ᤗᤠᤶᤍᤡᤰ 11
11
ᤔᤡᤛᤪᤒᤠ ᤋᤢᤶᤒᤠ ᤛᤠᤜᤠ᤹ ᤔᤧᤛᤩᤧ
1ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤀᤠᤸᤗ ᤀᤠᤱᤃᤠ᤹ ᤔᤡᤛᤪᤒᤠ ᤜᤠᤱᤅᤡᤴ ᤏᤢ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤛᤶᤎᤠᤱ ᤀᤠᤸᤗᤛᤠᤱ ᤗᤳᤇᤠ ᤕᤶᤒᤠ ᤕᤧᤳᤋᤢᤰᤂᤣ ᤐᤠᤱᤄᤢᤱ ᤋᤠᤛᤢᤱ᤹॥ ᤂᤧᤴ ᤀᤣᤃᤠᤱ ᤂᤧᤸᤗᤧ ᤂᤡᤏᤡ᤹ ᤐᤣ᤺ᤰᤔᤠ ᤁᤧᤓᤠ᤺ᤰᤋᤡ᤹॥ ᤛᤧᤰᤂᤠ᤺ᤸᤗᤧ ᤂᤢᤏᤧ᤹ᤀᤣ ᤂᤡᤏᤡ᤹ ᤁᤧᤖᤧᤰ ᤁ᤹ᤕᤥᤗᤠᤶᤒᤠ ᤁᤧᤏᤠ᤺ᤳᤋᤡ ᤁᤧᤍᤣᤛᤡ᤹॥ 2ᤀᤠᤸᤗ ᤀᤡᤛᤪᤠᤀᤡᤗᤡ ᤔᤧᤴᤇᤢᤔᤠ ᤕᤧᤶᤒᤡᤳᤇᤠ ᤁᤧᤖᤧᤰᤗᤧ ᤂᤢᤴᤇᤡ᤹ ᤜᤡᤶᤒᤣᤛᤠᤱᤒᤠᤜᤠ᤹ ᤛᤠᤶᤔᤩᤠᤱ ᤏᤢ ᤕᤢᤵᤐᤠ ᤘᤠ᤺ᤳᤋᤡ ᤛᤠᤔᤠᤜᤠ᤹ ᤔᤧᤏᤠ᤺ᤰᤋᤢᤛᤡᤖ ᤕᤠ᤺ᤴᤍᤧᤛᤧ᤹॥” 3ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ ᤔᤡᤱᤛᤥ ᤀᤡᤱᤎᤠᤱ ᤐᤡᤔᤠᤛᤡ ᤏᤡᤱᤘᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤔᤡᤛᤪᤡᤜᤠ᤹ ᤐᤡᤖᤢᤛᤡ॥ ᤛᤧᤰᤂᤠ᤺ᤸᤗᤧ ᤁᤧᤖᤧᤰ ᤛᤢᤜᤠᤱᤃᤧᤶᤒᤠ ᤏᤢ ᤔᤏᤠᤜᤠ᤹ᤖᤧ ᤔᤥᤛᤠᤴ ᤗᤳᤇᤠ ᤛᤠ᤹ᤖᤡᤰ ᤕᤶᤒᤠ ᤔᤏᤠ ᤔᤧᤗᤣ᤺ᤳᤋᤢ᤹॥
4ᤂᤧᤒᤩᤠᤱ ᤔᤥᤛᤠ᤺ᤸᤗᤧ ᤜᤠᤱᤅᤡᤴ ᤔᤧᤳᤋᤢ. “ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. ‘ᤀᤠᤱᤃᤠ᤹ ᤛᤧᤴᤍᤡᤰ ᤛᤧᤳᤗᤢᤶᤓᤰᤁᤡᤸᤗᤧ ᤔᤡᤛᤪ ᤗᤠᤈᤣ᤹ᤗᤠᤶᤒᤠ ᤐᤥᤱᤅᤠᤀᤠᤱ ᤐᤣ᤺ᤰᤁᤠ॥ 5ᤜᤧᤰᤁᤩᤠᤱ ᤔᤡᤛᤪᤀᤥ ᤁᤧᤘᤠ᤹ᤒᤠ ᤁᤧᤖᤧᤰ ᤋᤢᤶᤒᤠ ᤛᤠᤜᤠ᤹ ᤔᤧᤛᤡ᤹᤺. ᤗᤢᤱᤛᤢᤶᤔᤥ ᤕᤠ᤹ᤁᤧᤕᤢ᤺ᤵᤔᤠ ᤕᤥ᤺ᤃ᤻ᤔᤧᤸᤗᤧ ᤁᤢᤛ᤻ᤛᤠ ᤋᤢᤶᤒᤠᤀᤠᤱᤎᤥ ᤜᤠᤱᤕᤢᤰᤏᤠᤀᤥ ᤕᤢᤰᤛᤠᤒᤠ ᤁᤧᤒᤥᤱᤒᤠ ᤑᤠᤖᤥᤸᤗᤧ ᤁᤢᤛ᤻ᤛᤠ ᤋᤢᤶᤒᤧᤴᤏᤠᤱ ᤛᤡ᤹᤺॥ ᤐᤡᤳ ᤌᤰᤛᤠᤜᤠ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤎᤠᤵᤐᤠ ᤐᤡᤳᤛᤠᤳᤜᤠ᤹ᤀᤠᤱ ᤔᤧᤛᤡ᤹᤺॥ 6ᤔᤡᤛᤪ ᤗᤠᤈᤣ᤹ ᤂᤠᤖᤠᤰ ᤋᤃᤡ ᤀᤠᤓᤧᤸᤗᤧᤀᤠᤱ ᤔᤧᤱᤄᤧᤶᤔᤣ ᤁᤧᤘᤠ᤹ᤒᤠ ᤏᤢ ᤋᤠ᤺ᤴᤍᤡ ᤕᤠᤶᤔᤥ ᤀᤠᤓᤧᤸᤗᤧᤀᤠᤱ ᤂᤧᤶᤔᤧᤴᤍᤧᤵᤔᤏᤠᤒᤠ ᤜᤠ᤺ᤵᤔᤠ ᤆᤡ᤺ᤱᤔᤠ ᤐᤥᤱ᤹॥ 7ᤁᤖ ᤀᤡᤛᤪᤠᤀᤡᤗᤡᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤡᤳ ᤌᤰᤛᤠᤜᤠ᤹ᤃ ᤁᤥ᤺ᤳᤆᤥ ᤌᤡᤰᤗᤧᤀᤠᤱ ᤔᤧᤜ᤹ᤖᤢᤛᤡᤴ᤹॥’ ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤏᤢ ᤔᤡᤛᤪᤡᤜᤠ᤹ᤖᤧ ᤀᤣ᤹ᤀᤣ ᤛᤧᤴᤍᤢᤛᤡ᤹ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤁᤧᤄᤥᤛᤢᤶ᤹॥ 8ᤜᤧᤰᤁᤩᤠᤱ ᤂᤧᤏᤧ᤹ ᤁᤴ ᤁᤧᤖᤧᤰ ᤁᤧᤛᤢᤜᤠᤱᤕᤢᤰᤐᤠᤜᤠ᤹ ᤀᤠᤱᤃᤠ᤹ᤀᤥ ᤔᤧᤍᤠᤀᤠᤱ ᤀᤠᤱᤃᤠ᤹ ᤛᤧᤘᤠ ᤔᤧᤔᤧᤳᤋᤠᤖ ᤔᤧᤒᤠ᤺ᤳᤋᤢ᤹. ‘ᤀᤠᤍᤠᤱᤒᤠᤖᤧ ᤁᤧᤀᤣᤃᤠᤱ ᤁᤧᤒᤵᤐᤠ ᤁᤧᤖᤧᤰ ᤔᤏᤠᤜᤠ᤹ᤏᤢ ᤛᤥᤖᤡᤰ ᤗ᤺ᤴᤍᤧᤀᤠᤱ ᤐᤣᤃᤧ᤹॥’ ᤂᤧᤴ ᤀᤣᤃᤠᤱ ᤀᤠᤱᤃᤠ᤹ ᤗ᤺ᤴᤏᤠ ᤐᤣ᤺ᤰᤁᤠ॥” ᤂᤧᤒᤩᤠᤱ ᤔᤥᤛᤠᤴ ᤁᤢᤛᤠᤰᤁᤧᤴᤏᤡᤸᤗᤧ ᤁᤢᤔᤡᤰᤁᤡᤴ ᤂᤠᤎᤠᤵᤋᤢᤀᤠᤱ ᤌᤠᤛᤡᤱ॥
9ᤕᤜᤘᤣ ᤍᤠᤱᤒᤠᤸᤗᤧ ᤔᤥᤛᤠᤴ ᤀᤰᤂᤣ ᤔᤧᤳᤋᤢᤀᤠᤱ ᤘᤕᤧ. “ᤑᤠᤖᤥᤸᤗᤧ ᤂᤧᤏᤧ᤹ ᤁᤧᤒᤠ᤺ᤴᤏᤡᤴ ᤂᤧᤶᤔᤠ ᤏᤠ᤹ᤖᤢᤖ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤀᤠᤵᤑᤣᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤡᤛᤪ ᤗᤠᤈᤣ᤹ᤀᤥ ᤆᤥᤃᤢᤱᤗ ᤘᤠ᤹ᤀᤠ॥” 10ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤁᤴ ᤁᤧᤖᤧᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤑᤠᤖᤥᤸᤗᤧ ᤁᤢᤍᤃᤡ ᤆᤥᤃᤧᤳᤇᤢ॥ ᤁᤖ ᤕᤜᤘᤣ ᤍᤠᤱᤒᤧᤸᤗᤧ ᤑᤠᤖᤥᤸᤗᤧ ᤁᤢᤏᤡᤱᤘᤠᤴ ᤜᤠᤍᤡᤱ ᤁᤧᤎᤰᤐᤠ ᤆᤥᤃᤢ ᤐᤡᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤛᤪᤠᤀᤡᤗᤡᤜᤠ᤹ ᤁᤢᤗᤠᤈᤣ᤹ᤀᤥᤗᤠᤶ ᤐᤣ᤺ᤰᤔᤠ ᤔᤧᤓᤠ᤺ᤰᤋᤢᤛᤡᤴᤗᤥ॥
اکنون انتخاب شده:
ᤗᤠᤶᤍᤡᤰ 11: LIFOTNT
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2009, 2023, Wycliffe Bible Translators, Inc. All rights reserved.