Luke 20
20
-Ɔ 'nyɛ bhɔ Zezu 'bhɛloɛ?
(Matie 21.23-27; Malke 11.27-33)
1'Yli -bholo "me, Zezu -ko 'awɔ "Mebɔbɔlebhudu "me, 'ɔ 'sloa 'awɔ 'nyakpa Lagɔweli, "ne 'ɔ sɛloa 'awɔ 'Denaade. Bɔbɔnya "yitia, -Lɔsloanya, -nyɛ -gligbɛyitia 'wɔ "bhaa yi -lɔ lɔbhɔ zɔ 'wlole-. 2"Ne 'wa yi -lɔ Zezu lo 'yɔbhɔ nɛɛ: «Bhulɛle 'anye, -nyɔ 'na 'tɔ "me -e no bhɔ "ɛ -ye -e no -wɛ, "ne 'ɔ 'nyɛ- bhɔ -eyi 'bhɛloɛ -gbɔ 'no 'a?» 3"Ne Zezu yua -lɔ bhulɛle- nɛɛ: «-Ame, 'e yi 'lelee 'anye lo 'yɔbhɔ me. 'A bhulɛle- -ame : 4-Ɔ -lebhe bhɔ Zaa -gbɔ 'ɔ me -se 'ɔ "kɛ 'nyakpa batɛme "nyɛ 'a? Lagɔ -lobho bha, -mɔ, 'nyakpa -lobho?» 5'Wa bhulɛbhulɛle nɛɛ: «-A kɛ -dɛme -no -gbɔ Lagɔ -lobho -lɔ, Zezu yi -kɛ -anye lo 'yɔbhɔ nɛɛ: Sɔɔbɛɛza 'a "ne Zaa 'na -ye 'ɔ -bhulɛ nɛ -wɛ 'dleku -kɛle? 6"Ne -a kɛ 'lelee -no nɛɛ: 'Nyakpa -lobho -lɔ, -glɔnya 'klekle yi -anye 'tiyi "pɔ, "naa-, 'wa -kɛ 'dleku -gbɔ Zaa, "guɔkwɔmenyɔ yɔ nɛ -lɔ zɛ.» 7"Ne 'wa yi -lɔ no nɛɛ: -A "ne kɛ -dee 'ɔ 'bhale -yi. 8"Ne Zezu yua -lɔ bhulɛle- nɛɛ: «-ame, 'e -ka 'lelee 'anye bhulɛle- sɔɔbɛɛza 'e no "ɛ soɔ -wɛ.»
Libhɔnonya -wa -ko 'konyinɛ "me 'na nunɛ
(Matie 21.33-46; Malke 12.1-12)
9"Ne Zezu yi -lɔ "ɛ 'nyakpa -wɛ nunɛ 'pɔle nɛɛ: 'Nyɔkpɔ -bholo -glo -lɔ vinyelɛɛ "ne 'ɔ yi -lɔ libhɔnonya yɔko 'tle- "ne 'ɔ yi -lɔ -glɔ "ku me. 10'Ɛnɛɛ -sɛ dɛku -ylɛ lɛ ne, "ne 'ɔ yi -lɔ 'ɔnɛɛ "kulɔbhɔnya 'na -bholo "ɛ libhɔnonya "ku 'lebhele- -se 'wa "kɛ 'ɔnɛɛ dɛ kɔ 'je. -Mɔ, "ɛ libhɔnonya -wɛ, 'wa 'sa- "ɛ "kulɔbhɔnyɔ -wɛ kɔ "ne 'wa yu 'lɔbhɔ-, "ne 'wa yu -lɔ 'kpeti-, 'wa "no -bɛɛ' kɔ 'je-. 11"Ne 'ɔ yi -lɔ "kulɔbhɔnyɔ 'na -vinɔ 'lebhe-, "ne "ɛ libhɔnonya yu -lɔ 'lɔbhɔ, "ne 'wa yu -lɔ 'yli-, "ne 'wa yu -lɔ 'kpeti-, 'wa "no -bɛɛ' kɔ 'je-. 'Ɔ 'biti 'kwlɛ "ne 'ɔ yi yi. 12"Ɛ 'lɛɛbhenyɔ yi -lɔ tanɔ 'lebhe-, 'ɔ -yi -wɛ, 'wa 'lɔbhɔ mo, "ne 'wa yu -lɔ 'kpeti-. 13"Ne 'lɛɛbhenyɔ yi -lɔ no nɛɛ: Zaa, -see 'e "kɛ bhɔ "zo 'a? 'Neɛ -wawayu 'ye 'e "kɛ -lɔ 'lebhe-, 'ɔyi, 'wa yu 'plome "zo. 14-Mɔ, 'wa 'ye- lɛ 'ɔ yowli 'ylime ne 'wa yi -lɔ no nɛɛ: -Ɔ "kɛ 'ɔnɛɛ 'gugbɛ "ku 'libhi ne lɛ, -a 'lɔbhɔ -se 'ɔ "ku -se "ɛ 'gugbɛ -wɛ "kɛ -anye nɛ "zo. 15"Ne 'wa yu -lɔ "ɛ 'lɛɛ "me -sɛ, "ne 'wa yu -lɔ 'lɔbhɔ- "ne 'ɔ yi -lɔ "ku. "Ne Zezu yua -lɔ lo 'yɔbhɔ nɛɛ : 'Lɛɛbhenyɔ kɛ -yi ne, -see 'ɔ "koa bhɔ 'sa 'a? 16'Ɔ kɛ -yi, 'ɔ yi "ɛ libhɔnonya -wɛ 'lɔbhɔ "ne 'wa yi "ku, "ne 'ɔ yi "ɛ vinyelɛɛ -wɛ -vinya kɔ 'je. -Mɔ, 'wa 'no- lɛ "ɛ weli -wɛ "me, ŋwɛnɛɛ: «'Bhɔ, 'ɛ te -kɛ sɔbhɔ ylɛle- gou.»
17"Ne Zezu yua -lɔ "ku 'wolo- -vlee, "ne 'ɔ yi -lɔ no- nɛɛ: Weli -ye 'wa kɛle- -wɛ, -see 'ɛ sɛ bhɔ zɔ 'a? 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi. 18'Nyɔkpɔ 'na -ɔ kɛ 'ce "ɛ 'tiyi -wɛ "klo zɔ -bhli, 'ɔ yi 'kɔtɔ "ne -ye 'ɛ kɛ "ku -bhlile, 'ɔ yi "ku "ne 'ɔ yi 'bhibhi "zo. 19-Lɔsloanya "ne bɔbɔnya 'na "cifia, 'wa 'yɔbhɔ nɛ -gbɔ 'wa "kɛ nɛ Zezu 'sa cuu. -Mɔ, 'wa 'gu nɛ -zakpɛ -gɛ, "naa-, 'wa -yibhlele nɛ sɛ -gbɔ nunɛ -ye 'ɔ pɔ- -wɛ 'wayi 'ye 'ɔ ga nɛ -lɔ.
-A yi bho Sezale 'na -lɛpo "peɛle
(Matie 22.15-22; Malke 12.13-17)
20'Ɛ 'bhale- "ɛ doɔ -wɛ, 'wa gɛleɔ- nɛ yli "ne 'wa yu nɛ -lɔ faliziɛnya "ku 'lebhele-, 'wa "kɔ "me 'bea- zɛ. -Se 'wa "kɔ gbɔflɔnɔmɔ kɔme-. 21"Ne 'wa yu -lɔ lo 'yɔbhɔ nɛɛ: «Slonyɔ, -a -yi sɛ -gbɔ -e bhulɛ gbaa "ne -e "ne 'gu 'nyɔkpɔ -gɛ, -ye Lagɔ no -gbɔ -a no, 'ɛyi 'ye -e bhulɛle -lɔ -anye. 22-A yi bhɔ -lɛpo 'peɛle 'Kamalenyɔ Sezale kɔ? -Mɔ, -a -cɛ bhɔ 'peɛle?» 23Zezu -yibhlele sɛ -gbɔ, 'nyakpa -gbeyia 'waa -lɔ "ne 'ɔ yua -lɔ bhulɛle- nɛɛ: 24«'A tua- -na -ame "ɛ 'tamayɛ -wɛ 'ylime! -Nyɔ 'na 'wli -ko bhɔ "klo, "ne -nyɔ 'na 'tɔ 'wa kɛle- bhɔ "klo?» Ŋwɛnɛɛ: «"Naa-, 'Kamalenyɔ Sezale yɔ -lɔ.» 25"Ne 'ɔ yua -lɔ bhulɛle- nɛɛ: «-Ɛ -noɔ 'Kamalenyɔ Sezale -nɛ yɛ -wɛ, 'a 'je Sezale kɔ. -Ɛ -noɔ Lagɔ -nɛ yɛ -wɛ 'a 'je Lagɔ kɔ.» 26'Wa "ne 'awɔ -la -see 'wa "kɔ "me 'bea -yi -glɔnya 'yliku. "Ɛ welicibhɛ -wɛ -soa 'awɔ geji "ku 'klekle.
-Glukonya 'na gluzɔwloweli
(Matie 22.23-33; Malke 12.18-27)
27Saduseɛnya 'na yɛ -wa "ne gluzɔwloɛ 'dleku -kɛ -wɛ -yi -lɔ Zezu lo 'yɔbhɔ ka nɛɛ: 28«Slonyɔ, Moyize kɛle- gbagbɛ -anyɛɛ za: 'Widi -nyɛ 'ŋɔnɔ "bhaa kɛ 'sue -plɛ "ne 'wa "mɔ yu -gwɛle "ne 'widi kɛ "ku-, 'ɔ "nɔwli libhi 'ɔnɛɛ 'kwiziŋɔnɔ "ku -se 'ɔ "kɔ 'beme "zo. 29'A -gɛ 'yli, "nowlia gbɔsɔ -ko 'awɔ -lɔ doɔ. Tɛtɛnɔ -kwɔ 'awɔ 'ŋɔnɔ, 'ɔ "ne yu -gwɛle "ne 'ɔ yi -lɔ "ku. 30"Sɔnɔ libhi- 'kwiziŋɔnɔ "ku. 'Ɔ "ne yu -gwɛle "ne 'ɔ "ku-. 31Tanɔ "ku- -me 'lelee "ɛ sɛbhele -wɛ. 'Wa "ku- 'wayi gbɔsɔ -kpɔ "ne 'wa "ne yu -tle. 32"Ne "ɛ 'ŋɔnɔ -wɛ "ku- -me 'lelee. 33Zaa, -glukonya kɛ 'ce glu zɔ 'wlo- ne, -nyɔ 'na 'ŋɔnɔ 'ɔ "kɛ bhɔ "zo 'a? 'Wayi gbɔsɔ -kpɔ "zo- -kɛ 'ɔnɛɛ 'widia 'klekle zɛ.» 34Zezu -bhulɛloa nɛɛ: «-Wa -ko zikpɛ ne "ku, 'waa- kwɔkwɔle -lɔ. 35-Mɔ -ye Lagɔ -sɛ lɔbhɔ -gbɔ 'wa yi zikpɛ 'na -ɛce yle gluzɔ -wlo dɛku kɛ -yi ne, 'wa -ka -la sue 'plɛ. 36'Wa -ka 'ce -la "ku. "Naa- "nɔgɔzilia 'nasɛ 'wa "kɛ -lɔ ko. 'Wayi -wɛ Lagɔ 'na yua 'waa -lɔ, "naa- 'ɔ -soa glu zɛ. 37Moyize -bhulɛ gbɛklɛklɛ 'nyakpa -wa "kɛ gluzɔ wlo 'na weli. "Naa- -sɔɔdɛku 'ɔ bhulɛ 'awɔ 'gbagbe -ɛ diɔ- 'awɔ 'yli 'na weli -wɛ, lɔbhɔ 'ye 'ɔ lale- -lɔ Anyinɛnyɔ Ablame 'na Lagɔ, Izake 'na Lagɔ, "ne Zakɔbo 'na Lagɔ. 38Lagɔ "ne 'kwia 'na Lagɔ yɔ, -mɔ -yɛyɛnya 'na Lagɔ 'ye 'ɔ -noɔ -lɔ "naa- Lagɔ za 'wa -yɛ -lɔ.» 39"Ne -Lɔsloanya 'na 'glɛme 'na -bedia libhi- -lɔ weli "ku nɛɛ: «Slonyɔ, -e -bhulɛ 'tee.» 40Zaa, 'wa "ne 'yɔbhɔ nɛ -da lo.
'Fuɔnyɔ "ne Davide
(Matie 22.41-46; Malke 12.35-37)
41"Ne Zezu yua -lɔ lo 'yɔbhɔ- nɛɛ: Sɔɔbɛɛza 'wa "kɛ bhɔ no -gbɔ Klise, Davide 'na yu yɔ 'a? 42"Naa- Davide -bhulɛle -lɔ 'ɔyigɛsɛ nɛɛ:
Anyinɛnyɔ -bhulɛle Anyinɛnyɔ:
'Gli- 'neɛ lilikwlɛ -gbɔsɔ "ku,
43-Se 'e "kɛ -neɛ' -gblenya -eyi bhɔzɔ "zo "bhuɔ.
44Soɔ za Davide lɔ- -lɔ Anyinɛnyɔ, sɔɔbɛɛza 'ɔ "kɛ bhɔ 'lelee Davide 'na yu "zo 'a?
'A te -Lɔsloanya 'na -li no
(Matie 23.1-36; Malke 12.37-40)
45-Sɔɔdɛku -zakpɛ -fo nɛ 'yukwli 'ɔ yi -lɔ 'ɔnɛɛ gɛlenya bhulɛle- nɛɛ : 46«'A 'luɔ- -kɛ, 'a te 'ce -Lɔsloanya 'na -li no! 'Wawɛ, 'wa -wa 'nyakpa 'na 'ylikunɔŋoɛ 'wanɛɛ "koti -glɛgbɛ "bhaa, -glɔ kɛ "bhle -bhiɛ, ŋwɛnɛɛ 'wa 'bhɛloa "ɛ 'digbɛ -wɛ "me, "mebhubhɔlebhudu "me, 'waa- 'gli- -lɔ 'yuku, lilɛlidɛ "me 'waa- -gɛ -lɔ 'yuku. 47'Wa -sɛ 'kwiziŋwenea 'lɛɛ "me, 'wanɛɛ bhubhɔweli 'tloma "me kpɛnyee -ɛwɛza, 'gbobhle dɛku kɛ 'ce -yi, 'wa -nɛ yi 'ce "me "tamale- kpɛnyee.»
انتخاب شده:
Luke 20: btg
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.
Luke 20
20
-Ɔ 'nyɛ bhɔ Zezu 'bhɛloɛ?
(Matie 21.23-27; Malke 11.27-33)
1'Yli -bholo "me, Zezu -ko 'awɔ "Mebɔbɔlebhudu "me, 'ɔ 'sloa 'awɔ 'nyakpa Lagɔweli, "ne 'ɔ sɛloa 'awɔ 'Denaade. Bɔbɔnya "yitia, -Lɔsloanya, -nyɛ -gligbɛyitia 'wɔ "bhaa yi -lɔ lɔbhɔ zɔ 'wlole-. 2"Ne 'wa yi -lɔ Zezu lo 'yɔbhɔ nɛɛ: «Bhulɛle 'anye, -nyɔ 'na 'tɔ "me -e no bhɔ "ɛ -ye -e no -wɛ, "ne 'ɔ 'nyɛ- bhɔ -eyi 'bhɛloɛ -gbɔ 'no 'a?» 3"Ne Zezu yua -lɔ bhulɛle- nɛɛ: «-Ame, 'e yi 'lelee 'anye lo 'yɔbhɔ me. 'A bhulɛle- -ame : 4-Ɔ -lebhe bhɔ Zaa -gbɔ 'ɔ me -se 'ɔ "kɛ 'nyakpa batɛme "nyɛ 'a? Lagɔ -lobho bha, -mɔ, 'nyakpa -lobho?» 5'Wa bhulɛbhulɛle nɛɛ: «-A kɛ -dɛme -no -gbɔ Lagɔ -lobho -lɔ, Zezu yi -kɛ -anye lo 'yɔbhɔ nɛɛ: Sɔɔbɛɛza 'a "ne Zaa 'na -ye 'ɔ -bhulɛ nɛ -wɛ 'dleku -kɛle? 6"Ne -a kɛ 'lelee -no nɛɛ: 'Nyakpa -lobho -lɔ, -glɔnya 'klekle yi -anye 'tiyi "pɔ, "naa-, 'wa -kɛ 'dleku -gbɔ Zaa, "guɔkwɔmenyɔ yɔ nɛ -lɔ zɛ.» 7"Ne 'wa yi -lɔ no nɛɛ: -A "ne kɛ -dee 'ɔ 'bhale -yi. 8"Ne Zezu yua -lɔ bhulɛle- nɛɛ: «-ame, 'e -ka 'lelee 'anye bhulɛle- sɔɔbɛɛza 'e no "ɛ soɔ -wɛ.»
Libhɔnonya -wa -ko 'konyinɛ "me 'na nunɛ
(Matie 21.33-46; Malke 12.1-12)
9"Ne Zezu yi -lɔ "ɛ 'nyakpa -wɛ nunɛ 'pɔle nɛɛ: 'Nyɔkpɔ -bholo -glo -lɔ vinyelɛɛ "ne 'ɔ yi -lɔ libhɔnonya yɔko 'tle- "ne 'ɔ yi -lɔ -glɔ "ku me. 10'Ɛnɛɛ -sɛ dɛku -ylɛ lɛ ne, "ne 'ɔ yi -lɔ 'ɔnɛɛ "kulɔbhɔnya 'na -bholo "ɛ libhɔnonya "ku 'lebhele- -se 'wa "kɛ 'ɔnɛɛ dɛ kɔ 'je. -Mɔ, "ɛ libhɔnonya -wɛ, 'wa 'sa- "ɛ "kulɔbhɔnyɔ -wɛ kɔ "ne 'wa yu 'lɔbhɔ-, "ne 'wa yu -lɔ 'kpeti-, 'wa "no -bɛɛ' kɔ 'je-. 11"Ne 'ɔ yi -lɔ "kulɔbhɔnyɔ 'na -vinɔ 'lebhe-, "ne "ɛ libhɔnonya yu -lɔ 'lɔbhɔ, "ne 'wa yu -lɔ 'yli-, "ne 'wa yu -lɔ 'kpeti-, 'wa "no -bɛɛ' kɔ 'je-. 'Ɔ 'biti 'kwlɛ "ne 'ɔ yi yi. 12"Ɛ 'lɛɛbhenyɔ yi -lɔ tanɔ 'lebhe-, 'ɔ -yi -wɛ, 'wa 'lɔbhɔ mo, "ne 'wa yu -lɔ 'kpeti-. 13"Ne 'lɛɛbhenyɔ yi -lɔ no nɛɛ: Zaa, -see 'e "kɛ bhɔ "zo 'a? 'Neɛ -wawayu 'ye 'e "kɛ -lɔ 'lebhe-, 'ɔyi, 'wa yu 'plome "zo. 14-Mɔ, 'wa 'ye- lɛ 'ɔ yowli 'ylime ne 'wa yi -lɔ no nɛɛ: -Ɔ "kɛ 'ɔnɛɛ 'gugbɛ "ku 'libhi ne lɛ, -a 'lɔbhɔ -se 'ɔ "ku -se "ɛ 'gugbɛ -wɛ "kɛ -anye nɛ "zo. 15"Ne 'wa yu -lɔ "ɛ 'lɛɛ "me -sɛ, "ne 'wa yu -lɔ 'lɔbhɔ- "ne 'ɔ yi -lɔ "ku. "Ne Zezu yua -lɔ lo 'yɔbhɔ nɛɛ : 'Lɛɛbhenyɔ kɛ -yi ne, -see 'ɔ "koa bhɔ 'sa 'a? 16'Ɔ kɛ -yi, 'ɔ yi "ɛ libhɔnonya -wɛ 'lɔbhɔ "ne 'wa yi "ku, "ne 'ɔ yi "ɛ vinyelɛɛ -wɛ -vinya kɔ 'je. -Mɔ, 'wa 'no- lɛ "ɛ weli -wɛ "me, ŋwɛnɛɛ: «'Bhɔ, 'ɛ te -kɛ sɔbhɔ ylɛle- gou.»
17"Ne Zezu yua -lɔ "ku 'wolo- -vlee, "ne 'ɔ yi -lɔ no- nɛɛ: Weli -ye 'wa kɛle- -wɛ, -see 'ɛ sɛ bhɔ zɔ 'a? 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi. 18'Nyɔkpɔ 'na -ɔ kɛ 'ce "ɛ 'tiyi -wɛ "klo zɔ -bhli, 'ɔ yi 'kɔtɔ "ne -ye 'ɛ kɛ "ku -bhlile, 'ɔ yi "ku "ne 'ɔ yi 'bhibhi "zo. 19-Lɔsloanya "ne bɔbɔnya 'na "cifia, 'wa 'yɔbhɔ nɛ -gbɔ 'wa "kɛ nɛ Zezu 'sa cuu. -Mɔ, 'wa 'gu nɛ -zakpɛ -gɛ, "naa-, 'wa -yibhlele nɛ sɛ -gbɔ nunɛ -ye 'ɔ pɔ- -wɛ 'wayi 'ye 'ɔ ga nɛ -lɔ.
-A yi bho Sezale 'na -lɛpo "peɛle
(Matie 22.15-22; Malke 12.13-17)
20'Ɛ 'bhale- "ɛ doɔ -wɛ, 'wa gɛleɔ- nɛ yli "ne 'wa yu nɛ -lɔ faliziɛnya "ku 'lebhele-, 'wa "kɔ "me 'bea- zɛ. -Se 'wa "kɔ gbɔflɔnɔmɔ kɔme-. 21"Ne 'wa yu -lɔ lo 'yɔbhɔ nɛɛ: «Slonyɔ, -a -yi sɛ -gbɔ -e bhulɛ gbaa "ne -e "ne 'gu 'nyɔkpɔ -gɛ, -ye Lagɔ no -gbɔ -a no, 'ɛyi 'ye -e bhulɛle -lɔ -anye. 22-A yi bhɔ -lɛpo 'peɛle 'Kamalenyɔ Sezale kɔ? -Mɔ, -a -cɛ bhɔ 'peɛle?» 23Zezu -yibhlele sɛ -gbɔ, 'nyakpa -gbeyia 'waa -lɔ "ne 'ɔ yua -lɔ bhulɛle- nɛɛ: 24«'A tua- -na -ame "ɛ 'tamayɛ -wɛ 'ylime! -Nyɔ 'na 'wli -ko bhɔ "klo, "ne -nyɔ 'na 'tɔ 'wa kɛle- bhɔ "klo?» Ŋwɛnɛɛ: «"Naa-, 'Kamalenyɔ Sezale yɔ -lɔ.» 25"Ne 'ɔ yua -lɔ bhulɛle- nɛɛ: «-Ɛ -noɔ 'Kamalenyɔ Sezale -nɛ yɛ -wɛ, 'a 'je Sezale kɔ. -Ɛ -noɔ Lagɔ -nɛ yɛ -wɛ 'a 'je Lagɔ kɔ.» 26'Wa "ne 'awɔ -la -see 'wa "kɔ "me 'bea -yi -glɔnya 'yliku. "Ɛ welicibhɛ -wɛ -soa 'awɔ geji "ku 'klekle.
-Glukonya 'na gluzɔwloweli
(Matie 22.23-33; Malke 12.18-27)
27Saduseɛnya 'na yɛ -wa "ne gluzɔwloɛ 'dleku -kɛ -wɛ -yi -lɔ Zezu lo 'yɔbhɔ ka nɛɛ: 28«Slonyɔ, Moyize kɛle- gbagbɛ -anyɛɛ za: 'Widi -nyɛ 'ŋɔnɔ "bhaa kɛ 'sue -plɛ "ne 'wa "mɔ yu -gwɛle "ne 'widi kɛ "ku-, 'ɔ "nɔwli libhi 'ɔnɛɛ 'kwiziŋɔnɔ "ku -se 'ɔ "kɔ 'beme "zo. 29'A -gɛ 'yli, "nowlia gbɔsɔ -ko 'awɔ -lɔ doɔ. Tɛtɛnɔ -kwɔ 'awɔ 'ŋɔnɔ, 'ɔ "ne yu -gwɛle "ne 'ɔ yi -lɔ "ku. 30"Sɔnɔ libhi- 'kwiziŋɔnɔ "ku. 'Ɔ "ne yu -gwɛle "ne 'ɔ "ku-. 31Tanɔ "ku- -me 'lelee "ɛ sɛbhele -wɛ. 'Wa "ku- 'wayi gbɔsɔ -kpɔ "ne 'wa "ne yu -tle. 32"Ne "ɛ 'ŋɔnɔ -wɛ "ku- -me 'lelee. 33Zaa, -glukonya kɛ 'ce glu zɔ 'wlo- ne, -nyɔ 'na 'ŋɔnɔ 'ɔ "kɛ bhɔ "zo 'a? 'Wayi gbɔsɔ -kpɔ "zo- -kɛ 'ɔnɛɛ 'widia 'klekle zɛ.» 34Zezu -bhulɛloa nɛɛ: «-Wa -ko zikpɛ ne "ku, 'waa- kwɔkwɔle -lɔ. 35-Mɔ -ye Lagɔ -sɛ lɔbhɔ -gbɔ 'wa yi zikpɛ 'na -ɛce yle gluzɔ -wlo dɛku kɛ -yi ne, 'wa -ka -la sue 'plɛ. 36'Wa -ka 'ce -la "ku. "Naa- "nɔgɔzilia 'nasɛ 'wa "kɛ -lɔ ko. 'Wayi -wɛ Lagɔ 'na yua 'waa -lɔ, "naa- 'ɔ -soa glu zɛ. 37Moyize -bhulɛ gbɛklɛklɛ 'nyakpa -wa "kɛ gluzɔ wlo 'na weli. "Naa- -sɔɔdɛku 'ɔ bhulɛ 'awɔ 'gbagbe -ɛ diɔ- 'awɔ 'yli 'na weli -wɛ, lɔbhɔ 'ye 'ɔ lale- -lɔ Anyinɛnyɔ Ablame 'na Lagɔ, Izake 'na Lagɔ, "ne Zakɔbo 'na Lagɔ. 38Lagɔ "ne 'kwia 'na Lagɔ yɔ, -mɔ -yɛyɛnya 'na Lagɔ 'ye 'ɔ -noɔ -lɔ "naa- Lagɔ za 'wa -yɛ -lɔ.» 39"Ne -Lɔsloanya 'na 'glɛme 'na -bedia libhi- -lɔ weli "ku nɛɛ: «Slonyɔ, -e -bhulɛ 'tee.» 40Zaa, 'wa "ne 'yɔbhɔ nɛ -da lo.
'Fuɔnyɔ "ne Davide
(Matie 22.41-46; Malke 12.35-37)
41"Ne Zezu yua -lɔ lo 'yɔbhɔ- nɛɛ: Sɔɔbɛɛza 'wa "kɛ bhɔ no -gbɔ Klise, Davide 'na yu yɔ 'a? 42"Naa- Davide -bhulɛle -lɔ 'ɔyigɛsɛ nɛɛ:
Anyinɛnyɔ -bhulɛle Anyinɛnyɔ:
'Gli- 'neɛ lilikwlɛ -gbɔsɔ "ku,
43-Se 'e "kɛ -neɛ' -gblenya -eyi bhɔzɔ "zo "bhuɔ.
44Soɔ za Davide lɔ- -lɔ Anyinɛnyɔ, sɔɔbɛɛza 'ɔ "kɛ bhɔ 'lelee Davide 'na yu "zo 'a?
'A te -Lɔsloanya 'na -li no
(Matie 23.1-36; Malke 12.37-40)
45-Sɔɔdɛku -zakpɛ -fo nɛ 'yukwli 'ɔ yi -lɔ 'ɔnɛɛ gɛlenya bhulɛle- nɛɛ : 46«'A 'luɔ- -kɛ, 'a te 'ce -Lɔsloanya 'na -li no! 'Wawɛ, 'wa -wa 'nyakpa 'na 'ylikunɔŋoɛ 'wanɛɛ "koti -glɛgbɛ "bhaa, -glɔ kɛ "bhle -bhiɛ, ŋwɛnɛɛ 'wa 'bhɛloa "ɛ 'digbɛ -wɛ "me, "mebhubhɔlebhudu "me, 'waa- 'gli- -lɔ 'yuku, lilɛlidɛ "me 'waa- -gɛ -lɔ 'yuku. 47'Wa -sɛ 'kwiziŋwenea 'lɛɛ "me, 'wanɛɛ bhubhɔweli 'tloma "me kpɛnyee -ɛwɛza, 'gbobhle dɛku kɛ 'ce -yi, 'wa -nɛ yi 'ce "me "tamale- kpɛnyee.»
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.