Lik 21
21
O tew o ñaaw oxe sadaxitna ke ta jegna
(ɗeeti Mark 12:41-44)
1Yeesu a wiƈaqilooxa, a ga yaal kalal ke a yipaa ci’it den kam o geekand ole no Mbind Roog ne. 2A ga’a itam o ñaaw o ndool onqaa yip’ina xa piftin xa ƭaq. 3Maaga, Yeesu a laya yee:
«No ndigil, o ñaaw o ndool onqene moƴu o yip wiin lakas we fop. 4Yaam lakas we, xaaliis fee da soxla’eerna a sadaxtu, ndaa o ten o mat, kam o ñak um a cooxta fop ke ta jeg’ina, reeƭna ñoowir um.»
Yeesu a yegnita njom ne no Mbind Roog ne
(ɗeeti Mace 24:1-2; Mark 13:1-2)
5Leng-leng no wiin waa kaa laytoogu a muul a mosu ke fo ci’it ke mosandoogna Mbind Roog ne, ndaa Yeesu a laya yee:
6«No ke nu nga’aa ndiiki, xan a jeg a pe, yoqkee muul leng took muul gend um laa yenkeerna.»
Ke warna o xew no muukandoong adna
(ɗeeti Mace 24:3-14; Mark 13:3-13)
7Daalbe waa a laamtaan ee:
«O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?»
8Yeesu a doona a den ee:
«Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den. 9Boo nu nanna coow xire mbaat yo’nax, ba nu ndiid, yaam keene a wara o eet o fadiid, too sax refkafulee muukandoong ne ndak fo ndak.»
10Maaga a laya a den ee:
«Xan saax a inooxan saax, maat a inooxan maat, 11too xan a jeg yo’nax maak no lanq ke fo qeex fo piste na saax a mayu. Xan a jeg tig saɗarnooxu fo xa anddiloor xa maak na asamaan. 12Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es. 13Xan keene fop a dal a nuun, ndax nu mbaagaam o seede’an. 14Ƥekyo na yiif nuun ee nu mbaree nqalaat ne nu nqoxtitkaa a qoox nuun,#12:11-12 15yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun. 16Xan we ndimna a nuun fo xa teɓ nuun fo fog nuun fo qaariit nuun a ngod a nuun, too xan a mbarnoor leng-leng na nuun. 17Xan fop a sib a nuun yaam gon es. 18Kaa koy, o biil o leng no xoox nuun sax samkee. 19Na pexey o saƭkel nuun nu muclitkaa xa laaw nuun.»
Yaq fa maak fee
(ɗeeti Mace 24:15-21; Mark 13:14-19)
20«Ten taxu boo nu nga’na xiixire we a mbid a Yeerusaleem o kurul-keƥ, maaga andyo yee miñkatee too ruudee. 21A koom, waa na ndefkaa no jegel olaa Yudee a mbara o ƈufan xa coong axe, we na ndefkaa Yeerusaleem a sutoox, soo we na ndefkaa kam a koƥ ale a mbañ o ndokiid teen. 22Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.#Hoo 9:7 23Ndaw naqad no rew we na ndefkaa fo fud fo no we na mbugko numnaa a koom! Yaam xan a jeg mbiraam maak took lanq ke fo fuux le Roog took xeet feene. 24Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»
A kar ale no Ƥeenqe no kiin oxe
(ɗeeti Mace 24:29-31; Mark 13:24-27)
25«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.#Es 13:10; Hes 32:7; Yow 3:4; Mbñ 6:12-13 26Xan wiin we a nqon yaam diid maak yaa da nqalaataa ke na xewkaa na adna fee fop, yaam xan katil ke na asamaan a yo’noox. 27Maaga, xan a nga o Ƥeenqe no kiin oxe a garaa took eel, a yoon fa katil fo o ndam o maak.#Dañ 7:13; Pi 1:9-11; Mbñ 1:7 28Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»
A naxax ale no ndun ne
(ɗeeti Mace 24:32-35; Mark 13:28-31)
29Yeesu a naxooxahina a den ee:
«Ƭeetyo ndun ne fo taxar lakas ke fop: 30Boo nu nga’na taxar ke a saqtaa, nu anda yee ndiig ne a matiida. 31Neene itam, boo nu nga’na keene fop a xew, andyo yee Maat ne Roog a matiida. 32No ndigil, mexe layaa a nuun ee: Wiin we na jamaane fene#21:32 wiin we na jamaane fene Keene kaa tekit ee wiin we na njopirkaa fo keene, nqonkee muk, too keene fop fadnooxee. mbaafkee, too keene fop xewee. 33Xan asamaan fo lanq a mbaaf, ndaa fa lay es faafkee boo muk.»
O njiriiñ a yetax
34«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun 35nen mbog, yaam xan a sag we ngenna took lanq ke fop. 36Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»
37Ñaal nuu fad’ina Yeesu a jangnooga kam Mbind Roog naa, soo no yeng ole ta fe’ik no Joong olaa no taxar oliiw kaa. 38Mbeet nuu refna, wiin we fop a ƥiiɓiidooga no Mbind Roog naa ndax da nan-gilooxin.
انتخاب شده:
Lik 21: SRR23
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2015-2023 by Eglise luthérienne du Sénégal
Lik 21
21
O tew o ñaaw oxe sadaxitna ke ta jegna
(ɗeeti Mark 12:41-44)
1Yeesu a wiƈaqilooxa, a ga yaal kalal ke a yipaa ci’it den kam o geekand ole no Mbind Roog ne. 2A ga’a itam o ñaaw o ndool onqaa yip’ina xa piftin xa ƭaq. 3Maaga, Yeesu a laya yee:
«No ndigil, o ñaaw o ndool onqene moƴu o yip wiin lakas we fop. 4Yaam lakas we, xaaliis fee da soxla’eerna a sadaxtu, ndaa o ten o mat, kam o ñak um a cooxta fop ke ta jeg’ina, reeƭna ñoowir um.»
Yeesu a yegnita njom ne no Mbind Roog ne
(ɗeeti Mace 24:1-2; Mark 13:1-2)
5Leng-leng no wiin waa kaa laytoogu a muul a mosu ke fo ci’it ke mosandoogna Mbind Roog ne, ndaa Yeesu a laya yee:
6«No ke nu nga’aa ndiiki, xan a jeg a pe, yoqkee muul leng took muul gend um laa yenkeerna.»
Ke warna o xew no muukandoong adna
(ɗeeti Mace 24:3-14; Mark 13:3-13)
7Daalbe waa a laamtaan ee:
«O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?»
8Yeesu a doona a den ee:
«Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den. 9Boo nu nanna coow xire mbaat yo’nax, ba nu ndiid, yaam keene a wara o eet o fadiid, too sax refkafulee muukandoong ne ndak fo ndak.»
10Maaga a laya a den ee:
«Xan saax a inooxan saax, maat a inooxan maat, 11too xan a jeg yo’nax maak no lanq ke fo qeex fo piste na saax a mayu. Xan a jeg tig saɗarnooxu fo xa anddiloor xa maak na asamaan. 12Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es. 13Xan keene fop a dal a nuun, ndax nu mbaagaam o seede’an. 14Ƥekyo na yiif nuun ee nu mbaree nqalaat ne nu nqoxtitkaa a qoox nuun,#12:11-12 15yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun. 16Xan we ndimna a nuun fo xa teɓ nuun fo fog nuun fo qaariit nuun a ngod a nuun, too xan a mbarnoor leng-leng na nuun. 17Xan fop a sib a nuun yaam gon es. 18Kaa koy, o biil o leng no xoox nuun sax samkee. 19Na pexey o saƭkel nuun nu muclitkaa xa laaw nuun.»
Yaq fa maak fee
(ɗeeti Mace 24:15-21; Mark 13:14-19)
20«Ten taxu boo nu nga’na xiixire we a mbid a Yeerusaleem o kurul-keƥ, maaga andyo yee miñkatee too ruudee. 21A koom, waa na ndefkaa no jegel olaa Yudee a mbara o ƈufan xa coong axe, we na ndefkaa Yeerusaleem a sutoox, soo we na ndefkaa kam a koƥ ale a mbañ o ndokiid teen. 22Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.#Hoo 9:7 23Ndaw naqad no rew we na ndefkaa fo fud fo no we na mbugko numnaa a koom! Yaam xan a jeg mbiraam maak took lanq ke fo fuux le Roog took xeet feene. 24Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»
A kar ale no Ƥeenqe no kiin oxe
(ɗeeti Mace 24:29-31; Mark 13:24-27)
25«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.#Es 13:10; Hes 32:7; Yow 3:4; Mbñ 6:12-13 26Xan wiin we a nqon yaam diid maak yaa da nqalaataa ke na xewkaa na adna fee fop, yaam xan katil ke na asamaan a yo’noox. 27Maaga, xan a nga o Ƥeenqe no kiin oxe a garaa took eel, a yoon fa katil fo o ndam o maak.#Dañ 7:13; Pi 1:9-11; Mbñ 1:7 28Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»
A naxax ale no ndun ne
(ɗeeti Mace 24:32-35; Mark 13:28-31)
29Yeesu a naxooxahina a den ee:
«Ƭeetyo ndun ne fo taxar lakas ke fop: 30Boo nu nga’na taxar ke a saqtaa, nu anda yee ndiig ne a matiida. 31Neene itam, boo nu nga’na keene fop a xew, andyo yee Maat ne Roog a matiida. 32No ndigil, mexe layaa a nuun ee: Wiin we na jamaane fene#21:32 wiin we na jamaane fene Keene kaa tekit ee wiin we na njopirkaa fo keene, nqonkee muk, too keene fop fadnooxee. mbaafkee, too keene fop xewee. 33Xan asamaan fo lanq a mbaaf, ndaa fa lay es faafkee boo muk.»
O njiriiñ a yetax
34«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun 35nen mbog, yaam xan a sag we ngenna took lanq ke fop. 36Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»
37Ñaal nuu fad’ina Yeesu a jangnooga kam Mbind Roog naa, soo no yeng ole ta fe’ik no Joong olaa no taxar oliiw kaa. 38Mbeet nuu refna, wiin we fop a ƥiiɓiidooga no Mbind Roog naa ndax da nan-gilooxin.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2015-2023 by Eglise luthérienne du Sénégal