Mark 3
3
1Naŋ ni me mule pata mulaŋ ilo ima siwo tuwale, wa o tanun aia o rurus me ge napanena. 2Wa neira me matagisgis goroa ni te ge esua alo qoŋ mapsag si tagai, si neira a tila ineia apena. 3Naŋ ni we vet mun i gene o rurus me ge napanena si, Tavaraka ma gai ilo vatitnai. 4Naŋ ni we varusira wa si, We tira ape lea si a ge wia alo qoŋ mapsag, si a ge tatas? si a vaesu o atai, si a ge mate? Pa neira me naenae roroŋo. 5Wa ni we tatalai kelkel ivunara mun o lologagara, me vivtigia gina ape toqara we wasvat, ti vet mun i gene wa si, Sigag lue napanema ma. Naŋ ti sigag lue ma, wa napanena me rip kel munia tama o tavaliu. 6Naŋ ira Pharise me rowolue, wa gaplot me nit sara tuwale naliŋara amaira Herod ape neia, neira te ge tagea laia gasavai.
7Wa i Jesus me sirig kel siwo, tara tiŋqoro anana amaia, i pan qilo; wa o sul liwoa nan o Galilea we tataga ineia, 8wa nan o Judea, wa nan o Jerusalem, wa nan o Idumea, wa a tavala Jordan rowo; wa ira ta tag ta Tur wa ta Sidon o sul liwoa me roŋotag paso mora ape savasava ni me ge ti, we mule ma suria. 9Naŋ ni me vet munra tiŋqoro anana si o nati aka a tataga rivtagia, o manigiu o sul, nan wa qisaŋia. 10Ape ni me vaesura ti we qoqo, o manigiu si neira a rowo ivunana si a taŋo lai vano ape neia, irasei ŋaŋ o gopae we gege aneanera. 11Wa o vui gagavu ŋaŋ, alo we iloa, me rowo taqa goroa we awoawo we vava wa si, Iniko Natun God. 12Wa ni me ŋorov goro aneanera nan wa gaganag luea.
13Naŋ ni me vara kalo vawo tauwe, we logira ma suria ni we marosira; wa neira me kalo suria. 14Wa ni me vonog ira pul saŋavul tuwale o numei nirua, si neira goara amaia, wa sin suware luera at si a toretore, 15wa si neira a taur mora o mana si a vaesu o val gopae ŋaŋ, wa si a vure savrag o vui we tatas ŋaŋ. 16Wa ni me tiu navaruesasana mun Simon si Peter. 17Wa James natun i Sebede wa i John tasin i James, wa ni me tiu munrara navaruesasanrara si Boanerges, wa si, Ira nat manu nuŋnuŋ. 18Wa i Andrew, wa i Philip, wa i Bartholomew, wa i Mathew, wa i Thomas, wa i James natun i Alpheus, wa i Thadeus, wa i Simon i Kananites, 19wa i Judas Iskariot; ineia mulaŋ gina me maniriŋia. Naŋ neira me mule pata ilele ima.
20Wa o sul we vug tuwale mulaŋ o manigiu si neira tete gana vires lai o sinaga apena. 21Naŋ ira sogona me roŋotag mora wa me rowolue si a taur varagetia; ape neira me vet si, Ni me lelera veta. 22Pa ira vatvatogo me siwo ma ti a Jerusalem me vava mora si, I Beelsebub amaia; wa si, Mun i moai goro o vui we tatas ŋaŋ ni we vure lue o vui we tatas ŋaŋ. 23Naŋ ni me log tuwale neira ma suria, me vava tenegag muneira wa si, I Satan te vure lue lai i Satan ga savai? 24Pa si qe vilewora o marana, o tavaliu nan o tavaliu, o marana ilone tete tira lai; 25wa si qe vilewora o ima, o tavaliu nan o tavaliu, o ima ilone tete tira lai. 26Wa si i Satan qe tavaraka goro ineia kel, wa qe vilewora, ni tete tira lai, nava naulusina apena veta. 27Pa isei tete kalo pata lai ilo iman i vavakae wa we saŋrag napulana ŋaŋ, sin qe tete rot amoa i vavakae ilone; pa paso nan ni te sese lai naimana. 28We nun nau we vava mun kamiu, Si te nomvitag o val pugai ŋaŋ munra nat tanun, wa val vavae ŋaŋ neira te vava nawono lai nia; 29nava isei ta vava nawono goro o Vui we Roŋo, ni tete taur mona lai o nomvitag pugai ti tuai ti tuai, nava we tira ape te veveg galava ineia ape ganganor. 30Wa o manigiu neira me vava si o vui gagavu amaia.
31Naŋ alo ine ira tatasina wa i ravevena me mule ma suria, wa we tira avarea, we vatraŋ rasei at suria, we suwarea ma. 32Pa o sul me putepute wawaliogia; wa neira me vet munia wa, Ilo, i ravevema tara tatasima a varea veta, we sikesikeko. 33Wa ti valuira, ti vava si, Pa isei i ravevek wa ira tatasik? 34Naŋ ti ate kelkel ivunaragai we putepute waliogia, ti vet wa, Ilo, i ravevek nake, wa ira tatasik. 35O manigiu si isei qe gagapalag o maros anon God, ineia i tasik wa i tutuak wa i ravevek.
انتخاب شده:
Mark 3: MOTA
هایلایت
به اشتراک گذاشتن
کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
New Testament was published by the British and Foreign Bible Society in 1931.
