Luke 19
19
Zezu -me Zase 'na dɛce
1Zezu ylɛle Zeliko 'na 'du "me, "ne 'ɔ yi -lɔ Zeluzalɛme me. 2'Nyɔkpɔ -bholo "ko 'awɔ "bhle 'ɔ 'pa- Zase, -lɛposanya 'na "cifi yɔ 'awɔ -lɔ, "ne 'ɔ -noɔ 'awɔ -lɔ -klɔgbɔnyɔ yɔ. 3'Ɔ 'yɔbhɔ 'awɔ -gbɔ 'ɔ "kɛ Zezu 'ylime 'ye, -mɔ, 'ɔ "ne 'awɔ 'bhɛle- 'nyakpa 'na zinɔ -za, "naa-, 'ɔ "ne 'awɔ 'lelee "ku tlo zɛ. 4Zaa, 'guɔ 'ɔ -guɔ -lɔ "ne 'ɔ yi -lɔ 'yuku 'ple, "ne 'ɔ yi -lɔ su -ye la sikomɔle -wɛ 'wli 'gblɛ, -se 'ɔ "kɛ Zezu 'ylime 'ye, lɔbhɔ 'ɔ "kɛ -lɔ ylɛle- zɛ. 5Zezu "kɛ lɔbhɔ ylɛ ne, 'wli "ku 'ɔ libhi- -lɔ "ne 'ɔ yu -lɔ bhulɛle- nɛɛ: «Zase, 'kwli -dɛme zɔ, -mɔ, -neɛ' dɛce 'e "kɛ -lɔ -zeka go-.» 6"Ne Zase yi -lɔ zɔ sibhɔ cuu, "ne 'ɔ yu -lɔ 'ŋwɛnɛ 'wli no. 7-Wa -ko lɔbhɔ -wɛ 'cɛ 'ylime 'ye ne, 'wa 'ŋuŋwɔŋuŋwɔle "me nɛɛ: «Nyinyonolinonyɔ 'na sueme 'ye 'ɔ -me -lɔ ko -ka.» 8-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.» 9"Ne Zezu yu -lɔ bhulɛle- nɛɛ: «-Zeka ne "me, Lagɔ 'fuɔ- "ɛ -bhudu ne "me 'na 'nyakpa, "naa- 'ɔyi, Ablame 'na yu 'ye 'ɔ -noɔ -me 'lelee -lɔ. 10"Naa- 'Nyɔkpɔ Yowli -yi -se 'ɔ "kɛ -wa -bhli "kwlɛ -wɛ 'fuɔ.»
Libhɔnonya ta 'na nunɛ
(Matie 25.14-30)
11"Ne Zezu yi 'lelee -lɔ -wa -fo 'yukwli -wɛ nunɛ 'pɔle "naa- 'ɔ "ne nɛ Zeluzalɛme 'dɛ 'tlole-. "Ne 'nyakpa 'pɔ 'dle nɛɛ Lagɔ 'na 'Kamalezikpɛ yi -dɛme 'dɛ zɔ 'wlole. 12"Ne Zezu yi -lɔ sɛne lɛ nɛɛ: -Gligbɛ "yitɛ -bhole "ku 'na 'nyɔkpɔ "kɛ -lɔ 'du 'na mɔ -bhlɔblu me -se 'wa "kɔ "bhle -klɔgbɔnyɔ "zoale-, -se 'ɔ "kɛ 'ɔ 'luku 'wlizɔ zi. 13-Sɔɔdɛku 'ɔ "kɛ me -wɛ, 'ɔ la- 'ɔnɛɛ 'kulɔbhɔnya kogbɔ "ne 'ɔ yi -lɔ -badlɛ -gbuɛ 'na -ɛ tɛ- lɛ kpɛ "ku -ɔkɔkokɔko kɔ 'je-. "Ne 'ɔ yua -lɔ bhulɛle- nɛɛ: 'A nole- libhɔ "me 'ɛ -kaa 'neɛ 'wlizɔ -zi -dɛku "kɛ ylɛ. 14-Mɔ, 'ɔ 'luku 'na 'nyakpa 'wa "no "me za, 'wa lebhelo lɔ 'nyakpa "ku nɛɛ: -A "ne 'yɔbhɔ -gbɔ 'ɔ 'kamale- 'anye.
15'Wa kɔ -klɔgbɔnyɔ "zoa- "bhuɔ ne, 'ɔ 'luku 'ye 'ɔ -zi -lɔ 'wlizɔ, "ne 'ɔ yi -lɔ 'ɔnɛɛ "kulɔbhɔnya -ye 'ɔ -dlialea nɛ 'dlasi -wɛ la, -se 'ɔ "kɛ -ɔkɔkokɔko 'na -ye 'ɔ -no 'ɔnɛɛ "ku -wɛ yibhlele-. 16Tɛtɛnɔ "kɛ yi, 'ɔ nɛɛ: "Bhenyɔ, -neɛ' 'dlasi -ye -e 'je- -ame kɔ -yili 'dlasi kogbɔ keyi. 17"Ne "ɛ -klɔgbɔnyɔ yu -lɔ bhulɛle- nɛɛ: 'Ɛ 'nɛne, libhɔnonyɔ 'na "namanɔ 'ye -e -no -lɔ, "Naa- -e -no "ɛ libhɔ bhueyi ne 'tee zaa, me -se -e "kɛ 'du 'wli 'kɔgbɔ kamalea-. 18"Ne 'ɔnɛɛ -vinɔ yi -lɔ yi, 'ɔ nɛɛ: Anyinɛnyɔ, -neɛ' 'dlasi -ye -e 'je- -ame kɔ -wɛ 'e -ylele 'dlasi 'umgbu keyi. 19"Ne 'ɔ yu -lɔ 'sɛbhele -wɛ bhulɛle-. -E yi 'du 'wli 'umgbu 'yliku.
20"Ne 'ɔnɛɛ -vinɔ yi -lɔ yi, 'ɔ nɛɛ: "Bhenyɔ, -neɛ' 'dlasi -ye -e 'je- -ame kɔ ne lɛ, 'e -kulɛle nɛ 'neɛ -li "me. 21"Naa- 'e 'gu -eyi -gɛ, sɛko -wɛ nea, -e -gbɔtɔ kpɛnyee, "ne -e libhi -ye -e "ne 'bhe- -wɛ "ku, "ne, -dee -e "ne -glole lɔbhɔ 'ye -e 'dile -lɔ. 22"Ne "ɛ -klɔgbɔnyɔ yu -lɔ bhulɛle- nɛɛ: -Neɛ' bhulɛweli kɔ 'ye 'e "kɛ -kɛ -lɔ -eyi 'gbobhlele-, libhɔnonyɔ -gbeyi -lɛ. -E -yi sɛ gbɔ 'nyɔkpɔ 'na -ɔ -gbɔtɔ 'ye 'e -noɔ, "ne 'e libhi -ye 'e "ne 'bhe- -wɛ "ku, "ne 'e 'dile -dee 'e "ne -glole -wɛ. 23Zaa, sɔɔbɛɛza -e "ne 'na 'dlasi -bhudu -mee 'wa 'kulɛle 'dlasi -wɛ "zo 'a? -E 'cɛ nɛ sɔbhɔ 'sa-, 'e -yi nɛ -wɛ, 'ɛ yi nɛ keyi yili- "ne 'e 'cɛ nɛ -lɔ "ku 'libhi. 24"Ne 'ɔ yi -lɔ -wa -ko lɔbhɔ -wɛ bhulɛle- nɛɛ: 'A -sɔ 'ɔnɛɛ 'dlasi kɔ -se 'a 'je -ɔ -kɛ kogbɔ -wɛ kɔ. 25"Ne 'wa yu -lɔ bhulɛle- nɛɛ: Anyinɛnyɔ, 'ɔ -kɛ 'se kogbɔ 'kle ne! 26'E bhulɛle 'anye nɛɛ: 'Nyɔkpɔ 'na -ɔ -kɛ -wɛ, 'wa yu 'ce "nyɛ, -mɔ, -ɔ "ne -kɛ -wɛ, 'tekeyi 'na -ye 'ɔ kɛ -kɛ ne, 'wa yu 'ce kɔ -sɛ. 27Zaa, 'ɛ kɛ 'neɛ -gblenya, -wa "ne nɛ "ku 'ŋunu- -gbɔ 'e 'kamaloa- nɛ -wɛ, 'a -nɛmoa -dɛne, -se 'a 'diloa -ame 'yliku 'wli "ku. 28Zezu "kɛ soɔ bhulɛ- "bhuɔ ne, 'ɔ 'ple- -zakpɛ 'yuku, "ne 'ɔ yi -lɔ Zeluzalɛme me.
Zezu -plɛ Zeluzalɛme
(Matie 21.1-11; Malke 11.1-11; Zaa 12.12-19)
29'Ɔ 'nyiɔ nɛ Bɛtefaze -nyɛ Betani "bhaa 'na tlo -ye 'wa la Olivietlo -wɛ 'na -gbɔsɔ "ku za, 'ɔ -lebhe 'ɔnɛɛ gɛlenya "sɔ 30nɛɛ: «'A me 'du 'na -ɛ -ko 'anye 'yli "ku -wɛ "me, 'a kɛ "bhle -ylɛ ne, 'a yi sokofani bhueyi -ye 'wa -gbɛte -wɛ yle, 'nyɔkpɔ -nɔ -mlɛ "klo 'gli-, 'a vulu- -se 'a -nɛmo -ame.» 31"Ne 'nyɔkpɔ kɛ 'anye lo 'yɔbhɔ -gbɔ sɔɔbɛɛza 'a 'vulu bhɔ? 'A bhulɛlo- nɛɛ: «Anyinɛnyɔ nɛɛ -a 'kɔmo-.» 32"Ne "ɛ -ye 'ɔ 'lebhe- -wɛ yi -lɔ me, 'wa -ylele lɔbhɔ "ɛ sokofani bhueyi, -see "ɛ Zezu -bhulɛloa -wɛ. 33'Wa -ko "ɛ -sokofani bhueyi vulu dɛku, "ne 'ɔnɛɛ "bhenya yua -lɔ lo 'yɔbhɔ nɛɛ: «sɔɔbɛɛza 'a vulu bhɔ "ɛ -sokofani bhueyi -wɛ 'a?» 34Ŋwɛnɛɛ: «Anyinɛnyɔ 'yɔbhɔ -lɔ lo.» 35"Ne 'wa yi -lɔ "ɛ -sokofani bhueyi Zezu -nɛme. 'Wa -lolo 'wanɛɛ 'koti "klo "ne 'wa yu -lɔ Zezu "klo 'jilɛ. 36"Ne -see 'ɔ me 'yiɛ -wɛ, sɔbhɔ 'wa lolo -lɔ 'wanɛɛ 'koti -gwe "ku. 37'Ɔ "ne -la tlo -ye 'wa la Olivietlo 'wli -wɛ dɛtlo, 'ŋwɛnɛ 'lɔbhɔ 'ɔnɛɛ gɛlenya 'na -zakpɛ, 'wa 'kpa 'awɔ "me "ne 'wa kwɔ 'awɔ Lagɔ 'ŋlu, zɛzɛ 'klekle -ye 'wa 'ye 'ylime -wɛ 'na 'ylime. 38Ŋwɛnɛɛ: «-Klɔgbɔnyɔ -ɔ yi Anyinɛnyɔ 'na 'tɔ "me -wɛ, 'ɔ 'pɔ- 'ŋu! 'Kuwɔtɛ 'ko "nɔgɔ "me, -se Lagɔ me "nɔgɔ "me 'ŋlu!» 39Faliziɛnya 'na yɛ -wa -ko -me "ɛ -zakpɛ "me -wɛ bhulɛle -lɔ Zezu nɛɛ: «"Bhenyɔ, gbɔtɔle- -neɛ' gɛlenya "ku -se 'wa "kɛ "ku 'tli.» 40Zezu nɛɛ: «'E bhulɛle 'anye nɛɛ, 'wayi 'wa kɛ "ku -tli, 'tiyi 'wɔ "kɛ -lɔ "me 'kpa.»
Zezu 'tu- Zeluzalɛme za
41-Sɔɔdɛku Zezu 'nyiɔ- Zeluzalɛme yɔko ne, 'ɔ 'cɛ 'ylime 'ye ne, 'tu 'ye 'ɔ 'tu- -lɔ 'ɛnɛɛ za. 42"Ne 'ɔ yi -lɔ sɛne lɛ nɛɛ: «-Eyi 'lelee, -e kɛ nɛ sɛ -yibhlele -gbɔ -e yi nɛ 'yli yɛ ne "me 'kuwɔtɛ yle. -Mɔ, -dɛmeda 'ɛ "ne 'bhɛle-! "Ɛ zizɔle- -eyi 'ylime zaa, -e -cɛ 'ylime 'ye. 43-Ɛɛ, lɔbhɔ yi ylɛ -dee -neɛ' -gblenya "kɛ -eyi -gbɛte "me "pɔ, 'wa yi 'ce -eyi bli "ne 'wa "kɛ 'ce -lɔ -neɛ' moɔ 'klekle kɔ 'pipi- -me. 44'Wa yi 'ce -eyi dutɛmɛ "ku 'sule- -eyi -nyɛ -neɛ' yua "bhaa "ne 'wa yi 'ce -neɛ' za -bhudu 'klekle 'wlɛ "ne -bɛɛ' -ka 'ce lɔbhɔ 'to-. "Naa-, -sɔɔdɛku Lagɔ -yi -eyi "ku 'be 'ka -wɛ, -e "no -yibhlele zɛ.»
Zezu -kpeti -wa 'pɔle "Mebɔbɔlebhudu "me 'pɔlo -wɛ
(Matie 21.12-17; Malke 11.15-19; Zaa 2.13-16)
45"Ne Zezu yi -lɔ "Mebɔbɔlebhudu "me plɛ, "ne 'ɔ yi -lɔ -wa 'pɔle "bhle 'pɔlo -wɛ 'kpeti-. 46"Ne 'ɔ yua -lɔ bhulɛle- nɛɛ: «'Ɛ kɛleɔ- Lagɔbɔgo "me nɛɛ: 'Wa yi 'ce 'na -bhudu "me bhubhɔle-bhudu la. -Mɔ, 'anye, 'a zoɛ- 'winya 'na zizɔledɛ.» 47'Ɔ -ko nɛ zle 'klekle "Mebɔbɔlebhudu "me "ne 'ɔ 'sloale "bhle Lagɔweli. Bɔbɔnya "yitia "ne -Lɔsloanya -nyɛ kamalenya "yitia "bhaa, 'wa 'tɔlo siɛ -se 'wa "kɔ 'lɔbhɔ -se 'ɔ "kɛ "ku. 48-Mɔ, 'wa "ne 'awɔ -see 'wa "kɛ 'awɔ "zo "ne 'wa kɔ 'awɔ 'sa -yi. "Naa- 'nyakpa -kɛ 'awɔ 'ɔnɛɛ 'yukwli 'fo libhɔ, 'ɔnɛɛ bhulɛweli ze 'awɔ 'wanɛɛ 'dle kɔ zɛ.
انتخاب شده:
Luke 19: btg
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.
Luke 19
19
Zezu -me Zase 'na dɛce
1Zezu ylɛle Zeliko 'na 'du "me, "ne 'ɔ yi -lɔ Zeluzalɛme me. 2'Nyɔkpɔ -bholo "ko 'awɔ "bhle 'ɔ 'pa- Zase, -lɛposanya 'na "cifi yɔ 'awɔ -lɔ, "ne 'ɔ -noɔ 'awɔ -lɔ -klɔgbɔnyɔ yɔ. 3'Ɔ 'yɔbhɔ 'awɔ -gbɔ 'ɔ "kɛ Zezu 'ylime 'ye, -mɔ, 'ɔ "ne 'awɔ 'bhɛle- 'nyakpa 'na zinɔ -za, "naa-, 'ɔ "ne 'awɔ 'lelee "ku tlo zɛ. 4Zaa, 'guɔ 'ɔ -guɔ -lɔ "ne 'ɔ yi -lɔ 'yuku 'ple, "ne 'ɔ yi -lɔ su -ye la sikomɔle -wɛ 'wli 'gblɛ, -se 'ɔ "kɛ Zezu 'ylime 'ye, lɔbhɔ 'ɔ "kɛ -lɔ ylɛle- zɛ. 5Zezu "kɛ lɔbhɔ ylɛ ne, 'wli "ku 'ɔ libhi- -lɔ "ne 'ɔ yu -lɔ bhulɛle- nɛɛ: «Zase, 'kwli -dɛme zɔ, -mɔ, -neɛ' dɛce 'e "kɛ -lɔ -zeka go-.» 6"Ne Zase yi -lɔ zɔ sibhɔ cuu, "ne 'ɔ yu -lɔ 'ŋwɛnɛ 'wli no. 7-Wa -ko lɔbhɔ -wɛ 'cɛ 'ylime 'ye ne, 'wa 'ŋuŋwɔŋuŋwɔle "me nɛɛ: «Nyinyonolinonyɔ 'na sueme 'ye 'ɔ -me -lɔ ko -ka.» 8-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.» 9"Ne Zezu yu -lɔ bhulɛle- nɛɛ: «-Zeka ne "me, Lagɔ 'fuɔ- "ɛ -bhudu ne "me 'na 'nyakpa, "naa- 'ɔyi, Ablame 'na yu 'ye 'ɔ -noɔ -me 'lelee -lɔ. 10"Naa- 'Nyɔkpɔ Yowli -yi -se 'ɔ "kɛ -wa -bhli "kwlɛ -wɛ 'fuɔ.»
Libhɔnonya ta 'na nunɛ
(Matie 25.14-30)
11"Ne Zezu yi 'lelee -lɔ -wa -fo 'yukwli -wɛ nunɛ 'pɔle "naa- 'ɔ "ne nɛ Zeluzalɛme 'dɛ 'tlole-. "Ne 'nyakpa 'pɔ 'dle nɛɛ Lagɔ 'na 'Kamalezikpɛ yi -dɛme 'dɛ zɔ 'wlole. 12"Ne Zezu yi -lɔ sɛne lɛ nɛɛ: -Gligbɛ "yitɛ -bhole "ku 'na 'nyɔkpɔ "kɛ -lɔ 'du 'na mɔ -bhlɔblu me -se 'wa "kɔ "bhle -klɔgbɔnyɔ "zoale-, -se 'ɔ "kɛ 'ɔ 'luku 'wlizɔ zi. 13-Sɔɔdɛku 'ɔ "kɛ me -wɛ, 'ɔ la- 'ɔnɛɛ 'kulɔbhɔnya kogbɔ "ne 'ɔ yi -lɔ -badlɛ -gbuɛ 'na -ɛ tɛ- lɛ kpɛ "ku -ɔkɔkokɔko kɔ 'je-. "Ne 'ɔ yua -lɔ bhulɛle- nɛɛ: 'A nole- libhɔ "me 'ɛ -kaa 'neɛ 'wlizɔ -zi -dɛku "kɛ ylɛ. 14-Mɔ, 'ɔ 'luku 'na 'nyakpa 'wa "no "me za, 'wa lebhelo lɔ 'nyakpa "ku nɛɛ: -A "ne 'yɔbhɔ -gbɔ 'ɔ 'kamale- 'anye.
15'Wa kɔ -klɔgbɔnyɔ "zoa- "bhuɔ ne, 'ɔ 'luku 'ye 'ɔ -zi -lɔ 'wlizɔ, "ne 'ɔ yi -lɔ 'ɔnɛɛ "kulɔbhɔnya -ye 'ɔ -dlialea nɛ 'dlasi -wɛ la, -se 'ɔ "kɛ -ɔkɔkokɔko 'na -ye 'ɔ -no 'ɔnɛɛ "ku -wɛ yibhlele-. 16Tɛtɛnɔ "kɛ yi, 'ɔ nɛɛ: "Bhenyɔ, -neɛ' 'dlasi -ye -e 'je- -ame kɔ -yili 'dlasi kogbɔ keyi. 17"Ne "ɛ -klɔgbɔnyɔ yu -lɔ bhulɛle- nɛɛ: 'Ɛ 'nɛne, libhɔnonyɔ 'na "namanɔ 'ye -e -no -lɔ, "Naa- -e -no "ɛ libhɔ bhueyi ne 'tee zaa, me -se -e "kɛ 'du 'wli 'kɔgbɔ kamalea-. 18"Ne 'ɔnɛɛ -vinɔ yi -lɔ yi, 'ɔ nɛɛ: Anyinɛnyɔ, -neɛ' 'dlasi -ye -e 'je- -ame kɔ -wɛ 'e -ylele 'dlasi 'umgbu keyi. 19"Ne 'ɔ yu -lɔ 'sɛbhele -wɛ bhulɛle-. -E yi 'du 'wli 'umgbu 'yliku.
20"Ne 'ɔnɛɛ -vinɔ yi -lɔ yi, 'ɔ nɛɛ: "Bhenyɔ, -neɛ' 'dlasi -ye -e 'je- -ame kɔ ne lɛ, 'e -kulɛle nɛ 'neɛ -li "me. 21"Naa- 'e 'gu -eyi -gɛ, sɛko -wɛ nea, -e -gbɔtɔ kpɛnyee, "ne -e libhi -ye -e "ne 'bhe- -wɛ "ku, "ne, -dee -e "ne -glole lɔbhɔ 'ye -e 'dile -lɔ. 22"Ne "ɛ -klɔgbɔnyɔ yu -lɔ bhulɛle- nɛɛ: -Neɛ' bhulɛweli kɔ 'ye 'e "kɛ -kɛ -lɔ -eyi 'gbobhlele-, libhɔnonyɔ -gbeyi -lɛ. -E -yi sɛ gbɔ 'nyɔkpɔ 'na -ɔ -gbɔtɔ 'ye 'e -noɔ, "ne 'e libhi -ye 'e "ne 'bhe- -wɛ "ku, "ne 'e 'dile -dee 'e "ne -glole -wɛ. 23Zaa, sɔɔbɛɛza -e "ne 'na 'dlasi -bhudu -mee 'wa 'kulɛle 'dlasi -wɛ "zo 'a? -E 'cɛ nɛ sɔbhɔ 'sa-, 'e -yi nɛ -wɛ, 'ɛ yi nɛ keyi yili- "ne 'e 'cɛ nɛ -lɔ "ku 'libhi. 24"Ne 'ɔ yi -lɔ -wa -ko lɔbhɔ -wɛ bhulɛle- nɛɛ: 'A -sɔ 'ɔnɛɛ 'dlasi kɔ -se 'a 'je -ɔ -kɛ kogbɔ -wɛ kɔ. 25"Ne 'wa yu -lɔ bhulɛle- nɛɛ: Anyinɛnyɔ, 'ɔ -kɛ 'se kogbɔ 'kle ne! 26'E bhulɛle 'anye nɛɛ: 'Nyɔkpɔ 'na -ɔ -kɛ -wɛ, 'wa yu 'ce "nyɛ, -mɔ, -ɔ "ne -kɛ -wɛ, 'tekeyi 'na -ye 'ɔ kɛ -kɛ ne, 'wa yu 'ce kɔ -sɛ. 27Zaa, 'ɛ kɛ 'neɛ -gblenya, -wa "ne nɛ "ku 'ŋunu- -gbɔ 'e 'kamaloa- nɛ -wɛ, 'a -nɛmoa -dɛne, -se 'a 'diloa -ame 'yliku 'wli "ku. 28Zezu "kɛ soɔ bhulɛ- "bhuɔ ne, 'ɔ 'ple- -zakpɛ 'yuku, "ne 'ɔ yi -lɔ Zeluzalɛme me.
Zezu -plɛ Zeluzalɛme
(Matie 21.1-11; Malke 11.1-11; Zaa 12.12-19)
29'Ɔ 'nyiɔ nɛ Bɛtefaze -nyɛ Betani "bhaa 'na tlo -ye 'wa la Olivietlo -wɛ 'na -gbɔsɔ "ku za, 'ɔ -lebhe 'ɔnɛɛ gɛlenya "sɔ 30nɛɛ: «'A me 'du 'na -ɛ -ko 'anye 'yli "ku -wɛ "me, 'a kɛ "bhle -ylɛ ne, 'a yi sokofani bhueyi -ye 'wa -gbɛte -wɛ yle, 'nyɔkpɔ -nɔ -mlɛ "klo 'gli-, 'a vulu- -se 'a -nɛmo -ame.» 31"Ne 'nyɔkpɔ kɛ 'anye lo 'yɔbhɔ -gbɔ sɔɔbɛɛza 'a 'vulu bhɔ? 'A bhulɛlo- nɛɛ: «Anyinɛnyɔ nɛɛ -a 'kɔmo-.» 32"Ne "ɛ -ye 'ɔ 'lebhe- -wɛ yi -lɔ me, 'wa -ylele lɔbhɔ "ɛ sokofani bhueyi, -see "ɛ Zezu -bhulɛloa -wɛ. 33'Wa -ko "ɛ -sokofani bhueyi vulu dɛku, "ne 'ɔnɛɛ "bhenya yua -lɔ lo 'yɔbhɔ nɛɛ: «sɔɔbɛɛza 'a vulu bhɔ "ɛ -sokofani bhueyi -wɛ 'a?» 34Ŋwɛnɛɛ: «Anyinɛnyɔ 'yɔbhɔ -lɔ lo.» 35"Ne 'wa yi -lɔ "ɛ -sokofani bhueyi Zezu -nɛme. 'Wa -lolo 'wanɛɛ 'koti "klo "ne 'wa yu -lɔ Zezu "klo 'jilɛ. 36"Ne -see 'ɔ me 'yiɛ -wɛ, sɔbhɔ 'wa lolo -lɔ 'wanɛɛ 'koti -gwe "ku. 37'Ɔ "ne -la tlo -ye 'wa la Olivietlo 'wli -wɛ dɛtlo, 'ŋwɛnɛ 'lɔbhɔ 'ɔnɛɛ gɛlenya 'na -zakpɛ, 'wa 'kpa 'awɔ "me "ne 'wa kwɔ 'awɔ Lagɔ 'ŋlu, zɛzɛ 'klekle -ye 'wa 'ye 'ylime -wɛ 'na 'ylime. 38Ŋwɛnɛɛ: «-Klɔgbɔnyɔ -ɔ yi Anyinɛnyɔ 'na 'tɔ "me -wɛ, 'ɔ 'pɔ- 'ŋu! 'Kuwɔtɛ 'ko "nɔgɔ "me, -se Lagɔ me "nɔgɔ "me 'ŋlu!» 39Faliziɛnya 'na yɛ -wa -ko -me "ɛ -zakpɛ "me -wɛ bhulɛle -lɔ Zezu nɛɛ: «"Bhenyɔ, gbɔtɔle- -neɛ' gɛlenya "ku -se 'wa "kɛ "ku 'tli.» 40Zezu nɛɛ: «'E bhulɛle 'anye nɛɛ, 'wayi 'wa kɛ "ku -tli, 'tiyi 'wɔ "kɛ -lɔ "me 'kpa.»
Zezu 'tu- Zeluzalɛme za
41-Sɔɔdɛku Zezu 'nyiɔ- Zeluzalɛme yɔko ne, 'ɔ 'cɛ 'ylime 'ye ne, 'tu 'ye 'ɔ 'tu- -lɔ 'ɛnɛɛ za. 42"Ne 'ɔ yi -lɔ sɛne lɛ nɛɛ: «-Eyi 'lelee, -e kɛ nɛ sɛ -yibhlele -gbɔ -e yi nɛ 'yli yɛ ne "me 'kuwɔtɛ yle. -Mɔ, -dɛmeda 'ɛ "ne 'bhɛle-! "Ɛ zizɔle- -eyi 'ylime zaa, -e -cɛ 'ylime 'ye. 43-Ɛɛ, lɔbhɔ yi ylɛ -dee -neɛ' -gblenya "kɛ -eyi -gbɛte "me "pɔ, 'wa yi 'ce -eyi bli "ne 'wa "kɛ 'ce -lɔ -neɛ' moɔ 'klekle kɔ 'pipi- -me. 44'Wa yi 'ce -eyi dutɛmɛ "ku 'sule- -eyi -nyɛ -neɛ' yua "bhaa "ne 'wa yi 'ce -neɛ' za -bhudu 'klekle 'wlɛ "ne -bɛɛ' -ka 'ce lɔbhɔ 'to-. "Naa-, -sɔɔdɛku Lagɔ -yi -eyi "ku 'be 'ka -wɛ, -e "no -yibhlele zɛ.»
Zezu -kpeti -wa 'pɔle "Mebɔbɔlebhudu "me 'pɔlo -wɛ
(Matie 21.12-17; Malke 11.15-19; Zaa 2.13-16)
45"Ne Zezu yi -lɔ "Mebɔbɔlebhudu "me plɛ, "ne 'ɔ yi -lɔ -wa 'pɔle "bhle 'pɔlo -wɛ 'kpeti-. 46"Ne 'ɔ yua -lɔ bhulɛle- nɛɛ: «'Ɛ kɛleɔ- Lagɔbɔgo "me nɛɛ: 'Wa yi 'ce 'na -bhudu "me bhubhɔle-bhudu la. -Mɔ, 'anye, 'a zoɛ- 'winya 'na zizɔledɛ.» 47'Ɔ -ko nɛ zle 'klekle "Mebɔbɔlebhudu "me "ne 'ɔ 'sloale "bhle Lagɔweli. Bɔbɔnya "yitia "ne -Lɔsloanya -nyɛ kamalenya "yitia "bhaa, 'wa 'tɔlo siɛ -se 'wa "kɔ 'lɔbhɔ -se 'ɔ "kɛ "ku. 48-Mɔ, 'wa "ne 'awɔ -see 'wa "kɛ 'awɔ "zo "ne 'wa kɔ 'awɔ 'sa -yi. "Naa- 'nyakpa -kɛ 'awɔ 'ɔnɛɛ 'yukwli 'fo libhɔ, 'ɔnɛɛ bhulɛweli ze 'awɔ 'wanɛɛ 'dle kɔ zɛ.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.