Mark 4
4
1Mulaŋ, ni me qeteg vatvatogo a pan qilo; wa o sul liwoa we gogorag tuwale suria; o manigiu si ni vega kalo vawo aka, ti pute alo qilo: pa o sul nol we tira a pan qilo alo tanomasa. 2Naŋ ni me vatvatogo vagaqoqo ineira mun o vavae tenegag ŋaŋ; wa alo non o vatvatogo ni me vava muneira wa, 3Ragai, tur roŋotag; Ilo, i gene we savur o sivui me rowolue sage sin savur. 4Naŋ me ge alo ni we savsavur si o tuan sivui me masu a pan matesala, wa o manu ŋaŋ ta vunana me rowo ma me gana qet ilone. 5Pa o tuaniu me masu avune warevat, alo masaoi o tano gate purat apena; wa me sug raka gaplot ape gate tano we roro apena; 6nava alo loa me rowo kalo raka me saqo gina, wa o manigiu o gariu tagai apena me kor qet. 7Wa o tuaniu mulaŋ me masu ilo vatitne molmol ŋaŋ; wa o molmol ŋaŋ me sug raka wa me gis goro ilone, wa gate ukeg o woai apena. 8Wa o tuaniu mulaŋ me masu ilo tano we wia; wa me ukeukeg o woai ŋaŋ we kalokalo sage we poapoa taso; wa me uwa saŋavul tol iloke, wa iloke saŋavul laveatea, wa iloke melnol. 9Naŋ ni me vava muneira si, Isei naqorona apena sin roŋotag, ni roŋotag nia.
10Wa alo ni me toga veta alo pupuel, iragai ŋaŋ amaia tara numei nirua me varusia ape vavae tenegag ilone. 11Naŋ ni me vet muneira wa, Me ukeg veta ma mun kamiu si a gilala o gene we vagis tape marana non God; nava munragai ŋaŋ we ta avarea we ge o gene ŋaŋ alo vavae tenegag ŋaŋ; 12si neira a sagarag alo we sagsagarag, nava nipea ilo vaglala; wa a roŋotag alo we roŋroŋotag, nava nipea roŋotag vaglala; nan neira wa vile ris, wa nan wa nomvitag napugara mun neira. 13Naŋ ti vet muneira wa, Kamiu gate lolomaran o vavae tenegag iloke? wa kam te gilala o val vavae tenegag ŋaŋ gasavai? 14I gene we savsavur we savur o vavae nane. 15Wa iloke ŋaŋ iragai a pan matesala, ti savsavur o vavae aia; wa alo si neira qe roŋotag, wa rigrig i Satan we mule ma, ti wosag kalo o vavae me savur siwo ti alo toqara. 16Wa iloke ŋaŋ we sasarita apena we savsavur neira siwo ivune warevat, iragai ŋaŋ nane alo si neira qe roŋotag o vavae we taur gaplot mun o qaraqara; 17pa o gariu tagtagai alololora, pa we toga galean gese; wa paso nan, alo we ganawono raka wa we koskos gap ape vavae, neira te tutuag gaplot apena. 18Wa we sea ŋaŋ iloke we savur neira ilo vatitne molmol ŋaŋ, iragai nake me roŋotag veta mora o vavae, 19wa o nonomia teqateqa ŋaŋ tape marama iloke, wa o galeva tape tarvaleŋaleŋa, wa o tortoron ŋaŋ ape savasava ŋaŋ mulaŋ we vugvug ilolora, we gis goro o vavae, wa ti qeteg wegowego apena. 20Wa iloke mulaŋ iragai me savur neira ti avune tano we wia, irasei ŋaŋ we roŋotag o vavae wa we taur mora; wa we uwa o woai ŋaŋ, iloke saŋavul tol, wa iloke saŋavul laveatea, wa iloke melnol.
21Naŋ ni me vava muneira wa, Sa si we mulevag ma o pul si a map alalaŋe wumeto, si alalaŋe tanoepa? pa gate si a map kalo vawo tanopul? 22Ape itagai tea we toga pata, nava was te ŋaŋalue aŋaisa; wa itagai me liŋarag ti, nava was te rowolue ilo maea. 23Isei naqorona apena sin roŋotag, ni roŋotag nia. 24Naŋ ni me vava muneira wa, Ilo goro kamiu we roŋotag o sava. O manigiu o qat towotowo kamiu we towotowo nia, te towo kel mun kamiu mun o ine; wa te tuan sage mulaŋ mun kamiu we roŋroŋotag momiu. 25Ape i gene qe taur mona, te vasoal ma munia; nava i gene gate taur mona, te lareag nania o gene mulaŋ ilone ni we taur.
26Naŋ ni me vava si, O marana non God we tamaike, tama si alo isei qe savrag o sivui ivune tano, 27wa we matmatur wa we tatavaraka o qoŋ wa o maran, wa o sivui ti totou sage, ti toletole, wa ni gate gilala si gasei. 28Ape o tano ti uwauwa matapuna o woai ŋaŋ; o ŋoliu amoa, paso nan o wutui, paso nan o sinaga matua alo wutui. 29Pa me ukeg paso veta o woai, ni qara vatraŋ gaplot at o gasal, ape me wesu veta ma o gorogoro.
30Naŋ ni me vava si, Nina te ge o marana non God sin sasarita ape sava? wa nina te tenegag apena mun o vavae tenegag tama avea? 31We tama o wo mustard; wa ilone, alo te savur ivawo tano, we mantagai nan o sivui ŋaŋ we toga avawo tano; 32pa me savur paso, ti totou sage ti qeteg poapoa nan o val gene riv ŋaŋ talo tuqei, wa we ge o waŋarai liwoa ŋaŋ, si o manu ŋaŋ tavunana a anig lai alo malumalu tapena.
33Wa ni me gaganag o vavae muneira alo vavae tenegag ŋaŋ tamaike we qoqo, tama neira we gilala we roŋotag; 34pa si o vavae tenegag ta tagai, ni gate gaganag muneira; wa ni me gaganag ulul o gene ŋaŋ munra tiŋqoro anana we asau.
35Naŋ alo qoŋ nane ilone, pa me malurav veta ma, ni we vet muneira si, Nina levegao tavala qilo. 36Wa me ukeg paso o sul, neira me lavia ivawo aka amaira, tama ni we toga veta; wa o tuan nati aka mulaŋ amaia. 37Naŋ o laŋ liwoa ti siwo ma, wa o rep me rowo kalo ma ilo aka, o manigiu si me uravag veta o pei. 38Pa ineia ape kereaka we matur ape qat uluŋa; wa neira we vavaŋovia, we vet munia wa, Vatogo, ko gate nonom apena si nina we mate nake? 39Naŋ ni me tavaraka me ŋorov goro o laŋ, wa we vet mun o pei wa, Toga roroŋo, naenae; wa o laŋ me sawu mot, wa me taro popo apena. 40Naŋ ti vet muneira wa, Ape sava kamiu o matev gogogolo tamaike? wasi tagai tiqa o nomtup amen kamiu? 41Pa neira me gogogolo aneane, we varvava wa si, Isei gai iloke, ape o laŋ wa o qilo we roŋotagia gegese?
انتخاب شده:
Mark 4: MOTA
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
New Testament was published by the British and Foreign Bible Society in 1931.
Mark 4
4
1Mulaŋ, ni me qeteg vatvatogo a pan qilo; wa o sul liwoa we gogorag tuwale suria; o manigiu si ni vega kalo vawo aka, ti pute alo qilo: pa o sul nol we tira a pan qilo alo tanomasa. 2Naŋ ni me vatvatogo vagaqoqo ineira mun o vavae tenegag ŋaŋ; wa alo non o vatvatogo ni me vava muneira wa, 3Ragai, tur roŋotag; Ilo, i gene we savur o sivui me rowolue sage sin savur. 4Naŋ me ge alo ni we savsavur si o tuan sivui me masu a pan matesala, wa o manu ŋaŋ ta vunana me rowo ma me gana qet ilone. 5Pa o tuaniu me masu avune warevat, alo masaoi o tano gate purat apena; wa me sug raka gaplot ape gate tano we roro apena; 6nava alo loa me rowo kalo raka me saqo gina, wa o manigiu o gariu tagai apena me kor qet. 7Wa o tuaniu mulaŋ me masu ilo vatitne molmol ŋaŋ; wa o molmol ŋaŋ me sug raka wa me gis goro ilone, wa gate ukeg o woai apena. 8Wa o tuaniu mulaŋ me masu ilo tano we wia; wa me ukeukeg o woai ŋaŋ we kalokalo sage we poapoa taso; wa me uwa saŋavul tol iloke, wa iloke saŋavul laveatea, wa iloke melnol. 9Naŋ ni me vava muneira si, Isei naqorona apena sin roŋotag, ni roŋotag nia.
10Wa alo ni me toga veta alo pupuel, iragai ŋaŋ amaia tara numei nirua me varusia ape vavae tenegag ilone. 11Naŋ ni me vet muneira wa, Me ukeg veta ma mun kamiu si a gilala o gene we vagis tape marana non God; nava munragai ŋaŋ we ta avarea we ge o gene ŋaŋ alo vavae tenegag ŋaŋ; 12si neira a sagarag alo we sagsagarag, nava nipea ilo vaglala; wa a roŋotag alo we roŋroŋotag, nava nipea roŋotag vaglala; nan neira wa vile ris, wa nan wa nomvitag napugara mun neira. 13Naŋ ti vet muneira wa, Kamiu gate lolomaran o vavae tenegag iloke? wa kam te gilala o val vavae tenegag ŋaŋ gasavai? 14I gene we savsavur we savur o vavae nane. 15Wa iloke ŋaŋ iragai a pan matesala, ti savsavur o vavae aia; wa alo si neira qe roŋotag, wa rigrig i Satan we mule ma, ti wosag kalo o vavae me savur siwo ti alo toqara. 16Wa iloke ŋaŋ we sasarita apena we savsavur neira siwo ivune warevat, iragai ŋaŋ nane alo si neira qe roŋotag o vavae we taur gaplot mun o qaraqara; 17pa o gariu tagtagai alololora, pa we toga galean gese; wa paso nan, alo we ganawono raka wa we koskos gap ape vavae, neira te tutuag gaplot apena. 18Wa we sea ŋaŋ iloke we savur neira ilo vatitne molmol ŋaŋ, iragai nake me roŋotag veta mora o vavae, 19wa o nonomia teqateqa ŋaŋ tape marama iloke, wa o galeva tape tarvaleŋaleŋa, wa o tortoron ŋaŋ ape savasava ŋaŋ mulaŋ we vugvug ilolora, we gis goro o vavae, wa ti qeteg wegowego apena. 20Wa iloke mulaŋ iragai me savur neira ti avune tano we wia, irasei ŋaŋ we roŋotag o vavae wa we taur mora; wa we uwa o woai ŋaŋ, iloke saŋavul tol, wa iloke saŋavul laveatea, wa iloke melnol.
21Naŋ ni me vava muneira wa, Sa si we mulevag ma o pul si a map alalaŋe wumeto, si alalaŋe tanoepa? pa gate si a map kalo vawo tanopul? 22Ape itagai tea we toga pata, nava was te ŋaŋalue aŋaisa; wa itagai me liŋarag ti, nava was te rowolue ilo maea. 23Isei naqorona apena sin roŋotag, ni roŋotag nia. 24Naŋ ni me vava muneira wa, Ilo goro kamiu we roŋotag o sava. O manigiu o qat towotowo kamiu we towotowo nia, te towo kel mun kamiu mun o ine; wa te tuan sage mulaŋ mun kamiu we roŋroŋotag momiu. 25Ape i gene qe taur mona, te vasoal ma munia; nava i gene gate taur mona, te lareag nania o gene mulaŋ ilone ni we taur.
26Naŋ ni me vava si, O marana non God we tamaike, tama si alo isei qe savrag o sivui ivune tano, 27wa we matmatur wa we tatavaraka o qoŋ wa o maran, wa o sivui ti totou sage, ti toletole, wa ni gate gilala si gasei. 28Ape o tano ti uwauwa matapuna o woai ŋaŋ; o ŋoliu amoa, paso nan o wutui, paso nan o sinaga matua alo wutui. 29Pa me ukeg paso veta o woai, ni qara vatraŋ gaplot at o gasal, ape me wesu veta ma o gorogoro.
30Naŋ ni me vava si, Nina te ge o marana non God sin sasarita ape sava? wa nina te tenegag apena mun o vavae tenegag tama avea? 31We tama o wo mustard; wa ilone, alo te savur ivawo tano, we mantagai nan o sivui ŋaŋ we toga avawo tano; 32pa me savur paso, ti totou sage ti qeteg poapoa nan o val gene riv ŋaŋ talo tuqei, wa we ge o waŋarai liwoa ŋaŋ, si o manu ŋaŋ tavunana a anig lai alo malumalu tapena.
33Wa ni me gaganag o vavae muneira alo vavae tenegag ŋaŋ tamaike we qoqo, tama neira we gilala we roŋotag; 34pa si o vavae tenegag ta tagai, ni gate gaganag muneira; wa ni me gaganag ulul o gene ŋaŋ munra tiŋqoro anana we asau.
35Naŋ alo qoŋ nane ilone, pa me malurav veta ma, ni we vet muneira si, Nina levegao tavala qilo. 36Wa me ukeg paso o sul, neira me lavia ivawo aka amaira, tama ni we toga veta; wa o tuan nati aka mulaŋ amaia. 37Naŋ o laŋ liwoa ti siwo ma, wa o rep me rowo kalo ma ilo aka, o manigiu si me uravag veta o pei. 38Pa ineia ape kereaka we matur ape qat uluŋa; wa neira we vavaŋovia, we vet munia wa, Vatogo, ko gate nonom apena si nina we mate nake? 39Naŋ ni me tavaraka me ŋorov goro o laŋ, wa we vet mun o pei wa, Toga roroŋo, naenae; wa o laŋ me sawu mot, wa me taro popo apena. 40Naŋ ti vet muneira wa, Ape sava kamiu o matev gogogolo tamaike? wasi tagai tiqa o nomtup amen kamiu? 41Pa neira me gogogolo aneane, we varvava wa si, Isei gai iloke, ape o laŋ wa o qilo we roŋotagia gegese?
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
New Testament was published by the British and Foreign Bible Society in 1931.