Ap'u 5
5
A Natn Atam itauatah ani
1 #
Ap'u 1:27,28. Puk laha iv'iv'en nl nam'elan Atam. Arna napn Atua ien m'ertu, iani inep'a hin. 2#Mat 19:4; Mak 10:6.Hin ianr arv'i dui m'a tav'et. Arna napn ianr imhmah anr katu nahar iv'i M'ertu. 3Naran Atam paian inelnal iv'amk pln ineltl (130), mardel iamk iak asnn, inep'a sera hin, kav'i m'lkn. Itu nahan iv'i a Set. 4A Set iak asn Atam, sarei kasilv' ml pai inelnal iv'asatl (800). Dui m'a tav'et kinkin ml aviak asnn. 5Atam isilv' dav'a ier pai inelnal iv'asav'et pln ineltl (930), sarei kadam'a.
6A Set isilv' dav'a pai inelnal iv'amk pln ilm' (105), sarei a Inus iak asnn. 7A Inus iak sarei, laha a Set isilv' ml dav'a pai inelnal iv'asatl pln isaru (807). Dui m'a tav'et kinkin ml aviak asnn. 8Paian a Set inelnal iv'asav'et pln inal lman iru (912), sarei kadam'a.
9A Inus isilv' dav'a pai inelsav'et (90), sarei a Kainan iak asnn. 10A Kainan iak sarei, a Inus isilv' uam dav'a pai inelnal iv'asatl pln inal lman ilm' (815). Dui m'a tav'et kinkin ml aviak asnn. 11Paian a Inus inelnal iv'asav'et pln ilm' (905), sarei kadam'a.
12A Kainan isilv' dav'a pai inelsaru (70), sarei a Mahalalel iak asnn. 13A Mahalalel iak sarei, laha a Kainan isilv' uam dav'a pai inelnal iv'asatl pln inelv'a (840). Dui m'a tav'et kinkin ml aviak asnn. 14Paian a Kainan inelnal iv'asav'et pln inal (910), sarei kadam'a.
15A Mahalalel isilv' dav'a pai inellm'sei pln ilm' (65), sarei a Saret iak asnn. 16Naran a Saret itiak sarei, laha a Mahalalel isilv' uam dav'a pai inelnal iv'asatl pln ineltl (830). Dui m'a tav'et kinkin ml aviak asnn. 17Paian a Mahalalel inelnal iv'asatl pln inelsav'et, nelnal iv'amk nen ilm' (895), sarei kadam'a.
18A Saret isilv' pai inelnal iv'amk pln inellm'sei pln iru (162), sarei a Inuk iak asnn. 19A Inuk iak sarei, laha a Saret isilv' ml dav'a pai inelnal iv'asatl (800). Dui m'a tav'et kinkin ml aviak asnn. 20Paian a Saret inelnal iv'asav'et pln inellm'sei pln iru (962), sarei kadam'a.
21A Inuk isilv' pai inellm'sei pln ilm' (65), sarei a Metusala iak asnn. 22A Metusala iak sarei, laha a Inuk iv'el m'ei Atua pai inelnal iv'atl (300). Dui m'a tav'et kinkin ml aviak asnn. 23Paian a Inuk inelnal iv'atl pln inellm'sei pln ilm' (365). 24#Isrel 11:5; Sut 1:14.A Inuk iv'el m'ei Atua, sarei ialak ml, sena ti Atua ilav'i.
25A Metusala isilv' pai inelnal iv'amk pln inelsatl pln isaru (187), sarei a Lameh iak asnn. 26A Lameh iak sarei, laha a Metusala isilv' uam pai inelnal iv'asaru pln inelsatl, nelsav'et nen iru (782). Dui m'a tav'et kinkin ml aviak asnn. 27Paian a Metusala inelnal iv'asav'et pln inellm'sei pln isav'et (969), sarei kadam'a.
28A Lameh isilv' pai inelnal iv'amk pln inelsatl pln iru (182), sarei a natn dui iamk iak asnn. 29Itu nahan iv'i a Nua kavr ti a, “Dui laha ipani ti p'vrn ipap'as naran nvm'akar kavan sei a lm'ad, sena ti nadep' iter a nv' nl reran a Mlin Eia.” 30A Nua iak sarei, laha a Lameh isilv' uam pai inelnal iv'alm' pln inelsav'et pln ilm' (595). Dui m'a tav'et kinkin ml aviak asnn. 31Paian a Lameh inelnal iv'asaru pln inelsaru pln isaru (777), sarei kadam'a.
32A Nua paian inelnal iv'alm' (500), laha a Sem, a Ham m'ei a Sep'et aviak asnn.
اکنون انتخاب شده:
Ap'u 5: nmb
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia