Luke 14
14
De hagaieiangi a Iesu dahi daane i Sabbath
1Dahi Sabbath gai Iesu ne hano e gaimee i de hale o dahi dagi o denga Pharisee, gai dangada ne dagitilo ana mee e hai. 2Gai e dahi hogi dangada magi e noho i ono mada i mua e hhua luoono vae ma luoono lima. 3Gai Iesu ga ssili ange gi de gau agoago o de hainga ma denga Pharisee, “E heohi de hagaieiangi magi i de laangi o Sabbath be deai?” 4Gai gilaadeu e dee pasa ange gi de ia. Gai Iesu ga kave taane laa ga hagaieiangi ia ga hai ia gi hano.
5Aagai ia ga ssili ange gi gilaadeu, “Goai i oodou magavaa e dahi ana dama aabe se kaau gu doo ange gi lo te vai geli i de laangi o Sabbath, gai e aha, ia e dee dada age naa ia i de masavaa laa donu huu?” #Mat 12.11 6Gai gilaadeu gu dee maua i de pasa ange gi ana muna.
De lodo maolalo ma de abodonu ange gi dangada
7Iesu ne tala ange dahi mee hagasengasenga gi dangada ne saalaa ange laa gi taonga madali ia, i de masavaa aana ne gidee ai bolo gilaadeu ne hilihili denga duulanga hagadubu, ga hai ange, 8“Noo gu saalaa goe i taonga hagahai bodu, gai koe aude hano gi hakaogao i de mommee maolunga, kana humai ange dahi dangada ne saalaa i taonga e maolunga ange laa i de goe,#Pro 25.6-7 9gai tangada ne saalaa adu laa gooluu ngaadahi ga hai adu gi de goe, ‘Dugu ange doo duulanga e noho ai tangada nei,’ gai koe gu dogaa i dau kave tuulanga maolalo. 10Aagai noo koe gu saalaa i taonga, gai koe hannoo noho i de mommee maolalo, gai tangada niiana taonga e hai adu naa i dono dae mai, ‘Dogu soa, humai noho i de mommee maolunga.’ Aagai dangada alodahi ne saalaa i taonga ga hagadubu ai naa goe. 11Be goai e hagamaolunga e hai naa ga maolalo, gai be goai e hagamaolalo e hai naa ga maolunga.” #Mat 23.12; Luke 18.14
12Gai Iesu ne hai ange gi taane ne saalaa ange laa ia, “De masavaa naa huu aau e hai ai dahi gaimee i de ahiahi aabe se daonga, gai koe aude saalaa ange oo soa be go oo daina daane ma oo dangada, aabe go de gau lava e paa adu gi de goe; gilaadeu kana ssala adu hogi goe, e hagao adu ai goe. 13Aagai noo koe e hai dahi daonga, gai koe saalaa ange de gau hagaau aloha, ma de gau baagia, ma de gau balagelage, aama gilaadeu e dee kide, 14gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”
De mee hagasengasenga o taonga hagahai bodu
(Mat 22.1-10)
15De masavaa a dahi i magavaa o dangada ne langona laa mee nei, gai ia ga hai ange gi Iesu, “E manuuia tangada e gaimee i taonga i de nohoanga hodooligi o de Maadua!”
16Iesu ne hai ange gi de ia, “Dahi dangada ne hai dahi daonga laumalie, gai ia ga ssala ange dangada soa gi dana daonga. 17Gai de masavaa huu o taonga, gai ia ga hai dono dangada hai hegau gi hano gi hai ange gilaadeu gu saalaa ange laa, ‘Goodou loomai, gu paba mee alodahi iainei!’
18Aagai gilaadeu alodahi ne daamada de hai hanu hagaheohi moolaadeu. Tangada i mua ne hai ange, ‘Au gu hagao dahi alahenua, gai au e hano naa donu e tilo. Aude haihaia, au gu dee maua i de hanadu.’
19Dahi dangada ange ne hai ange, ‘Au gu hagao e madaangahulu kaau daane gu noonoa dagilua i de laagau hagahai hegau, gai au e hano e tilo be aahee olaadeu dagodo. Aude haihaia, au gu dee maua i de hanadu.’
20Gai dahi ne hai ange hogi, ‘Au se goodo hai bodu donu huu, deelaa ai, au e dee maua i de hanadu.’
21Tangada hai hegau laa ne ahe mai ga tala ange mee laa gi dono dangada aamua. Aagai taane niiana taonga gu bole mmao, gai ia ga hai ange gi dono dangada hai hegau, ‘Hagamoolau hannoo gi honga denga haiava nnui ma haiava vaaligiligi gaamai ai de gau hagaau aloha, ma de gau baagia, ma de gau dee kide, aama de gau balagelage.’
22Tangada hai hegau laa ne ahe mai ange ga hai ange, ‘Tangada aamua, au gu hai mee alodahi aau ne hai mai au gi haia, aagai tigi honu de mommee o taonga.’
