Ap'u 6
6
Arm'ertu udlani arna nadep' avan si stu istudau
1 #
Sup 1:6; 2:1. Naran m'ertu avrama kavnelnal arna nadep', a natr tav'et aviak asnr. 2Dav'a dui, avv'i a natn Atua, avlar tav'et, avv'i net m'ertu, kavla ti avp'eset kavua nki avrni uaki avrama kavv'i a naur.
3Laha, a Mlin Eia ivr ti a, “M'im'ilk ikav'ana m'a m'ertu ikel, sena ti iv'i m'ertu na nadep' uaki, v'eti p'etu pai ipanelnal ipav'amk pln ipanelru (120) uam anr.” 4#Nut Kaka 13:33.Arna naran lera m'ertu lilil kinkin avlak arna nadep'. Itauatah a si lera ml, dui, avv'i a natn Atua, avm'atr m'er tav'et, avv'i net m'ertu. Dav'a, avlev' a natr dui asnr. Hir avv'i mlin lilil tituei, la m'ertu avvrurr nakl ha.
5 #
Mat 24:37; Luk 17:26; 1 P'ita 3:20. Laha, Atua ila ti m'ertu arna nadep' avstu ihuadau, kala ti si udlani avv'ahi arna nlr istu uaki nakl. 6Laha, a Mlin Eia ivav v'ahienan sena ti iten sera m'ertu arna nadep', karn istu arna nln sanan. 7A Mlin Eia ivr ti a, “P'erp m'ertu la nten sarar ha. Akavlak ml arna nadep'. P'erp m'ertu, m'a si dm, m'a sei iharev' arna nadep', m'er m'anh la avtetv eia ha, sena ti Kana nrn istu sena ti nanr.” 8V'eti a Mlin Eia irn ip'as a ti ipamhmah an a Nua.
A Nua ien nauak
9 #
2 P'ita 2:5. Ki laha iv'i nl nam'elan a Nua. A Nua iv'i dui p'as kaviviln arna nah nelnal avsilv' arna naran lera, kav'el m'ei Atua. 10Dui artl aviak asn a Nua, a Sem, a Ham m'ei a Sep'et.
11V'eti m'ertu arna nadep' avstu arna nahn Atua. Nadep' ilini a naur. 12Atua ip'a nadep', laha, pavrni, ila ti istu, sena ti m'ertu udlani arna nadep' avluvn a navanelan.
13Atua ivr an a Nua kavr ti a, “Itier sera naran na ti silv'iena m'ertu udlani arna nadep' ipahiris arna nahk. Sena ti nadep' ilini a naur sanar. Laha, palei, p'utakm anr udlani m'a nadep'. 14Nakm pan nauak ipamk arna nai iamk, nahan iv'i kuva. Pan m'lna si dm udlani al nauak kavaulul p'akn av'aran, m'ei eim a kulta. 15Pani ipanap'i lera. Pani ipap'arei ipaier mita ipanelnal ipav'amk pln ipanellm' (150). Tv'eliel ipaier tv'eliel mita ipanelru, neltl nen ipalm' (25). Eia ipaier a nadep' ipap'arei mita ipanal lman ipalm' (15). 16Pani ti nut eia arna nmah na nauak ipatapar dav'a dav'a ipav'i pna mita ipamk, katu karliu na nauak arna tv'eliel nen. Pan hatahat nen ipatl, nki ipater a nadep', nki a ipater a p't nut, nki ipater eia.
17Laha, palei, kana p'etep'a nauei ipama kalinkar nadep' kutakm a si udlani isilv' arna nadep'. Si udlani iter arna nadep' ipam'a. 18V'eti p'ani ti turanienak ipap'tir asnm. Pama al nauak, nakm, a natm dui udlani, a naum m'er a naur a natm udlani. 19Palev' nki iparuru asn sei isilv' udlani kauirma al nauak, a ti apavsilv' m'ah, apavv'i pua nen m'a prapar nen. 20Nki iparuru asn m'anh iviviln a p'klr, asn si dm iviviln a p'klr, m'a si udlani iharev' a nadep' iviviln a p'klr, apavrama asnm, a ti apavsilv'. 21Nakm palev' tim'ah udlani katup'ltani ipaviviln anh m'er hir udlani a ti pavhani.”
22 #
Isrel 11:7. A Nua iani inap'i lera, kan si udlani inep'a nut Atua ivr ani inap'ei.
اکنون انتخاب شده:
Ap'u 6: nmb
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia