Luke 10
10
Into-non Jesus I Pithon Polo Tan Chegwen Toon Mankasaba Na Mapteng A Chamag
1Idi iyakcheng ma, pinispis Jesus i pithon polo tan chegwen too, et indagwas to iren sanchegwed emiin a siyodad tan dogad a niyemnem ton konan. 2Et engiarig a kigwan to i “Chakel i toon piyan a memati na mapteng a chamag maypangkep na kaysalakanan. Inges toy tanem a esaganen ma-ni, nem kolang iriy man-ani. Isonga, pankararag kayod Afo Chiyos a mahapayow i mengito-no di pay na echom a mekiani. 3Tahejo wa. Nem pantanchaan kayo tep kowan ito-no kayon inges toy ngalobon kalniron onkowan cha kad-an na emanekot iren aso. 4Enog i tahin na pilak, akbot, tan sa-kin paris a sapathos, tan enog i tebal na toon aspolen jod chalan tep ontaktak na biyahi yo. 5No onsekep kayod baliy, kowan jo nin i ‘Sapay koma i-kan Afo Chiyos i talna ired ma naiyan-iyan chiyay.’ 6No gwared ma baliy i toon maykarin may-i-kanan na talna, sema talnen inbaga yo, on-onong cha si-kara, nem no nagwared man i toon maykari, on-oli did si-kayo ma bindisjon. 7Eket kayod sa-kin baliy bengat. Kakan jo tan inom joy i-kan ched si-kayo. Tep sema naiyan-obda, iyaykarin medagboan. Enog i ali-alis cha sa-ki tan sa-kin baliy.
8“No onmothok kayod siyodad et sintilen cha kayo na tood man, kakan joy i-kan ched si-kayo. 9Pemapteng joy mansekit chiwan tan kowan jod si-karen emiin i ‘Chanchani diy pantorayan Afo Chiyos cha si-kayo.’ 10Nem no onkowan kayod siyodad et nat sintilen cha kayo na too, awas kayod kalsara et kowan jo i 11‘Angken depok chiya siyodad jon iyaypeket cha seki wi, ponasan mi say si-kathoy bancha i si-kayo ngoy menongbat Afo Chiyos kagol na imag jo. Nem awati yo jay. Chanchani diy pantorayan Afo Chiyos.’ 12Konen kod si-kayo i no onmothok aliy akow na pengowis Afo Chiyos na too, sema chosa iren ma i-Sodom, enka-jas iy say chosa iren ma naiyan-iyan chiwa siyodad.” #10:12 Sema epasamak cha i-Sodom, naebased Genesis 19:1-29.
Sema Iren Eg Cha Piyan A Manbabawi
(Matthew 11:20-24)
13Intoloy men Jesus a engowan i “Kakaasi kayon i-Chorazin tan si-kayon i-Bethsaida! Tep chakel i milagron imag kod siyo-siyodad jo, nem eg kayo iyanbabawi na basol jo. Nem no cha Tyre tan Sidon i engamagan ko koma iren ta milagro, sema iren tood man nonta bayag da, timokkong koma iren iyanbaro ira na saho, tan miyegsian chiy toktok cha na chep-ol a kasi-nengan to i iyanbabawi ira. 14Isonga, sema chosa iren ma i-Tyre tan sema iren i-Sidon, enka-jas iy say chosa yo no akow ali na pengowis Afo Chiyos na tothoo. 15Et si-kayo ngo pay a i-Capernaum, kin jo emo i ikayang to kayon Afo Chiyos cha dangit a mechejaw? Sigoradon ito-no tho kayod inpiyirno.”
16Et kigwan Jesus ired ma disipolos to i “Sema toon naengi-ngel na konen jo, si-kak ngoy nainki-ngelan to. Et sema naiyamneg cha si-kayo, si-kak ngoy nabinekan to. Et sema naiyamneg cha si-kak, nabinekan to ngo ma engito-noak.”
Sema Iren Pithon Polo Tan Chegwen Toon Into-non Jesus, Imoli Di Ira
17Idi epalabas i piyen akow, imoli di ira ma pithon polo tan chegwen toon into-non Jesus. Imimdeng iren chilin kigwan cha i “Afo, angken sema iren dimonyos, piyati ra kawi nonta chiyagchag mi iren iyosal miy panakabalin na ngaran mo.” 18Insongbat Jesus i “Ahow, sini-neng kos Satanas a iya-kas alid dangit a singen bakilat tep aagwak ma. 19In-i-kanan tahejo na panakabalin a mengikathin iren ma oleg tan kamajan tan a-gwahen jos Satanas tan sema iren nainbalnay to say nagwariy menokat cha si-kayo. 20Nem enog i chadsak chafot napiyati ra kayo na dimonyos, no diket sema panchadsahan jo koma, sema iyaydistay ngaran jod dangit.”
Magesat Ira Ma Toon Mahaamted Jesus
(Matthew 11:25-27; 13:16-17)
21Nontan a oras, inpachadsak na Ispirito Santos Jesus, et iyankararag si Jesus i “Awa, si-kam a Afod dangit tan cha dobong, mansalamathak cha si-kam tep sema toon engipaamtaan mo na podno, nat sema iren iyangkedaing tan iyanpan-achal, no diket sema iyangkekombaben singen nga-nga. Ahow, Awa, imag mo man tep seman i piyan mon ma-mag.”
22Et kigwan Jesus ired tothoo i “Si Awak, inpiyal ton emiin cha si-kak. Nagwariy mahaamtaak, malaksid si Awak, tan nagwara ngoy mahaamten Awak, malaksid si-kak a Anak to tan sema iren tothoon piyan kon ipaamtaan.”
23Et singon Jesus ira ma disipolos to et kigwan tod si-kara bengat i “Magesat kayo tep jowan si-nengen emiin ira ja emangkepasamak! 24Tep konen kod si-kayo i chakel i profita tan ari nonta bayag den piyan chen meni-neng na jowan si-nenga, nem eg cha sini-neng, tan piyan cha ngon mengi-ngel na jowan iki-ngeli, nem eg cha inki-ngelan.”
Sema Arig Maypangkep Na Dahin I-Samaria A Maronong
25Idi sa-kin akow a mantotoros Jesus, gwariy sa-kin maistoro na dinteg a imakgwat a memaras Jesus. Kigwan to i “Maistoro, ngoy pesing ko say may-i-kananak na biyag a nagwariy pengingkaan to?” 26Insongbat Jesus i “Ngoy iyaysolat chiwa dinteg Afo Chiyos? Ngoy pengegwat mo niwan?” 27Insongbat na maistoro na dinteg i “Mesepol a sesmeken mon pasiyes Afo Chiyos a Afom cha posom, cha ispiritom, cha kedsang mo, tan cha nemnem mo. Kigwan to ngod man i ‘Mesepol a sesmeken moy echom mon inges toy penmek mo na angel mo.’ ” 28Et kigwan Jesus i “Kostoy songbat mo. Amag mo ira tan et may-i-kanan ka na biyag a nagwariy pengingkaan to.”
29Nem sema maistoro na dinteg, nat piyan ton mebaingan, isonga kigwan to mowan i “Ahow, nem siyay echom ko?”
30Et insongbat Jesus i “Gwariy sa-kin Hodjon edafod Jerusalem a manchachalong cha Jericho. Idi maramiy biyahi tho, tiyolisan na tolisan. Ida ren emiin i baro tho, bicha-bichas cha ingkathod chanchanin metiy, et inpayas cha. 31Idi eng-engkay, gwara diy Hodjon parin dima-bas. Et idi mita tho ma too, chidan toy piig na kalsara say nat on-esop cha si-katho. 32Inges to ngo ma sa-kin toon dima-bas. Sema too, Hodjo ngon polin Levi, tan sema obda tho, natiyolongan to iriy parid ma timplo. Idi mita tho ma toon man-oolig chiwan, chidan to ngoy piig na kalsara say nat on-esop cha si-katho. 33Idi eng-engkay mowan, gwariy i-Samaria a manbibiyahin dima-bas chiwa kad-an niwa too. #10:33 Sema i-Samaria tan Hodjos, iyan-inowes ira. Idi mita tho, kiyaasian to. 34Et kimowan cha kad-an to, et ikasan toy sogat to na dana tan adak, et biyedberan to. Idi iyakcheng iwan, inpasahiy tod ma donkey tho, et intolod tod ma baliy a najimo-kowan na bisita say kajoan to. 35Idi gwa-gwa tho, engi-kan na pilak chiwa mahabaliy a kigwan to i ‘Pangaasim kajoim iya too. No onsolok i kastos mo, a-choman ko no on-oliak ali.’ ”
36Et kigwan Jesus chiwa maistoro na dinteg i “Cha nemnem mo, siya iren ma tedon tooy podnon echom niwa toon tiyolisan iren ma tolisan?” 37Kigwan na maistoro na dinteg i “Sema engaasid si-katho.” Et kigwan Jesus i “Taha wa et onorim i imag to.”
Binisiten Jesus I San-ahin Si Martha Tan Si Mary
38Si Jesus tan sema iren disipolos to, timoloy iren iyan-ahad, et mimothok ired sa-kin siyodad. Gwared man i sa-kin biin iyanngaran na Martha et tiya-gway to ired ma baliy cha. 39Gwariy ahin Martha a iyanngaran na Mary. Si Mary, timokkong cha sekian Jesus a manki-ki-ngel na towan kona. 40Nem chimanag si Martha tep chakel i towan obdaen mengisagana na kakanen cha. Et kimowan cha kad-an Jesus a kigwan to i “Afo, nat naengisahit ka aya i in-olay toak ahik, et si-kak bengat i man-ob-obda? Kowan mo pango i tolongan toak.” 41Nem insongbat Jesus i “Martha, Martha, chakel i nachimanagan mo, 42nem sa-ki bengat i mesepol. Pinispis Mary iwa mapteng et nat ma-kal cha si-katho.”
انتخاب شده:
Luke 10: KAR
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.
Luke 10
10
Into-non Jesus I Pithon Polo Tan Chegwen Toon Mankasaba Na Mapteng A Chamag
1Idi iyakcheng ma, pinispis Jesus i pithon polo tan chegwen too, et indagwas to iren sanchegwed emiin a siyodad tan dogad a niyemnem ton konan. 2Et engiarig a kigwan to i “Chakel i toon piyan a memati na mapteng a chamag maypangkep na kaysalakanan. Inges toy tanem a esaganen ma-ni, nem kolang iriy man-ani. Isonga, pankararag kayod Afo Chiyos a mahapayow i mengito-no di pay na echom a mekiani. 3Tahejo wa. Nem pantanchaan kayo tep kowan ito-no kayon inges toy ngalobon kalniron onkowan cha kad-an na emanekot iren aso. 4Enog i tahin na pilak, akbot, tan sa-kin paris a sapathos, tan enog i tebal na toon aspolen jod chalan tep ontaktak na biyahi yo. 5No onsekep kayod baliy, kowan jo nin i ‘Sapay koma i-kan Afo Chiyos i talna ired ma naiyan-iyan chiyay.’ 6No gwared ma baliy i toon maykarin may-i-kanan na talna, sema talnen inbaga yo, on-onong cha si-kara, nem no nagwared man i toon maykari, on-oli did si-kayo ma bindisjon. 7Eket kayod sa-kin baliy bengat. Kakan jo tan inom joy i-kan ched si-kayo. Tep sema naiyan-obda, iyaykarin medagboan. Enog i ali-alis cha sa-ki tan sa-kin baliy.
8“No onmothok kayod siyodad et sintilen cha kayo na tood man, kakan joy i-kan ched si-kayo. 9Pemapteng joy mansekit chiwan tan kowan jod si-karen emiin i ‘Chanchani diy pantorayan Afo Chiyos cha si-kayo.’ 10Nem no onkowan kayod siyodad et nat sintilen cha kayo na too, awas kayod kalsara et kowan jo i 11‘Angken depok chiya siyodad jon iyaypeket cha seki wi, ponasan mi say si-kathoy bancha i si-kayo ngoy menongbat Afo Chiyos kagol na imag jo. Nem awati yo jay. Chanchani diy pantorayan Afo Chiyos.’ 12Konen kod si-kayo i no onmothok aliy akow na pengowis Afo Chiyos na too, sema chosa iren ma i-Sodom, enka-jas iy say chosa iren ma naiyan-iyan chiwa siyodad.” #10:12 Sema epasamak cha i-Sodom, naebased Genesis 19:1-29.
Sema Iren Eg Cha Piyan A Manbabawi
(Matthew 11:20-24)
13Intoloy men Jesus a engowan i “Kakaasi kayon i-Chorazin tan si-kayon i-Bethsaida! Tep chakel i milagron imag kod siyo-siyodad jo, nem eg kayo iyanbabawi na basol jo. Nem no cha Tyre tan Sidon i engamagan ko koma iren ta milagro, sema iren tood man nonta bayag da, timokkong koma iren iyanbaro ira na saho, tan miyegsian chiy toktok cha na chep-ol a kasi-nengan to i iyanbabawi ira. 14Isonga, sema chosa iren ma i-Tyre tan sema iren i-Sidon, enka-jas iy say chosa yo no akow ali na pengowis Afo Chiyos na tothoo. 15Et si-kayo ngo pay a i-Capernaum, kin jo emo i ikayang to kayon Afo Chiyos cha dangit a mechejaw? Sigoradon ito-no tho kayod inpiyirno.”
16Et kigwan Jesus ired ma disipolos to i “Sema toon naengi-ngel na konen jo, si-kak ngoy nainki-ngelan to. Et sema naiyamneg cha si-kayo, si-kak ngoy nabinekan to. Et sema naiyamneg cha si-kak, nabinekan to ngo ma engito-noak.”
Sema Iren Pithon Polo Tan Chegwen Toon Into-non Jesus, Imoli Di Ira
17Idi epalabas i piyen akow, imoli di ira ma pithon polo tan chegwen toon into-non Jesus. Imimdeng iren chilin kigwan cha i “Afo, angken sema iren dimonyos, piyati ra kawi nonta chiyagchag mi iren iyosal miy panakabalin na ngaran mo.” 18Insongbat Jesus i “Ahow, sini-neng kos Satanas a iya-kas alid dangit a singen bakilat tep aagwak ma. 19In-i-kanan tahejo na panakabalin a mengikathin iren ma oleg tan kamajan tan a-gwahen jos Satanas tan sema iren nainbalnay to say nagwariy menokat cha si-kayo. 20Nem enog i chadsak chafot napiyati ra kayo na dimonyos, no diket sema panchadsahan jo koma, sema iyaydistay ngaran jod dangit.”
Magesat Ira Ma Toon Mahaamted Jesus
(Matthew 11:25-27; 13:16-17)
21Nontan a oras, inpachadsak na Ispirito Santos Jesus, et iyankararag si Jesus i “Awa, si-kam a Afod dangit tan cha dobong, mansalamathak cha si-kam tep sema toon engipaamtaan mo na podno, nat sema iren iyangkedaing tan iyanpan-achal, no diket sema iyangkekombaben singen nga-nga. Ahow, Awa, imag mo man tep seman i piyan mon ma-mag.”
22Et kigwan Jesus ired tothoo i “Si Awak, inpiyal ton emiin cha si-kak. Nagwariy mahaamtaak, malaksid si Awak, tan nagwara ngoy mahaamten Awak, malaksid si-kak a Anak to tan sema iren tothoon piyan kon ipaamtaan.”
23Et singon Jesus ira ma disipolos to et kigwan tod si-kara bengat i “Magesat kayo tep jowan si-nengen emiin ira ja emangkepasamak! 24Tep konen kod si-kayo i chakel i profita tan ari nonta bayag den piyan chen meni-neng na jowan si-nenga, nem eg cha sini-neng, tan piyan cha ngon mengi-ngel na jowan iki-ngeli, nem eg cha inki-ngelan.”