Mark 3
3
1Naŋ ni me mule pata mulaŋ ilo ima siwo tuwale, wa o tanun aia o rurus me ge napanena. 2Wa neira me matagisgis goroa ni te ge esua alo qoŋ mapsag si tagai, si neira a tila ineia apena. 3Naŋ ni we vet mun i gene o rurus me ge napanena si, Tavaraka ma gai ilo vatitnai. 4Naŋ ni we varusira wa si, We tira ape lea si a ge wia alo qoŋ mapsag, si a ge tatas? si a vaesu o atai, si a ge mate? Pa neira me naenae roroŋo. 5Wa ni we tatalai kelkel ivunara mun o lologagara, me vivtigia gina ape toqara we wasvat, ti vet mun i gene wa si, Sigag lue napanema ma. Naŋ ti sigag lue ma, wa napanena me rip kel munia tama o tavaliu. 6Naŋ ira Pharise me rowolue, wa gaplot me nit sara tuwale naliŋara amaira Herod ape neia, neira te ge tagea laia gasavai.
7Wa i Jesus me sirig kel siwo, tara tiŋqoro anana amaia, i pan qilo; wa o sul liwoa nan o Galilea we tataga ineia, 8wa nan o Judea, wa nan o Jerusalem, wa nan o Idumea, wa a tavala Jordan rowo; wa ira ta tag ta Tur wa ta Sidon o sul liwoa me roŋotag paso mora ape savasava ni me ge ti, we mule ma suria. 9Naŋ ni me vet munra tiŋqoro anana si o nati aka a tataga rivtagia, o manigiu o sul, nan wa qisaŋia. 10Ape ni me vaesura ti we qoqo, o manigiu si neira a rowo ivunana si a taŋo lai vano ape neia, irasei ŋaŋ o gopae we gege aneanera. 11Wa o vui gagavu ŋaŋ, alo we iloa, me rowo taqa goroa we awoawo we vava wa si, Iniko Natun God. 12Wa ni me ŋorov goro aneanera nan wa gaganag luea.
13Naŋ ni me vara kalo vawo tauwe, we logira ma suria ni we marosira; wa neira me kalo suria. 14Wa ni me vonog ira pul saŋavul tuwale o numei nirua, si neira goara amaia, wa sin suware luera at si a toretore, 15wa si neira a taur mora o mana si a vaesu o val gopae ŋaŋ, wa si a vure savrag o vui we tatas ŋaŋ. 16Wa ni me tiu navaruesasana mun Simon si Peter. 17Wa James natun i Sebede wa i John tasin i James, wa ni me tiu munrara navaruesasanrara si Boanerges, wa si, Ira nat manu nuŋnuŋ. 18Wa i Andrew, wa i Philip, wa i Bartholomew, wa i Mathew, wa i Thomas, wa i James natun i Alpheus, wa i Thadeus, wa i Simon i Kananites, 19wa i Judas Iskariot; ineia mulaŋ gina me maniriŋia. Naŋ neira me mule pata ilele ima.
20Wa o sul we vug tuwale mulaŋ o manigiu si neira tete gana vires lai o sinaga apena. 21Naŋ ira sogona me roŋotag mora wa me rowolue si a taur varagetia; ape neira me vet si, Ni me lelera veta. 22Pa ira vatvatogo me siwo ma ti a Jerusalem me vava mora si, I Beelsebub amaia; wa si, Mun i moai goro o vui we tatas ŋaŋ ni we vure lue o vui we tatas ŋaŋ. 23Naŋ ni me log tuwale neira ma suria, me vava tenegag muneira wa si, I Satan te vure lue lai i Satan ga savai? 24Pa si qe vilewora o marana, o tavaliu nan o tavaliu, o marana ilone tete tira lai; 25wa si qe vilewora o ima, o tavaliu nan o tavaliu, o ima ilone tete tira lai. 26Wa si i Satan qe tavaraka goro ineia kel, wa qe vilewora, ni tete tira lai, nava naulusina apena veta. 27Pa isei tete kalo pata lai ilo iman i vavakae wa we saŋrag napulana ŋaŋ, sin qe tete rot amoa i vavakae ilone; pa paso nan ni te sese lai naimana. 28We nun nau we vava mun kamiu, Si te nomvitag o val pugai ŋaŋ munra nat tanun, wa val vavae ŋaŋ neira te vava nawono lai nia; 29nava isei ta vava nawono goro o Vui we Roŋo, ni tete taur mona lai o nomvitag pugai ti tuai ti tuai, nava we tira ape te veveg galava ineia ape ganganor. 30Wa o manigiu neira me vava si o vui gagavu amaia.
31Naŋ alo ine ira tatasina wa i ravevena me mule ma suria, wa we tira avarea, we vatraŋ rasei at suria, we suwarea ma. 32Pa o sul me putepute wawaliogia; wa neira me vet munia wa, Ilo, i ravevema tara tatasima a varea veta, we sikesikeko. 33Wa ti valuira, ti vava si, Pa isei i ravevek wa ira tatasik? 34Naŋ ti ate kelkel ivunaragai we putepute waliogia, ti vet wa, Ilo, i ravevek nake, wa ira tatasik. 35O manigiu si isei qe gagapalag o maros anon God, ineia i tasik wa i tutuak wa i ravevek.
انتخاب شده:
:
هایلایت
به اشتراک گذاشتن
کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
New Testament was published by the British and Foreign Bible Society in 1931.