Zakɔba nə́ n bíi Izirayeli, 25.18—36.43
Zozɛfu boo, Zakɔba a nɛ goon ne. A din taman yii, Zakɔba a minin tumaa woo giã Ezipti gána nɛ, 37.1—50.26
اکنون انتخاب شده:
Siin Giala Da yiri-a ǹ boo: SCE2013
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.