Sema Arig Maypangkep Na Dahin I-Samaria A Maronong
25Idi sa-kin akow a mantotoros Jesus, gwariy sa-kin maistoro na dinteg a imakgwat a memaras Jesus. Kigwan to i “Maistoro, ngoy pesing ko say may-i-kananak na biyag a nagwariy pengingkaan to?” 26Insongbat Jesus i “Ngoy iyaysolat chiwa dinteg Afo Chiyos? Ngoy pengegwat mo niwan?” 27Insongbat na maistoro na dinteg i “Mesepol a sesmeken mon pasiyes Afo Chiyos a Afom cha posom, cha ispiritom, cha kedsang mo, tan cha nemnem mo. Kigwan to ngod man i ‘Mesepol a sesmeken moy echom mon inges toy penmek mo na angel mo.’ ” 28Et kigwan Jesus i “Kostoy songbat mo. Amag mo ira tan et may-i-kanan ka na biyag a nagwariy pengingkaan to.”
29Nem sema maistoro na dinteg, nat piyan ton mebaingan, isonga kigwan to mowan i “Ahow, nem siyay echom ko?”
30Et insongbat Jesus i “Gwariy sa-kin Hodjon edafod Jerusalem a manchachalong cha Jericho. Idi maramiy biyahi tho, tiyolisan na tolisan. Ida ren emiin i baro tho, bicha-bichas cha ingkathod chanchanin metiy, et inpayas cha. 31Idi eng-engkay, gwara diy Hodjon parin dima-bas. Et idi mita tho ma too, chidan toy piig na kalsara say nat on-esop cha si-katho. 32Inges to ngo ma sa-kin toon dima-bas. Sema too, Hodjo ngon polin Levi, tan sema obda tho, natiyolongan to iriy parid ma timplo. Idi mita tho ma toon man-oolig chiwan, chidan to ngoy piig na kalsara say nat on-esop cha si-katho. 33Idi eng-engkay mowan, gwariy i-Samaria a manbibiyahin dima-bas chiwa kad-an niwa too. #10:33 Sema i-Samaria tan Hodjos, iyan-inowes ira. Idi mita tho, kiyaasian to. 34Et kimowan cha kad-an to, et ikasan toy sogat to na dana tan adak, et biyedberan to. Idi iyakcheng iwan, inpasahiy tod ma donkey tho, et intolod tod ma baliy a najimo-kowan na bisita say kajoan to. 35Idi gwa-gwa tho, engi-kan na pilak chiwa mahabaliy a kigwan to i ‘Pangaasim kajoim iya too. No onsolok i kastos mo, a-choman ko no on-oliak ali.’ ”
36Et kigwan Jesus chiwa maistoro na dinteg i “Cha nemnem mo, siya iren ma tedon tooy podnon echom niwa toon tiyolisan iren ma tolisan?” 37Kigwan na maistoro na dinteg i “Sema engaasid si-katho.” Et kigwan Jesus i “Taha wa et onorim i imag to.”
Binisiten Jesus I San-ahin Si Martha Tan Si Mary
38Si Jesus tan sema iren disipolos to, timoloy iren iyan-ahad, et mimothok ired sa-kin siyodad. Gwared man i sa-kin biin iyanngaran na Martha et tiya-gway to ired ma baliy cha. 39Gwariy ahin Martha a iyanngaran na Mary. Si Mary, timokkong cha sekian Jesus a manki-ki-ngel na towan kona. 40Nem chimanag si Martha tep chakel i towan obdaen mengisagana na kakanen cha. Et kimowan cha kad-an Jesus a kigwan to i “Afo, nat naengisahit ka aya i in-olay toak ahik, et si-kak bengat i man-ob-obda? Kowan mo pango i tolongan toak.” 41Nem insongbat Jesus i “Martha, Martha, chakel i nachimanagan mo, 42nem sa-ki bengat i mesepol. Pinispis Mary iwa mapteng et nat ma-kal cha si-katho.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.