23Gai dono dangada aamua ga hai ange hogi gi de ia, ‘Hannoo gi honga haiava ma dao haiava i tua de aduhale, usuusuhia ange ai dangada gi loomai, gi haoa gi honu dogu hale. 24Au e hai adu gi de goe, e deai se dangada i magavaa o dangada ne saalaa ange laa e mamia ange dahi mee i dagu daonga!’ ”
De hagaoanga o de daudali ange i Iesu
(Mat 10.37-38)
25Dangada soa mmao ne daudali ange i Iesu, gai ia ga huli mai ga hai ange gi gilaadeu, 26“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu. 27Be goai e dee hagauda ina dono laagau lui e daudali mai ai i de au, gai ia e dee maua donu i de hai gi se dangada agoago niiagu.#Mat 16.24; Mark 8.34; Luke 9.23
28Gai goai de goodou e lodo e hagaduu dahi hale dagitilo, gai ia e dee nnoho naa e kumi ange de hagaoanga, gi iloo ai be ia e maua i de hagalava de hale laa be deai? 29Ia kana daamada de hagaduu tagelo, gai muli mai gu dee maua i de hagalava de hale alodahi. Gai dangada alodahi e gidee mee laa ga doo mee i de ia, 30ga hagataba, ‘Taane nei ne daamada de hagaduu dahi hale gai tee maua e ia i de hagalava!’
31Gai goai de hodooligi e lodo e hano e hebagi ange gi dahi hodooligi gee, gai ia e dee noho i mua e maanadu be tahisemada daane hebagi madali ia e maua i de hebagi ange gi de luasemada dangada? 32Noo ia e maanadu bolo ia e dee maua, gai ia ga hai gi hulo hanu dangada gi dangidangi i de hagaheloongoi i de masavaa o dono hagadaumee tigi dae mai ai. 33Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.
Soolo gu dee mami soolo
(Mat 5.13; Mark 9.50)
34“Soolo ni mee danuaa, gai noo gu deai se mami soolo iai, gai dee hee ai de hai e hagaahe ange ai e hai gi mami soolo? 35Gu dee haigamaiana ange gi de gelegele be go de boli ange ai denga manu ssomo, gai go de tili donu huu e doe.
Be goai e hanu ono dalinga e hagallongo ai, gai ia gi hagalaangona!”
اکنون انتخاب شده:
Luke 14: DBD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.
Luke 14
14
De hagaieiangi a Iesu dahi daane i Sabbath
1Dahi Sabbath gai Iesu ne hano e gaimee i de hale o dahi dagi o denga Pharisee, gai dangada ne dagitilo ana mee e hai. 2Gai e dahi hogi dangada magi e noho i ono mada i mua e hhua luoono vae ma luoono lima. 3Gai Iesu ga ssili ange gi de gau agoago o de hainga ma denga Pharisee, “E heohi de hagaieiangi magi i de laangi o Sabbath be deai?” 4Gai gilaadeu e dee pasa ange gi de ia. Gai Iesu ga kave taane laa ga hagaieiangi ia ga hai ia gi hano.
5Aagai ia ga ssili ange gi gilaadeu, “Goai i oodou magavaa e dahi ana dama aabe se kaau gu doo ange gi lo te vai geli i de laangi o Sabbath, gai e aha, ia e dee dada age naa ia i de masavaa laa donu huu?” #Mat 12.11 6Gai gilaadeu gu dee maua i de pasa ange gi ana muna.
De lodo maolalo ma de abodonu ange gi dangada
7Iesu ne tala ange dahi mee hagasengasenga gi dangada ne saalaa ange laa gi taonga madali ia, i de masavaa aana ne gidee ai bolo gilaadeu ne hilihili denga duulanga hagadubu, ga hai ange, 8“Noo gu saalaa goe i taonga hagahai bodu, gai koe aude hano gi hakaogao i de mommee maolunga, kana humai ange dahi dangada ne saalaa i taonga e maolunga ange laa i de goe,#Pro 25.6-7 9gai tangada ne saalaa adu laa gooluu ngaadahi ga hai adu gi de goe, ‘Dugu ange doo duulanga e noho ai tangada nei,’ gai koe gu dogaa i dau kave tuulanga maolalo. 10Aagai noo koe gu saalaa i taonga, gai koe hannoo noho i de mommee maolalo, gai tangada niiana taonga e hai adu naa i dono dae mai, ‘Dogu soa, humai noho i de mommee maolunga.’ Aagai dangada alodahi ne saalaa i taonga ga hagadubu ai naa goe. 11Be goai e hagamaolunga e hai naa ga maolalo, gai be goai e hagamaolalo e hai naa ga maolunga.” #Mat 23.12; Luke 18.14
12Gai Iesu ne hai ange gi taane ne saalaa ange laa ia, “De masavaa naa huu aau e hai ai dahi gaimee i de ahiahi aabe se daonga, gai koe aude saalaa ange oo soa be go oo daina daane ma oo dangada, aabe go de gau lava e paa adu gi de goe; gilaadeu kana ssala adu hogi goe, e hagao adu ai goe. 13Aagai noo koe e hai dahi daonga, gai koe saalaa ange de gau hagaau aloha, ma de gau baagia, ma de gau balagelage, aama gilaadeu e dee kide, 14gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”
De mee hagasengasenga o taonga hagahai bodu
(Mat 22.1-10)
15De masavaa a dahi i magavaa o dangada ne langona laa mee nei, gai ia ga hai ange gi Iesu, “E manuuia tangada e gaimee i taonga i de nohoanga hodooligi o de Maadua!”
16Iesu ne hai ange gi de ia, “Dahi dangada ne hai dahi daonga laumalie, gai ia ga ssala ange dangada soa gi dana daonga. 17Gai de masavaa huu o taonga, gai ia ga hai dono dangada hai hegau gi hano gi hai ange gilaadeu gu saalaa ange laa, ‘Goodou loomai, gu paba mee alodahi iainei!’
18Aagai gilaadeu alodahi ne daamada de hai hanu hagaheohi moolaadeu. Tangada i mua ne hai ange, ‘Au gu hagao dahi alahenua, gai au e hano naa donu e tilo. Aude haihaia, au gu dee maua i de hanadu.’
19Dahi dangada ange ne hai ange, ‘Au gu hagao e madaangahulu kaau daane gu noonoa dagilua i de laagau hagahai hegau, gai au e hano e tilo be aahee olaadeu dagodo. Aude haihaia, au gu dee maua i de hanadu.’
20Gai dahi ne hai ange hogi, ‘Au se goodo hai bodu donu huu, deelaa ai, au e dee maua i de hanadu.’
21Tangada hai hegau laa ne ahe mai ga tala ange mee laa gi dono dangada aamua. Aagai taane niiana taonga gu bole mmao, gai ia ga hai ange gi dono dangada hai hegau, ‘Hagamoolau hannoo gi honga denga haiava nnui ma haiava vaaligiligi gaamai ai de gau hagaau aloha, ma de gau baagia, ma de gau dee kide, aama de gau balagelage.’
22Tangada hai hegau laa ne ahe mai ange ga hai ange, ‘Tangada aamua, au gu hai mee alodahi aau ne hai mai au gi haia, aagai tigi honu de mommee o taonga.’
23Gai dono dangada aamua ga hai ange hogi gi de ia, ‘Hannoo gi honga haiava ma dao haiava i tua de aduhale, usuusuhia ange ai dangada gi loomai, gi haoa gi honu dogu hale. 24Au e hai adu gi de goe, e deai se dangada i magavaa o dangada ne saalaa ange laa e mamia ange dahi mee i dagu daonga!’ ”
De hagaoanga o de daudali ange i Iesu
(Mat 10.37-38)
25Dangada soa mmao ne daudali ange i Iesu, gai ia ga huli mai ga hai ange gi gilaadeu, 26“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu. 27Be goai e dee hagauda ina dono laagau lui e daudali mai ai i de au, gai ia e dee maua donu i de hai gi se dangada agoago niiagu.#Mat 16.24; Mark 8.34; Luke 9.23
28Gai goai de goodou e lodo e hagaduu dahi hale dagitilo, gai ia e dee nnoho naa e kumi ange de hagaoanga, gi iloo ai be ia e maua i de hagalava de hale laa be deai? 29Ia kana daamada de hagaduu tagelo, gai muli mai gu dee maua i de hagalava de hale alodahi. Gai dangada alodahi e gidee mee laa ga doo mee i de ia, 30ga hagataba, ‘Taane nei ne daamada de hagaduu dahi hale gai tee maua e ia i de hagalava!’
31Gai goai de hodooligi e lodo e hano e hebagi ange gi dahi hodooligi gee, gai ia e dee noho i mua e maanadu be tahisemada daane hebagi madali ia e maua i de hebagi ange gi de luasemada dangada? 32Noo ia e maanadu bolo ia e dee maua, gai ia ga hai gi hulo hanu dangada gi dangidangi i de hagaheloongoi i de masavaa o dono hagadaumee tigi dae mai ai. 33Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.
Soolo gu dee mami soolo
(Mat 5.13; Mark 9.50)
34“Soolo ni mee danuaa, gai noo gu deai se mami soolo iai, gai dee hee ai de hai e hagaahe ange ai e hai gi mami soolo? 35Gu dee haigamaiana ange gi de gelegele be go de boli ange ai denga manu ssomo, gai go de tili donu huu e doe.
Be goai e hanu ono dalinga e hagallongo ai, gai ia gi hagalaangona!”
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.