Luke 9
9
Into-non Jesus I Sawal Na Chegwen Disipolos Ton Mankasaba Na Mapteng A Chamag
(Matthew 10:5-15; Mark 6:7-13)
1Tiya-gway Jesus ira ma disipolos ton sawal na chegwen esa-sa-nop. In-i-kan toy panakabalin tan karebengan chen menagchag na emiin a dimonyos tan mengkal na sahi-sahit. 2Et into-no tho iren mankasaba maypangkep na pantorayan Afo Chiyos tan mengipamapteng iren ma mansekit. 3Kigwan tod si-kara i “Enog i tahin na kompormid konan jo. Enog i tahin na kosnod, akbot, mekan, tan pilak. Enog i ala na baron pansa-dathan jo. 4No gwariy sebien jon siyodad iy gwariy mena-gway kayod baliy to, pekiiyan kayod man ingkathod ibetik jo. 5Nem no gwariy siyodad a konan jo et nat sintilen cha kayo na tood man, betihi yo tan pokpohi yoy depok cha seki yo say si-kathoy bancha i si-kara ngoy menongbat Afo Chiyos kagol na imag cha.” 6Et dimayat ira ma disipolos to et iyansa-mad ired chakel a siyodad. Cha emiin a kona-konan cha, nainkasaba riy mapteng a chamag tan nainpamapteng cha ira ma mansekit.
Naedingo-dingos Herod Maypangkep Jesus
(Matthew 14:1-12; Mark 6:14-29)
7Si Herod a naiyantoray na Galilee, inki-ngelan toy maypangkep na emiin a nainpasi-pasing Jesus, et naedingo-dingo maypangkep cha si-katho. Tep gwariy echom a engowan i si Jesus, si-katho emos John a Naemonjag a iyanpawil. 8Nem sema echom ngo, kigwan cha i si-kathos Elijah a iyanparang, et sema echom pay, kigwan cha i si-kathoy sa-kin profita nonta bayag a iyanpawil. 9Nem si Herod, kigwan to i “Inpadengsok ngarod i toktok John a Naemonjag. Siya ngarod iwa toon nakigwan cha?” Et manipod nontan, naniyemnemnem Herod i pesing ton meni-neng Jesus.
Pikan Jesus I Esolok A Dimen Dibon Too
(Matthew 14:13-21; Mark 6:30-44; John 6:1-14)
10Idi imoli diy sawal na chegwen apostolis a into-non Jesus, ingwanggwang ched si-kathoy ima-imag cha. Iyodop iren Jesus a si-kara bengat, et kimowan ired siyodad a engaranan na Bethsaida. 11Idi iyamtaan na chakel a too i imekal si Jesus, tined cha. Idi mimothok ired kad-an Jesus, kigwan tod si-kara i “Salamat kimowan kayo di.” Et intoroan to ira maypangkep na pantorayan alin Afo Chiyos tan inpamapteng to ira ma mansekit.
12Idi emangkesalingawngaw, kimowan ira ma sawal na chegwen disipolos Jesus cha kad-an ton kigwan cha i “Ito-nom ira ja tood iyay-esop a siyo-siyodad tan doga-dogad say mengenap ira na kakanen cha tan kejo-kowan cha. Tep ija kiyed iyaydasin a dogad.” 13Nem kigwan Jesus i “I-kani yo ira na kakanen cha.” Et kigwan cha wa i “Nem ija bengat i dimen tinapay tan chegwen paideng. Ampet siya iy menongkal kawi na kakanen na emiin iren ja tothoo?” 14Tep say kabibidang na dalekid man, chanchanin dimen dibo. Et kigwan Jesus i “Petokkong jo ira ma too na sandidimen polo.” 15Si-kathoy inpasing iren ma disipolos. Inpatokkong chiy emiin a tothoo. 16Et ida wen Jesus iwa dimen tinapay tan chegwen paideng, et tiyangkak toy dangit a iyansalamat cha Afo Chiyos. Idi iyakcheng iwan, piyetpet-ing to ma tinapay, et in-i-kan to ired ma disipolos to say iap-ap ched too. 17Engan iren emiin et iyapsel ira. Et kiyoskos iren ma disipolos iriy ebay-anan a tinapay, et pino thoy sawal na chegwen basket.
Sema Kigwan Peter Maypangkep No Siyes Jesus
(Matthew 16:13-19; Mark 8:27-29)
18Idi sa-kin akow a sa-sa-kin Jesus a mankakararag, kimowan iriy disipolos tod kad-an to. Idi kincheng Jesus a iyankararag, inbagaan to ira i “Nengoy nakigwan na too maypangkep no siyaak?” 19Et insongbat iren ma disipolos to i “Nakigwan na echom i si-kam si John a Naemonjag. Nakigwan ngo na echom i si-kam si Elijah. Nakigwan ngo pay na echom i si-kam i sa-kin profita nonta bayag a iyanpawil.” 20Et kigwan Jesus i “Nem no si-kayo ngo, ngoy nakigwan jo maypangkep no siyaak?” Insongbat Peter i “Si-kam i Criston into-no din Afo Chiyos.” 21Et binidin ma iren Jesus i eg cha polos igwanggwanggwang iwan cha angken siyen too.
Sema Pilmiron Inpangowan Jesus Maypangkep Na Ketiy To
(Matthew 16:20-28; Mark 8:30—9:1)
22Et intoloy Jesus a engowan ired ma disipolos to i “Si-kak a Anak na Too, mesepol a mandigathak a pasiya. Sema iren iyangkaama, aafo na papari, tan mamaistoro na dinteg, nat egwathen chaak et pebono raak, nem no maykatdon akow, manpawilak.”
Sema Pesing Na Panbiyag Na Toon Mekika-chom Cha Jesus
23Et kigwan Jesus cha emiin a too i “No gwariy toon piyan ton mekika-chom cha si-kak, mesepol a ibiyang toy biyag to tan sakbathen toy koros to na gwiya-gwa-gwa say may-odop cha si-kak. 24Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak, may-i-kanan na biyag a nagwariy pengingkaan to. 25Tep nengoy kongkonaen na too no kokowaen ton emiin i kongkoned ja dobong iy ma-tiw i biyag to tan mechosa na ingked ingka? Nagwara! 26Tep sema toon mengibaing cha si-kak a Anak na Too tan toro-torok, ibaing ko ngo no onkowanak alin edikmothan na nihal na karebengan tan panakabalin ko tan nihal Awak tan esantoan a anghilis. 27Nem sejay a konen kod si-kayo, podnon gwariy echom a kainakgwat chiyay a nat metiy nin ira tan metaen cha i onmothok i pantorayan Afo Chiyos.”
Iyanbaliw I Kasi-neng Jesus
(Matthew 17:1-8; Mark 9:2-8)
28Idi epalabas diy chanchanin gwalon akow nonta kigwan Jesus ira man, iyodop tos Peter, si John, tan si James, et eniyed ired chontog a mankararag. 29Idi mankakararag si Jesus, iyanbaliw i kasi-neng na dopa tho, tan sema baro tho, pimolaw a chilin mandingsi. 30Biglen gwariy chegwen dahin mantetebal cha si-kathon si Moses tan si Elijah. 31Iyanparang iren edikmothan na nihal, et timbal ches Jesus maypangkep na ketiy tod Jerusalem a metongpal i planon Afo Chiyos. 32Si Peter tan echom to, iyayjo-kowan ira, nem bimangon ira et sini-neng chiy nihal Jesus tan sema chegwen dahin man-ak-akgwat cha askang to. 33Idi manda-da-jat si Moses tan si Elijah cha kad-an Jesus, kigwan Peter cha Jesus i “Afo, salamat a gwara kiyed jay. Mengemag kawi na tedon sakmao say sema sa-ki para cha si-kam, sema sa-ki para cha Moses, tan sema sa-ki para cha Elijah.” Binngat toy esel tep eg to amtiy towan kona. 34Idi man-eesel pay si Peter, biglen gwara wiy kolpot a enirom ira. Et timahot iriy disipolos nonta simepsep iwa kolpot et dinikmot to ira. 35Et gwara diy esel a edafod ma kolpot a kigwan to i “Sejay i Anak kon pinispis ko. Ki-ngeli yoy nakigwan to!” 36Idi simalcheng iwa esel, sini-neng chen sa-sa-ki mowan si Jesus. Imeket ira ma disipolos, et nontan a timpo, nat ingwanggwang ched angken siyen tooy sini-neng cha.
Chiyagchag Jesus I Dimonyon Iyay-ejan Cha Nga-ngen Dahi
(Matthew 17:14-18; Mark 9:14-27)
37Nonta gwa-gwa tho, enalong ires Jesus chiwa chontog, et iyaspol na chakel a too. 38Et gwariy sa-kin dahid ma tothoon engipekes na esel ton kigwan to i “Maistoro, pangaasim, kowan ka din meni-neng na anak kon dahi tep si-kathoy sa-sa-kin anak ko. 39Tep naiya-janan na olay na dimonyo. Idi naepasamak iwan, biglen nakimeljaw tan nakimayengkeng tan naimosab i temi tho. Nainpadigat niwa dimonyon chili ingkathod iyabdiy et eg to ipaya-payas. 40Ekikaasiak cha disipolos mon chagchagen chiy dimonyo, nem nagwariy kebedinan cha.” 41Et insongbat Jesus i “Si-kayon toon eg naemati tan ngaaw i nemnem jo! Sa-noy kebejag na pekiolo-olop cha si-kayo? Sa-noy kebejag na pan-ano-anos kod si-kayo? Alam ali ta anak mo.” 42Idi man-eesop iwa nga-nged kad-an Jesus, into-kan na dimonyo, et inpagwaleggweg to. Nem inseg-ang Jesus iwa dimonyon chiyagchag to, et mimapteng ma iwa nga-nga. Et kigwan Jesus cha awa na nga-nga i “Ajay i anak mo.” 43Et iyasdaaw i emiin a too na panakabalin Afo Chiyos.
Sema Maykadgwen Inpangowan Jesus Maypangkep Na Ketiy To
(Matthew 17:22-23; Mark 9:30-32)
Idi ketinabtabal pay iriy too maypangkep na kaskasdaaw a imag Jesus, kigwan Jesus cha disipolos to i 44“Iki-ngeli yoy konen ko et nemnemnemen jo. Tep si-kak a Anak na Too, iawat chaak cha naengontred si-kak.” 45Nem sema iren disipolos to, eg cha igwathan i piyan Jesus a a-seden tep nat inpaamten Afo Chiyos i banag tod si-kara, et timahot iren mengibaga maypangkep na kigwan to.
Siyay Kahejangan?
(Matthew 18:1-5; Mark 9:33-37)
46Nonta sa-kin akow, iyansosongbathan iren ma disipolos Jesus i maypangkep no siyed si-kariy kahejangan. 47Amten Jesus i gwared nemnem cha, et ena-gway na nga-nga et inpaakgwat tod askang to. 48Et kigwan Jesus ired ma disipolos to i “Sema toon mengegwat na ebaben nga-ngen inges niyay kagol na pamati thod si-kak, si-kak pay i egwathen to. Tan sema toon mengegwat cha si-kak, egwathen to pay ngo ma engito-nod si-kak. Tep sema kababaan cha si-kayon emiin, si-kathoy kahejangan.”
Sema Toon Nat Naengonted Si-kathayo, Natiyolongan To Kiya
(Mark 9:38-40)
49Et kigwan men John cha Jesus i “Afo, gwariy mita win toon naiyosal toy ngaran mon menagchag na dimonyos, nem inparit mi tep nat echom tayo.” 50Nem kigwan Jesus i “Enog i inparit tep sema toon nat naengontred si-kayo, natiyolongan to kayo.”
Sema Iren Tood Sa-kin Siyodad Cha Samaria, Nat Chijaw Ches Jesus
51Idi chanchaniy iolin Jesus cha dangit, inpansa-sa-ki thoy nemnem ton onkowan cha Jerusalem. 52Isonga, engidagwas na echom a tood sa-kin siyodad cha Samaria say isagana riy pansa-maran to. 53Nem sema iren tood ma siyodad, nat piyan chen onsa-mad si Jesus chiwan tep amta ra i onkowan cha Jerusalem. 54Sema iren disipolos a si James tan si John, idi iyamtaan chiy inpasing iren ma i-Samaria, inbaga red Jesus i “Afo, piyan mon adohen mis Afo Chiyos a mengi-kas na afoy a memool iren ma i-Samaria?” 55Nem singo iren Jesus et inseg-ang to ira. 56Et kimowan ired sa-kin siyodad.
Sema Iren Digat Na Toon Naekiolop Cha Jesus
(Matthew 8:19-22)
57Idi man-aahad ira, gwariy toon kigwan tod Jesus i “Mekiolopak cha emiin a konan mo.” 58Insongbat Jesus i “Gwariy dohang a naiyan-iyanan na tabaw, tan gwariy ogong na titit, nem si-kak ngon Anak na Too, nagwariy koston dogad a najimo-kowan ko.” 59Kigwan mowan Jesus cha sa-kin too i “Kay-olop ka wed si-kak.” Nem kigwan niwa too i “Afo, asanem engkay, onkowanak nin a mengibeken awak.” 60Nem insongbat Jesus i “Iolay mon sema iren singen etiy i mengibeka iren ma etiy. Nem si-kam, taha et ikasabam i maypangkep na pantorayan Afo Chiyos.” 61Et kigwan ngo pay na sa-kin too i “Afo, mekiodofak cha si-kam. Nem onkowanak nin chiwa gwared baliy ko say igwanggwang ko i mekiodofak cha si-kam.” 62Nem kigwan Jesus cha si-katho i “No ichogi na toon man-aracho, nem nagwimingi-gwingi, nagwariy silbi na obda tho. Inges ngo niwan i toon naekiolop cha si-kak, nem nagwiningi-gwingi tho ma inpayas to. Sema pansilbi thod pantorayan Afo Chiyos, nagwara ngoy silbi tho.”
انتخاب شده:
Luke 9: KAR
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.
Luke 9
9
Into-non Jesus I Sawal Na Chegwen Disipolos Ton Mankasaba Na Mapteng A Chamag
(Matthew 10:5-15; Mark 6:7-13)
1Tiya-gway Jesus ira ma disipolos ton sawal na chegwen esa-sa-nop. In-i-kan toy panakabalin tan karebengan chen menagchag na emiin a dimonyos tan mengkal na sahi-sahit. 2Et into-no tho iren mankasaba maypangkep na pantorayan Afo Chiyos tan mengipamapteng iren ma mansekit. 3Kigwan tod si-kara i “Enog i tahin na kompormid konan jo. Enog i tahin na kosnod, akbot, mekan, tan pilak. Enog i ala na baron pansa-dathan jo. 4No gwariy sebien jon siyodad iy gwariy mena-gway kayod baliy to, pekiiyan kayod man ingkathod ibetik jo. 5Nem no gwariy siyodad a konan jo et nat sintilen cha kayo na tood man, betihi yo tan pokpohi yoy depok cha seki yo say si-kathoy bancha i si-kara ngoy menongbat Afo Chiyos kagol na imag cha.” 6Et dimayat ira ma disipolos to et iyansa-mad ired chakel a siyodad. Cha emiin a kona-konan cha, nainkasaba riy mapteng a chamag tan nainpamapteng cha ira ma mansekit.
Naedingo-dingos Herod Maypangkep Jesus
(Matthew 14:1-12; Mark 6:14-29)
7Si Herod a naiyantoray na Galilee, inki-ngelan toy maypangkep na emiin a nainpasi-pasing Jesus, et naedingo-dingo maypangkep cha si-katho. Tep gwariy echom a engowan i si Jesus, si-katho emos John a Naemonjag a iyanpawil. 8Nem sema echom ngo, kigwan cha i si-kathos Elijah a iyanparang, et sema echom pay, kigwan cha i si-kathoy sa-kin profita nonta bayag a iyanpawil. 9Nem si Herod, kigwan to i “Inpadengsok ngarod i toktok John a Naemonjag. Siya ngarod iwa toon nakigwan cha?” Et manipod nontan, naniyemnemnem Herod i pesing ton meni-neng Jesus.
Pikan Jesus I Esolok A Dimen Dibon Too
(Matthew 14:13-21; Mark 6:30-44; John 6:1-14)
10Idi imoli diy sawal na chegwen apostolis a into-non Jesus, ingwanggwang ched si-kathoy ima-imag cha. Iyodop iren Jesus a si-kara bengat, et kimowan ired siyodad a engaranan na Bethsaida. 11Idi iyamtaan na chakel a too i imekal si Jesus, tined cha. Idi mimothok ired kad-an Jesus, kigwan tod si-kara i “Salamat kimowan kayo di.” Et intoroan to ira maypangkep na pantorayan alin Afo Chiyos tan inpamapteng to ira ma mansekit.
12Idi emangkesalingawngaw, kimowan ira ma sawal na chegwen disipolos Jesus cha kad-an ton kigwan cha i “Ito-nom ira ja tood iyay-esop a siyo-siyodad tan doga-dogad say mengenap ira na kakanen cha tan kejo-kowan cha. Tep ija kiyed iyaydasin a dogad.” 13Nem kigwan Jesus i “I-kani yo ira na kakanen cha.” Et kigwan cha wa i “Nem ija bengat i dimen tinapay tan chegwen paideng. Ampet siya iy menongkal kawi na kakanen na emiin iren ja tothoo?” 14Tep say kabibidang na dalekid man, chanchanin dimen dibo. Et kigwan Jesus i “Petokkong jo ira ma too na sandidimen polo.” 15Si-kathoy inpasing iren ma disipolos. Inpatokkong chiy emiin a tothoo. 16Et ida wen Jesus iwa dimen tinapay tan chegwen paideng, et tiyangkak toy dangit a iyansalamat cha Afo Chiyos. Idi iyakcheng iwan, piyetpet-ing to ma tinapay, et in-i-kan to ired ma disipolos to say iap-ap ched too. 17Engan iren emiin et iyapsel ira. Et kiyoskos iren ma disipolos iriy ebay-anan a tinapay, et pino thoy sawal na chegwen basket.
Sema Kigwan Peter Maypangkep No Siyes Jesus
(Matthew 16:13-19; Mark 8:27-29)
18Idi sa-kin akow a sa-sa-kin Jesus a mankakararag, kimowan iriy disipolos tod kad-an to. Idi kincheng Jesus a iyankararag, inbagaan to ira i “Nengoy nakigwan na too maypangkep no siyaak?” 19Et insongbat iren ma disipolos to i “Nakigwan na echom i si-kam si John a Naemonjag. Nakigwan ngo na echom i si-kam si Elijah. Nakigwan ngo pay na echom i si-kam i sa-kin profita nonta bayag a iyanpawil.” 20Et kigwan Jesus i “Nem no si-kayo ngo, ngoy nakigwan jo maypangkep no siyaak?” Insongbat Peter i “Si-kam i Criston into-no din Afo Chiyos.” 21Et binidin ma iren Jesus i eg cha polos igwanggwanggwang iwan cha angken siyen too.
Sema Pilmiron Inpangowan Jesus Maypangkep Na Ketiy To
(Matthew 16:20-28; Mark 8:30—9:1)
22Et intoloy Jesus a engowan ired ma disipolos to i “Si-kak a Anak na Too, mesepol a mandigathak a pasiya. Sema iren iyangkaama, aafo na papari, tan mamaistoro na dinteg, nat egwathen chaak et pebono raak, nem no maykatdon akow, manpawilak.”
Sema Pesing Na Panbiyag Na Toon Mekika-chom Cha Jesus
23Et kigwan Jesus cha emiin a too i “No gwariy toon piyan ton mekika-chom cha si-kak, mesepol a ibiyang toy biyag to tan sakbathen toy koros to na gwiya-gwa-gwa say may-odop cha si-kak. 24Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak, may-i-kanan na biyag a nagwariy pengingkaan to. 25Tep nengoy kongkonaen na too no kokowaen ton emiin i kongkoned ja dobong iy ma-tiw i biyag to tan mechosa na ingked ingka? Nagwara! 26Tep sema toon mengibaing cha si-kak a Anak na Too tan toro-torok, ibaing ko ngo no onkowanak alin edikmothan na nihal na karebengan tan panakabalin ko tan nihal Awak tan esantoan a anghilis. 27Nem sejay a konen kod si-kayo, podnon gwariy echom a kainakgwat chiyay a nat metiy nin ira tan metaen cha i onmothok i pantorayan Afo Chiyos.”
Iyanbaliw I Kasi-neng Jesus
(Matthew 17:1-8; Mark 9:2-8)
28Idi epalabas diy chanchanin gwalon akow nonta kigwan Jesus ira man, iyodop tos Peter, si John, tan si James, et eniyed ired chontog a mankararag. 29Idi mankakararag si Jesus, iyanbaliw i kasi-neng na dopa tho, tan sema baro tho, pimolaw a chilin mandingsi. 30Biglen gwariy chegwen dahin mantetebal cha si-kathon si Moses tan si Elijah. 31Iyanparang iren edikmothan na nihal, et timbal ches Jesus maypangkep na ketiy tod Jerusalem a metongpal i planon Afo Chiyos. 32Si Peter tan echom to, iyayjo-kowan ira, nem bimangon ira et sini-neng chiy nihal Jesus tan sema chegwen dahin man-ak-akgwat cha askang to. 33Idi manda-da-jat si Moses tan si Elijah cha kad-an Jesus, kigwan Peter cha Jesus i “Afo, salamat a gwara kiyed jay. Mengemag kawi na tedon sakmao say sema sa-ki para cha si-kam, sema sa-ki para cha Moses, tan sema sa-ki para cha Elijah.” Binngat toy esel tep eg to amtiy towan kona. 34Idi man-eesel pay si Peter, biglen gwara wiy kolpot a enirom ira. Et timahot iriy disipolos nonta simepsep iwa kolpot et dinikmot to ira. 35Et gwara diy esel a edafod ma kolpot a kigwan to i “Sejay i Anak kon pinispis ko. Ki-ngeli yoy nakigwan to!” 36Idi simalcheng iwa esel, sini-neng chen sa-sa-ki mowan si Jesus. Imeket ira ma disipolos, et nontan a timpo, nat ingwanggwang ched angken siyen tooy sini-neng cha.
Chiyagchag Jesus I Dimonyon Iyay-ejan Cha Nga-ngen Dahi
(Matthew 17:14-18; Mark 9:14-27)
37Nonta gwa-gwa tho, enalong ires Jesus chiwa chontog, et iyaspol na chakel a too. 38Et gwariy sa-kin dahid ma tothoon engipekes na esel ton kigwan to i “Maistoro, pangaasim, kowan ka din meni-neng na anak kon dahi tep si-kathoy sa-sa-kin anak ko. 39Tep naiya-janan na olay na dimonyo. Idi naepasamak iwan, biglen nakimeljaw tan nakimayengkeng tan naimosab i temi tho. Nainpadigat niwa dimonyon chili ingkathod iyabdiy et eg to ipaya-payas. 40Ekikaasiak cha disipolos mon chagchagen chiy dimonyo, nem nagwariy kebedinan cha.” 41Et insongbat Jesus i “Si-kayon toon eg naemati tan ngaaw i nemnem jo! Sa-noy kebejag na pekiolo-olop cha si-kayo? Sa-noy kebejag na pan-ano-anos kod si-kayo? Alam ali ta anak mo.” 42Idi man-eesop iwa nga-nged kad-an Jesus, into-kan na dimonyo, et inpagwaleggweg to. Nem inseg-ang Jesus iwa dimonyon chiyagchag to, et mimapteng ma iwa nga-nga. Et kigwan Jesus cha awa na nga-nga i “Ajay i anak mo.” 43Et iyasdaaw i emiin a too na panakabalin Afo Chiyos.
Sema Maykadgwen Inpangowan Jesus Maypangkep Na Ketiy To
(Matthew 17:22-23; Mark 9:30-32)
Idi ketinabtabal pay iriy too maypangkep na kaskasdaaw a imag Jesus, kigwan Jesus cha disipolos to i 44“Iki-ngeli yoy konen ko et nemnemnemen jo. Tep si-kak a Anak na Too, iawat chaak cha naengontred si-kak.” 45Nem sema iren disipolos to, eg cha igwathan i piyan Jesus a a-seden tep nat inpaamten Afo Chiyos i banag tod si-kara, et timahot iren mengibaga maypangkep na kigwan to.
Siyay Kahejangan?
(Matthew 18:1-5; Mark 9:33-37)
46Nonta sa-kin akow, iyansosongbathan iren ma disipolos Jesus i maypangkep no siyed si-kariy kahejangan. 47Amten Jesus i gwared nemnem cha, et ena-gway na nga-nga et inpaakgwat tod askang to. 48Et kigwan Jesus ired ma disipolos to i “Sema toon mengegwat na ebaben nga-ngen inges niyay kagol na pamati thod si-kak, si-kak pay i egwathen to. Tan sema toon mengegwat cha si-kak, egwathen to pay ngo ma engito-nod si-kak. Tep sema kababaan cha si-kayon emiin, si-kathoy kahejangan.”
Sema Toon Nat Naengonted Si-kathayo, Natiyolongan To Kiya
(Mark 9:38-40)
49Et kigwan men John cha Jesus i “Afo, gwariy mita win toon naiyosal toy ngaran mon menagchag na dimonyos, nem inparit mi tep nat echom tayo.” 50Nem kigwan Jesus i “Enog i inparit tep sema toon nat naengontred si-kayo, natiyolongan to kayo.”
Sema Iren Tood Sa-kin Siyodad Cha Samaria, Nat Chijaw Ches Jesus
51Idi chanchaniy iolin Jesus cha dangit, inpansa-sa-ki thoy nemnem ton onkowan cha Jerusalem. 52Isonga, engidagwas na echom a tood sa-kin siyodad cha Samaria say isagana riy pansa-maran to. 53Nem sema iren tood ma siyodad, nat piyan chen onsa-mad si Jesus chiwan tep amta ra i onkowan cha Jerusalem. 54Sema iren disipolos a si James tan si John, idi iyamtaan chiy inpasing iren ma i-Samaria, inbaga red Jesus i “Afo, piyan mon adohen mis Afo Chiyos a mengi-kas na afoy a memool iren ma i-Samaria?” 55Nem singo iren Jesus et inseg-ang to ira. 56Et kimowan ired sa-kin siyodad.
Sema Iren Digat Na Toon Naekiolop Cha Jesus
(Matthew 8:19-22)
57Idi man-aahad ira, gwariy toon kigwan tod Jesus i “Mekiolopak cha emiin a konan mo.” 58Insongbat Jesus i “Gwariy dohang a naiyan-iyanan na tabaw, tan gwariy ogong na titit, nem si-kak ngon Anak na Too, nagwariy koston dogad a najimo-kowan ko.” 59Kigwan mowan Jesus cha sa-kin too i “Kay-olop ka wed si-kak.” Nem kigwan niwa too i “Afo, asanem engkay, onkowanak nin a mengibeken awak.” 60Nem insongbat Jesus i “Iolay mon sema iren singen etiy i mengibeka iren ma etiy. Nem si-kam, taha et ikasabam i maypangkep na pantorayan Afo Chiyos.” 61Et kigwan ngo pay na sa-kin too i “Afo, mekiodofak cha si-kam. Nem onkowanak nin chiwa gwared baliy ko say igwanggwang ko i mekiodofak cha si-kam.” 62Nem kigwan Jesus cha si-katho i “No ichogi na toon man-aracho, nem nagwimingi-gwingi, nagwariy silbi na obda tho. Inges ngo niwan i toon naekiolop cha si-kak, nem nagwiningi-gwingi tho ma inpayas to. Sema pansilbi thod pantorayan Afo Chiyos, nagwara ngoy silbi tho.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.